Te fundit
Japonia dëshiron që qytetarët e saj të provojnë javën e punës 4-ditore
5 Shtator 2024, 22:41Lifestyle
TEMA
Japonia, një komb kaq punëtor, në gjuhën e saj ka një term, që fjalë për fjalë do të thotë “të punosh deri në vdekje” (karoshi), po përpiqet të trajtojë një mungesë shqetësuese të fuqisë punëtore, duke nxitur më shumë njerëz dhe kompani të miratojnë javët e punës katër-ditore.
Qeveria japoneze shprehu fillimisht mbështetjen për një javë më të shkurtër pune në vitin 2021, pasi ligjvënësit miratuan idenë.
Megjithatë, koncepti ka qenë i ngadalshëm për t’u kapur; rreth 8% e kompanive në Japoni lejojnë punonjësit të marrin tre ose më shumë ditë pushim në javë, ndërsa 7% u japin punonjësve të tyre një ditë pushim të mandatuar ligjërisht, sipas Ministrisë së Shëndetësisë, Punës dhe Mirëqenies.
Departamenti, që mbikëqyr shërbimet e reja mbështetëse për bizneset, thotë se vetëm tre kompani janë paraqitur deri më tani për të kërkuar këshilla për të bërë ndryshime, rregullore përkatëse dhe subvencione në dispozicion, duke ilustruar sfidat me të cilat përballet nisma.
Ndoshta më e rëndësishme: nga 63,000 punonjës të Panasonic Holdings Corp. që kanë të drejtë për orare katër-ditore, vetëm 150 punonjës kanë zgjedhur të marrin pushim një ditë shtesë.
Mbështetja zyrtare e qeverisë për një ekuilibër më të mirë punë-jetë, përfaqëson një ndryshim të dukshëm në Japoni, një vend, ku është e njohur kultura punës stoike, shpesh merita për rimëkëmbjen kombëtare dhe rritjen e shkëlqyer ekonomike pas Luftës së Dytë Botërore.
Orët e gjata janë normë. Edhe pse 85% e punëdhënësve raportojnë, se u japin punëtorëve dy ditë pushim në javë dhe ka kufizime ligjore për orët jashtë orarit, të cilat negociohen me sindikatat dhe detajohen në kontrata.
Por disa japonezë bëjnë “shërbim jashtë orarit”, që do të thotë se nuk raportohet dhe kryhet pa kompensim.
Japonia ka të paktën 54 vdekje nga puna e tëpërt në vit, përfshirë nga infarkti në zemër.
Disa zyrtarë e konsiderojnë ndryshimin e kësaj mendësie, si vendimtare për ruajtjen e një fuqie punëtore të qëndrueshme, mes nivelit të ulët të lindjeve në Japoni.
Me normën aktuale, e cila pjesërisht i atribuohet kulturës së vendit të fokusuar në punë, popullsia në moshë pune pritet të bjerë 40% në 45 milionë njerëz në vitin 2065, nga 74 milionë që janë aktualisht, sipas të dhënave të qeverisë.
Fast Retailing Co. Kompania japoneze, që zotëron Uniqlo, Theory, J Brand dhe marka të tjera veshjesh, kompania farmaceutike Shionogi & Co. dhe kompanitë elektronike Ricoh Co. dhe Hitachi, gjithashtu filluan të ofrojnë një javë pune katër-ditore vitet e fundit.
Trendi madje ka fituar tërheqje në industrinë e financave.
Kritikët e nismës së qeverisë thonë se në praktikë, njerëzit me javë pune katër-ditore, shpesh përfundojnë duke punuar po aq fort për një pagë më të ulët.
Një sondazh vjetor i Gallup, që mat angazhimin e punonjësve, e renditi Japoninë si vendi me punëtorët më pak të angazhuar të të gjitha kombësive të anketuara.
Në sondazhin më të fundit, vetëm 6% e të anketuarve japonezë e përshkruan veten si të angazhuar në punë, krahasuar me mesataren globale prej 23%.
Kjo do të thotë se relativisht pak punëtorë japonezë ndiheshin shumë të përfshirë në vendin e tyre të punës, ndërkohë që shumica po kalonin orët e tyre pa investuar pasion apo energji.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Une mendoj qe japonezet te na marrin shembull ne,administratën tone qe "punon" 5 dite te javes por pjesen me te madhe ne kafe,duke zgjidhur punet e shtepise,pra pothuaj zero rendiment,e do te mbeten me se te kenaqur.