Te fundit
Roland Bejko: Berisha ishte i dobët në Kuvend, jo më i pari! Nuk e do PD-në në pushtet, por e përdor për qëllime personale
5 Maj 2022, 10:40Politika
TEMA
Sekretari për Çështjet Vendore në Partinë Demokratike, Roland Bejko deklaroi në emisionin “Arnautistan” faktin që mbi 30 deputetë nuk morën pjesë në Kuvendin e Sali Berishës.
“Deputetët treguan që nuk dolën për Lulzim Bashës, por t’i bëjnë një rezistencë kthimit të Berishizmit. Në fjalën në Kuvend Berisha ishte i dobët, jo më i pari. Berisha pruri kolonën e vet në krye të PD, sepse ai nuk e do partinë për pushtet, por ta përdorë partinë si koracë për veten e vet. Partinë nuk e shpëtoi por e mori më qafë”, u shpreh Bejko.
Bejko deklaroi gjithashtu se ndihet i përdorur për kohën që i ka kushtuar PD-së, teksa shtoi se Berisha e pengonte që të ishte i pari në listën për deputetë, ndonëse baza ishte në favor të tij.
“I vetmi pishman që kam është që i kam kushtuar shumë kohë, dhe në aspektin financiar sa mundem, PD-së në vite. Ndihem i përdorur. E kuptova që duke qenë nga Lazarati nuk do mjaftonte vetëm përkushtimi dhe ndershmëria. Politikan s’kam qenë ndonjëherë sepse s’kam qenë në Parlament. Këtë e ka penguar me dashje Berisha. Më kanë vendosur të dytin në listë që unë të sillja ato vota që mos shkonin në parti të tjera, ndonëse kam qenë i kërkuar për të qenë i pari i listës. Në 2017-ën të kisha qenë unë, do kishim marrë dy deputetë sot”, tha Bejko.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Politika nuk është kooperativ bujqësore ku nvaresh nga brigadieri, por organizëm shteteror ku ç'do hap analizohet brënda dhe jasht kornizës së Partis.
Unë ju njohë shpejt, zoti Bejko! Ju jeni vërtetë një intelektual i ndershëm dhe i sinqertë. Por të dyja këto cilësi janë treguesit më të këqij për t'u marrë me politikë në këtë vënd. Të mos dish të vjedhësh dhe të mos jesh mashtrues i lindur është marrëzi të merresh me politikë. Pastaj ti ke dhe një të keqe të pallogaritshme, duke qënë nga Lazarati, ti i përket asaj kategorie që nuk e kanë dashur për vdekje shokun Enver. Kjo vërtetë është e pafalshme, sidomos për shokët e lavdishëm drejtues të PD, Sali Berisha dhe Tritan Shehu.