Te fundit
Hekurudha ‘Kuq e Zi’, Rama i përgjigjet komentuesve: Nuk ka lidhje me zgjedhjet! Deri në 2030 nisin të gjitha linjat hekurudhore
16 Prill 2025, 10:47Politika
TEMA
Kryeministri Edi Rama i është përgjigjur komentuesve në rubrikën “Sy m’sy” për hekurudhën “Kuq e Zi”, projekti ky i cili do të lidhë Durrësin me Prishtinën.
Ai theksoi se ky projekt nuk ka lidhje me zgjedhjet, por me vizionin e “Shqipërisë 2030”.
“Ky projekt është prezantuar në çdo fazë të tij, madje edhe në një mbledhje të përbashkëta të dy qeverive, kur ishte në nivelin e projekt-idesë. Pra, nuk ka lidhje me zgjedhje, por me fazën e re kur konsulentët austriakë kanë përcaktuar opsionin e kalimit nga Shkodra përmes Gjakovës në Prishtinë si më të mirin.
Prandaj, ekipi ynë i përbashkët e ka parë të udhës ta bëjë me dije e edhe mbylljen e kësaj faze, sepse jeta vazhdon. E dyta, se sa do të kushtojë, këtë do ta nxjerrë projekti i detajuar, i cili përsëri do të bëhet nga një ekspertize ndërkombëtare e nivelit të lartë dhe do të aprovohet nga Fondi Evropian i Investimeve të BP.
Por një gjë është e sigurt, që pa lekë, hekurudha nuk bëhet dot. A do mbarojë apo s’do mbarojnë këtë projekt, këtë fatmirësisht nuk e kanë në dorë ata që vetëm shajnë dhe tallen nga kafenetë e Tiranës dhe Prishtinë, por e kanë në dorë ata që punojnë në llogoren e të ardhmes. Këto hekurudhat nisin me radhë, por jo më vonë se 2030″, tha ai.
Një tjetër komentuesi që i shkruan se duhet të mbarojë atë të Durrësit, Rama i përgjigjet: “Programi i hekurudhave është pako e re dhe tërësore, të cilës i ka ardhur koha tanimë dhe e cila është hapur ne Tiranë-Rinas-Durrës ku puna po shkon drejt përfundimit.
Por çka duhet të dini është fakti se vonesat e fillimit të punimeve në atë hekurudhë kanë qenë të lidhura me pozicionin ende të dobët të Shqipërisë deri para ca vitesh ku ende nuk na merrnin shumë seriozisht as BE dhe as bankat e saj zhvillimore, burimi i financimit të pakos së hekurudhave. Sot është histori tjetër dhe prandaj jemi në procese të avancuara me hekurudhës Durrës-Hani i Hotit, ku nis puna brenda këtij viti, Durrës-Rrogozhinë, hekurudha e Korridorit 8 apo Durrës-Fier dhe Fier-Vlorë, të gjitha këto nisin me radhë por jo më vonë se në 2030.
Të tëra këto janë në proces ndërtimi të ndryshme. Në fillimet e dekadës tjetër do të jenë të tëra në punë dhe do të keni mundësi të shfrytëzoni edhe trenin”.
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
mashtrues ordiner ,ty s te beson me njeri je bere bajat fare ,ne fakt dhe as vete i beson brockullat qe thua
Mos ma vini re, jam rrotë kari me patentë.
Nuk ka kuptim kjo qe thote apo premton bosh Kryeministri i Albanistanit, kur kishte kohe 12 vjet dhe nuk i shkoi ndermend qe ne Bangladesh e Xhibut kane 100 vjet qe kane trena e hekurudha.Mashtrusi i semure dhe patologjik Edi Berisha kujton se populli eshte gjithmone gomar.lol = Ne kohen e Berishes, hekurudha u masakrua, ne kohen e Edvin Rames ajo u asgjesua....lol
Ky ska tren per Shqiperi, do ta coje ne Prishtine....Allah Allah!
O gjigand. Uje ne çezem duam, se po na lahet turisti elitar me sapllak, si ne shekullin XIX. "Fajin Saliu e ka", si gjithmone, po na bej derman se u ka bere morri i madh. Keto hekurudha qe po permend, i kishte bere Vekja para 70 vjetesh. Traseja eshte gati. Hidh dy shina dhe mbaroi puna. Turp i madh. akoma nuk po arrini nivelin e tij, Po ndonje hidrocentral, kur do na beni ?, apo s'un ju a mba bytha...
Kryeminister i genjeshtres, mashtrimit, korrupsionit dhe degradimit.
Cpune ke ti me premtimet e 2030 mo mashtrues.. ky mandat eshte max deri ne 2029.. apo vari lesht ..cme duhet mua se cfar them une..