Te fundit
Thirrja e ambasadorit gjerman: Mos e prekni reformën në drejtësi! Ka marrë fund koha e pandëshkueshmërisë
26 Tetor 2024, 09:02Politika
TEMA
“Korrupsioni dhe krimi i organizuar janë probleme jo vetëm për investimet gjermane në vend, por edhe për zhvillimin ekonomik të vendit, por edhe në rrugën drejt integrimit Europian të vendit”. Kështu u shpreh ambasadori i Gjermanisë në Shqipëri, Karl Bergner.
Teksa foli për reformën në drejtësi, ai theksoi se ajo e vitit 2016 nuk duhet të preket kurrsesi.
“Jemi tepër të gëzuar në lidhje me miratimin e reformën në drejtësi në vitin 2016, e cila hodhi bazat dhe jep një kontribut mjaft të rëndësishëm në përmirësimin e gjendjes në vend dhe dhënien fund të kulturës së pandëshkueshmërisë.
Në këndvështrimin tonë, reforma në drejtësi e vitit 2016 nuk duhet të preket. Ndryshimet mund të bëhen vetëm për të zgjeruar fushën e veprimtarisë së kësaj reforme edhe në sektorë të tjerë të vendit”, tha Berger në A2.
Me arrestimet e fundit, ambasadori i Gjermanisë u shpreh se në Shqipëri ka marrë fund koha e pandëshkueshmërisë.
"Suksesi më i dukshëm i kësaj reforme është puna e SPAK-ut, i cili ka mbërritur në arrestime të rëndësishme dhe pa u bërë konkret me emra, koha e pandëshkueshmërisë ka mbërritur në fundin e saj. Gjithsekush është subjekt i zbatimit të ligjit dhe ky është një lajm shumë i mirë për të gjithë qytetarët shqiptarë."
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo,keshtu duhet te përkrahin te gjithe veprimet e SPAK,pa dallime politike ne menyre qe te ndëshkohet kushdo pavaresisht statusit qe ka, qe ketij populli ti kthehet ajo qe i ka takuar dhe qe i eshte marre pa te drejte,nje falënderim te vecante duhet ti drejtojme përkrahësve e mbështetësve te ketyre veprimeve sic jane shtetet e huaja demokratike.
Kjo është çfarë do populli shqiptar. Kush vjedh tu merret paraja e pasuria mbrapa dhe te dënohen me burg! Kush nuk e do këtë mund të largohet
Politikanëve mafiozë tu sekuestrohet pasuria dhe dënim maksimal sipas ligjit. Të hetohen të gjithë politikanët shqiptarë duke pasur parasysh që drejtësia të ndjek paranë.
Faleminderit ambasadorit gjerman!