Te fundit
Veliaj: Ne dimë veç të punojmë, jemi parti e hapur që rritet çdo ditë dhe jo si këto partiçkat që dinë veç të na bllokojnë projektet
2 Korrik 2022, 15:05Politika
TEMA
Drejtuesi politik i PS për Qarkun, Erion Veliaj, tha se riorganizimi i strukturave që po ndodh sot, i shërben përgatitjes për fitoren në betejën e radhës në zgjedhjet vendore të 2023.
Veliaj tha se partia Socialiste duhet të rikonfirmojë mazhorancë të qartë me mbi 50% të mbështetjes në elektorat, si e vetmja garanci që vendi nuk do varet më nga partiçka që bëhen pengesë për çdo projekt.
“Dikush mund të thotë se ne i kemi bërë punët kryesore në Tiranë dhe pyet a ka nevojë ta kemi këtë shumicë?” Patjetër që po! Shikoni çfarë po ndodh në Maqedoninë e Veriut dhe në Bullgari. Në Bullgari, vjet u bënë 4 procese zgjedhore, se populli aty nuk e ndante dot mendjen se cila parti duhet të kishte mazhorancën. Pas 4 zgjedhjeve u formua një koalicion me shumë parti, por sapo erdhi tema e parë e rëndësishme, siç ishte çështja e Maqedonisë së Veriut, nuk bënin dot numrat në Parlament për të votuar a duhet ta heqin veton ndaj Maqedonisë, që edhe Shqipëria të futet në BE. Shikoni Maqedoninë e Veriut - edhe ata janë një koalicion me shumë parti. Pasi u hoq vetoja nga Bullgaria, ata duhet të pyesin Parlamentin e tyre: “A jemi dakord me heqjen e vetos me kushtin që na kanë vënë?” Pra, kur nuk ke shumicën, kur nuk e ke në dorë vendimmarrjen, kur nuk e ke timonin, kur nuk ke lidershipin me autorizim të plotë nga populli për të marrë vendime, ne jo vetëm s’do ta kishim ndërtuar dot shkollën “Ardian Klosi” apo lagjen e re te “5 Maji”, por ta harrojmë se do mund të bënim ndonjë punë në Tiranë”, u shpreh Veliaj.
Ai vuri në dukje se Tirana nuk e kishte këtë ritëm që ka sot, kur dikur çdo vendim i Parlamentit kushtëzohej nga partitë e vogla. “E mbaj mend atë kohë kur na kryqëzonin në Parlament partiçka të vogla, që na duheshin për të bërë shumicën. Tirana nuk kishte të njëjtin ritëm. Ky ritëm na vjen sot se Edi Rama, Partia Socialiste, ka mandat të plotë për të ecur përpara. Ne duhet të jemi gjithmonë më shumë se gjysma, për t’u siguruar që jemi edhe më shumë sesa gjithë të tjerët. Filozofia jonë është të rritemi si familje. Por nëse filozofia jonë është të rritemi, kundërshtarët tanë kanë pakësimin. Thonë: ‘të heqim këtë se është i Lulit, të heqim atë tjetrin se është i Saliut, kurse ky është i “Foltores”, ky tjetri është i varesë, ai i kundragazit, ky i gazit lotsjellës’. Nuk jam këtu duke qarë hallin e tyre, copë e çikë u bëfshin, se nuk janë filozofia jonë dhe nuk kanë bërë asgjë për këtë qytet. Thjesht, po them se, edhe me procesin e zgjedhjes së kryetarëve nëpër njësi po japim mesazhin se PS është një parti e hapur, një parti që jo vetëm nuk është lodhur, por përkundrazi, po i shton forcat më shumë për atë që do të jetë e treta e vërteta për Tiranën”, tha Veliaj.
Ai nënvizoi se Partia Socialiste synon që në zgjedhjet e ardhshme, jo vetëm t’i fitojë ato, por të dalë me rezultat të mirë në të gjithë Tiranën.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
beton beton.....
Keta , dijne me shume te vjedhin , dhe te punojne per veten e tyre, jo per njerezit
Ti je hajdut or daku dhe i pacipe ! Inceneratori i Tiranes provon se ne duart e kujt eshte Tirana. Une do votoj Tabakun nese del perballe teje dhe ti o Erion Instalacioni e di qe ky do jete viti i fundit i joti ne politike. Mbaron dhe burgu i Saimir Tahirit per shume pak kohe...
Jemi parti e punes ... !
Ju beni gare kush te vjedhe prona sa me shume duke u shkateruar jeten njerezve por do i paguash mos u bej merak.
Krijese e paturpshme!
O 99-ço "mos puno" kaq shumë. Vidh edhe ndonjë çikë. Se helbete do të duhen paret, nqs ke ndërmend me ja ble partinë Edit. Hajt se i di Edi mirë këto punë....
Ti je vec nje hajdut kriminel qe terorizon popullin me shembje shtepiash dhe biznesesh duke i futur friken me grupin tend terrorist IMT dhe duke urdheruar policine sikur e ke te babes.Ti ja fute Saimir Tahirit qe ti mershe tiranen ti nuk njeh kufi per pabesi vetem per interesin tend .I ben presion gjygjtareve qe japin vendime ne favor te pronareve se do i heqesh nga puna po kush je ti more sot je aty neser ne burg.
Erion 69- çi ! Te them te drejten asnjehere nuk te mendoja aq te zotin sa te ulje breket Rames sa here te duhej. Por ja qe qënke. Dy gjera mendoj se ke kaluar kufirin dhe do te te kthehen mbrapsh ne menyren me te poshter hakmarrese. Betonin qe varros Tiranen dhe burgosjen e S. Tahirit. "Mos I bej tjetrit ate qe sdo te te bejne ty" . As zoti ste shpeton dot.