Te fundit
"Berisha shkaktari kryesor i humbjes së thellë", Alesia Balliu: Dhuna e eksponentëve të PD ndikoi, Noka e Vokshi të largohen
14 Maj 2025, 09:20Politika
TEMA
Sali Berisha është shkaktari kryesor i humbjes së partisë Demokratike, duke mbajtur afër njerëz pa meritokraci dhe për hallet e tij personale. Shprehja e dhunës nga përfaqësues të lartë të PD-së gjatë fushatës ndikoi negativisht edhe në këtë humbje të thellë të opozitës, si rastet e Elbasanit me djalin e Luçiano Boçit, Dibrës me Xhelal Mziun, Lezhës me ish-gjyqtarin sheik Gjin Gjoni apo dhe i Korçës me Bledjon Nallbatin.
Kështu shprehet përfaqësuesja e PD-së, ish-kandidate e Primareve, Alesia Balliu, në studion e Report Tv, për maratonën zgjedhore.
“Shfaqjet e dhunës në PD ndikuan edhe në rezultat, sherret brenda partisë në Elbasan, skenat e dhunës me djalin e Luçiano Boçit, ajo e Korçës me Bledjon Nallbatin dhe jo vetëm, ajo ishte një shuplakë në fytyrën e PD-së. Këto ishin zgjedhje për t’i thënë ‘Jo’ Sali Berishës, nuk ishin për PS-në. Ky është fundi i një epoke berishiane, ose në të kundërt Berisha do fundosë edhe PD-në”, tha Balliu.
Më tej ajo jep edhe shkaqet e një humbjeje kaq të thellë të PD-së.
“Berisha shkaktari kryesor për mbajtjen e Ramës në pushtet dhe po i jep 83 mandate. Është ai shkaktari kryesor që paguan 6 mln dollarë për të hequr damkën e zezë personale, kurse anëtarët e partisë s’kishin lekë as për kafe. Për LaCivitën kishte lekë, për besnikët ka lekë, për demokratët e tjerë nuk ka.
A jemi për interes personal apo të partisë. Berisha hyri për të humbur dhe mori një humbje që meritoi, të thellë dhe të merituar. Ai mori 1 milion shuplaka dhe duhet të mbajë përgjegjësi”, vijon Balliu.
Në lidhje me deklaratën e Berishës për vjedhje votash apo bllokimi i numërimit të votave të diasporës në Greqi, Alesia Balliu thekson se është një alibi për të mbuluar humbjen e turpshme dhe se duhet të ketë masa ndaj shkaktarëve. Ajo kërkoi edhe largimin e Flamur Nokës, si një prej autorëve të kësaj humbjeje.
“Janë bërë qesharakë me alibinë e humbjes dhe kontestimit të rezultatit. Kërkojnë të gjejnë alibi. Unë mendoj se Flamur Noka duhet të largohet nga politika. Ata janë shkaktarët e kësaj humbjeje.
Ata janë për interesa personale, një grup i vogël berishistësh dhe të paaftish, që po japin e do japin figurë të shëmtuar edhe më 16 maj kur do vijnë liderët e Europës, ku do zhvillojnë protestë. Ata e dëmtuan partinë që në Primare, ju e patë, si qëndruan jashtë Tabaku, Alimehmeti, sepse do hynte djali i Fahri Balliut.
Unë i qëndrova Berishës në Foltore sepse tha isha kundër Bashës e do bënte diçka ndryshe, por ai veproi njëlloj. Parashikova rezultatin 10 me 4 në Elbasan. Koha më dha të drejtë dhe pa ikur Noka, Vokshi, Berisha etj., PD nuk vjen në pushtet dhe Rama shkon për mandat të gjashtë”, tha Balliu.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
..... dhe Rama shkon në mandat të gjashtë!Falemnderitpër sinqeritetin e shprehur,nga goja jote në vesh të Zotit!
Keto funderina , hajna e trashamake duhen larguar nga Tirana , se kane mbetur dhite e kukisit pa kullotur pasi keto cobanet I lane tufat rrugeve te fshatit, te shkojne ti mbledhiin se eshte zanati I vjeter I tyre.
Ke folur tamam, me 6 mln dollar donkish bere super fushate,. Por sic thoshte dhe Xhaferri, saliu nuk kish hallin e PD apo dhe demokrateve por hallin e njolles se vet. Vertet duhen larguar noka e vokshi, puna eshte kush ti largoje, kur saliu i futi ne liste te sigurte. Demokratet e vertete duhe te largojne te gjithe keto kalbesira, se sic thote evi kokalari, sa me shpejt aq me mire para se te vij momenti e te mos kete me PD. Tmerr. Vk