Te fundit
Gruaja më e pasur në Skoci akuzohet për trafikim të qënieve njerëzore
21 Janar 2023, 17:55Lifestyle
TEMA
Dame Ann Gloag, një nga gratë më të pasura në Skoci, bashkëthemeluese e Stagecoach Group, është akuzuar në lidhje me një hetim për trafikim të qënieve njerëzore.
Zëdhënësi i policisë në Skoci tha se miliarderja është nën hetim në lidhje me një çështje që ka të bëjë me trafikimin e qënieve njerëzore dhe migracionit.
“Më 19 janar 2023, katër individë u akuzuan në lidhje me një hetim mbi krimet e dyshuara të trafikimit të qenieve njerëzore dhe imigracionit. Një raport do t’i dërgohet prokurorit fiskal”, tha zëdhënësi i policisë.
Nga ana tjetër një zëdhënëse e biznesmenes 80-vjeçare i mohoi me forcë akuzat.
“Ndërsa ne nuk mund të komentojmë detajet e një hetimi në vazhdim, Dame Ann Gloag kundërshton më forcë akuzat dashakeqe që janë bërë kundër saj.”
Zëdhënësja shtoi: “Ajo do të mbrojë fuqishëm veten dhe punën e fondacionit të saj dhe do të vazhdojë punën duke ndihmuar mijëra njerëz në Mbretërinë e Bashkuar dhe jashtë saj çdo vit.”
Dame Ann është një nga gratë më të pasura të Skocisë, pasi ka themeluar grupin Stagecoach së bashku me vëllain e saj në 1980.
Biznesi, i cili filloi me drejtimin e autobusëve nga Dundee në Londër, u bë një nga firmat më të mëdha të autobusëve në Mbretërinë e Bashkuar, duke operuar më pas në të gjithë vendin.
Ann Gloag është trajnuar si infermiere në të njëzetat e saj, dhe shpesh herë është përqëndruar si filanropiste në kujdesin shëndetësor.
Dame Ann ka gjithashtu një fondacion që synon të trajtojë varfërinë dhe të inkurajojë avancimin e arsimit, shëndetit dhe fesë në Mbretërinë e Bashkuar, por dhe jashtë saj.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ja ku jane trafikantet e vertete dhe policia e shteti i MB merren me shqiptaret. Keta jane organizatoret dhe perfituesit me te medhenj, prandaj policia hesht dhe nuk ben asgje.
Si puna kesaj ka shume miliardere qe jane pasuruar me kete pune sidomos ne Amerike. Eshte biznesi me fitimprures ne bote dhe ka mbeshtetjen e politikes