Te fundit
Kim Kardashian kërkon që Gunna të lirohet nga burgu
21 Korrik 2022, 20:01Lifestyle
TEMA
Ylli i shfaqjes “Kepping Up”, Kim Kardashian ka filluar të interesohet në një çështje të re ligjore.
Ajo dëshiron të shoh rep-artistin Gunna të liruar nga burgu teksa ai pret gjykimin e tij përfundimtar.
Avokatja 41 vjeçare përgjatë viteve ka ndihmuar shumë njerëz të dalin nga burgu, përfshirë këtu edhe Alice Marie Johnson. Të enjten ajo ka ndarë me 73 milionë ndjekësit e saj në Twitter, mbështetjen për reperin me një ‘hashtag’ duke thënë se ai duhet të lirohet.
Në momentin e shkrimit, postimi i saj ka marrë mbi 2 mijë e 500 komente, 36 mijë ripostime dhe 110 mijë pëlqime.
Ndërsa shumë nga ndjekësit e saj e kanë falënderuar yllin e realitetit për mbështetjen e Gunna-s, disa janë të hutuar për lidhjen e saj me artistin e hip-hop dhe po pyesin nëse llogaria e saj ishte hakuar.
“Ajo duhet të jetë e hakuar, sepse jam i befasuar nga ky postim në Twitter”, shkroi një person.
Një tjetër komentoi: “Sainty, ktheji mamit telefonin e saj”.
Rikujtojmë se Gunna emri i vërtetë i të cilit është Sergio Giavanni Kitchens së bashku me reperin tjetër Young Thug dhe disa njerëz të tjerë, u arrestuan në fillim të këtij viti nën akuzat për posedim droge dhe përfshirjen e tyre me një bandë që dyshohet se kryen krime të egra.
Dy personat e famshëm u arrestuan së bashku me të pandehurit e tjerë të lidhur me kompaninë diskografike “YSL” dhe akuzat e grupit detajojnë vrasjen, posedimin e drogës dhe armëve, frikësimin e dëshmitarëve, vjedhjen e makinave si dhe grabitjen.
Reperëve Gunna dhe Young Thug, u është refuzuar lirimi me kusht dhe aktualisht ndodhen në burg ndërsa presin akuzat.
Pavarësisht se iu mohua lirimi me kusht, ekipi ligjor i Gunna-s është i bindur se reperi do të lirohet.
“Zoti Sergio Kitchens, i njohur si Gunna, është i pafajshëm”, thanë në një deklaratë avokatët e Gunna, Donald F. Samuel, John A. Garland dhe Kristen W. Novay.
“Akuza e portretizon në mënyrë të rreme muzikën e tij si pjesë të një komploti kriminal. Z. Kitchens ka qenë një avokat për komunitetin e tij dhe është privilegji ynë të avokojmë për të”, kanë thënë mes tjerash ata.
Ekipi ligjor i Gunna-s u tregua i shpejtë duke vënë në dukje rolin e madh që klienti i tyre ka luajtur në Atlanta gjatë viteve të fundit, që përfshinë dyqanin e parë ushqimor falas në një shkollë me mbi 400 fëmijë.
Përfaqësuesit e tij gjithashtu këmbëngulën se është gabim të përdorësh tekstet e këngëve kundër tij. Disa nga tekstet e Young Thug të përfshira në aktakuzë thonë: “unë e vrava njeriun e tij para nënës, motrës dhe kushëririt të tij”.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
baxhella