Te fundit
Rita Ora së shpejti koncert madhështor në Tiranë: E emocionuar për rikthimin në Shqipëri
20 Korrik 2022, 13:31Lifestyle
TEMA
Këngëtarja e famshme me origjinë shqiptare, Rita Ora, i është përgjigjur pozitivisht ftesës së Kryetarit të Bashkisë së Tiranës, Erion Veliaj për t’u rikthyer me një koncert madhështor në kryeqytet.
Koncerti do të mbahet në sheshin “Skënderbej”, në mbrëmjen e 6 shtatorit, për të festuar Tiranën si Kryeqytetin Europian të Rinisë 2022. Hyrja do të jetë falas për të gjithë.
Lajmin e ka bërë të ditur vetë këngëtarja Rita Ora përmes një postimi në rrjetet sociale.
“Jam shumë e emocionuar dhe e nderuar që rikthehem në Tiranën time të dashur. Erion Veliaj më ftoi të performoj në një koncert, falas për të gjithë, për të festuar së bashku vitin e Tiranës – Kryeqyteti Europian i Rinisë! Në 6 shtator, Sheshi Skënderbej”, shkruan Rita Ora.
Tirana është Kryeqyteti Evropian i Rinisë për 2022 – Një titull që jepet nga Forumi Evropian i Rinisë i krijuar për të fuqizuar të rinjtë, për të nxitur pjesëmarrjen e të rinjve dhe për të forcuar identitetin evropian.
Tirana EYC 2022 paraqitet si një makroprogram prej 365 ditësh, gjatë të cilave do i jepet jetë një kalendari projektesh me iniciativa e aktivitete të shumta, që shohin në qendër rininë. Tirana EYC 2022 implementohet nga Kongresi Rinor Kombëtar, në bashkëpunim me Bashkinë Tiranë.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Eshte e mire shume -- Welcome home Rita ! Po pse nuk ftoni edhe Dua Lipa, Bebe Rexha and Ava Max qe te behet nje koncert madheshtor fare, te tundet Europa ?
Pot'presim ne krah yllo ,beje ate qe na mungon sot aq shume e na dhuro pak caste kenaqsie , e tunde njiher fort me na sjell loqken ne vend ,aty ku e ndjejm . Falm Rita Ora ...