Te fundit
Christopher Hill flet për dëshminë në Hagë: Nuk kam njohuri për asnjë krim të kryer nga Hashim Thaçi
25 Shkurt 2026, 08:20Rajoni
TEMA
Këtë të martë, në emisionin Opinion u transmetua një intervistë e diplomatit amerikan Christopher Hill. Ai u pyet edhe në lidhje me ish-presidentin e Kosovës, Hashim Thaçi, dhe se si e njohu këtë të fundit kur Hill ishte i dërguari i SHBA-ve për Kosovën në kohën e luftës.
Hill, i cili ka dëshmuar edhe në Hagë, tha se nuk ka parë asnjë shembull që provon se UÇK dhe Thaçi kanë kryer krime që pretendon Prokuroria Speciale. Ai theksoi se UÇK-ja nuk ishte një organizim i fortë vertikal.
Blendi Fevziu: Thaçi është duke u gjykuar në Hagë. Keni qenë aty si dëshmitar përpara ca javësh.
Christopher Hill: Dëshmitar i karakterit.
Blendi Fevziu: Dëshmitar i karakterit. Po. Problemi është pse Thaçi është në paraburgim, edhe pse ka qenë një partner i amerikanëve gjatë luftës dhe pas luftës?
Christopher Hill: Mendoj se kjo pyetje i duhet drejtuar prokurorisë. Me sa kuptoj unë, ata e shikojnë si një person me autoritet në zinxhirin e komandimit.
Blendi Fevziu: Është shumë e vështirë të ngresh një çështje të tillë pa mbështetje politike.
Christopher Hill: Mendoj se ka edhe politikë të përfshirë. Nuk po flas për gjykatën, po flas për Kosovën. Mendoj se qasja e prokurorëve është se ata ndjehen se mund të provojnë që ai ka qenë pjesë e zinxhirit të komandimit, të përfshirë në vdekjen e njerëzve të ardhur nga mënyra të paligjshme. Asnjëherë nuk pashë shembuj të tillë.
Blendi Fevziu: Nuk ka asnjë rast konkret kundër tij.
Christopher Hill: Sipas mendimit tim, dhe siç ishim duke folur përpara pak minutash, UÇK-ja nuk ishte një organizim i fortë vertikal. Meqë ra fjala, dhe mund të flasim për Rambujenë më vonë, në Rambuje vura re se ai nuk mund të thoshte po apo jo për asgjë. I duhej t’i telefononte njerëzve në Kosovë. Pra, kjo ide se ai ishte përgjegjës për UÇK-në, mendoj se është e gabuar dhe jam kundër saj. Prandaj ndjeva se duhej të shkoja në Hagë dhe të rrëfeja çfarë dija.
Blendi Fevziu: Si diplomat në atë kohë, mendoni se UÇK-ja ka kryer krime kundër njerëzimit?
Christopher Hill: Nuk kam për të mbështetur çfarë ka bërë UÇK-ja në gjithë Kosovën. Nuk jam në pozitë t’i jap mbështetje apo ta shfajësoj UÇK-në. Thjesht jam duke ju thënë që nuk kam njohuri për asnjë krim të kryer nga zoti Thaçi dhe prandaj shkova…
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
KY. MYTEBERR KREU KRIME NDAJ SHQIPERISE NE KOHEN KUR ISHTE AMBASADORI NE ISH JUGOSLLAVIJA DHE INKURAJOI SALI BERISHEN PER DJEGJEN E SHQIPERISE VETEM E VETEM PER TI PARE SHQIPTARET NE RRJESHT ME GAVETE NE D'ORE SIKUR GAZA SOT
Shko në spital. Nxito, se je rëndë.
Jam i mrekulluar çfare diplomatesh te holle ka Amerika. Fevziu citon diplomatin: Ai theksoi se UCK nuk ishte nje oraganizem i forte (autoritar) vertikal. Diplomati (sipas meje) sqaron se dirigjimi i UCK ka qene ne nivele paralele(!) dhe ketu dikush tjeter (anash) ka dore(!). Lexoni pergjigjen e diplomatit, ne fund te kesaj interviste, ai çfajson veten kurse miza ne kesule i mbeti Edi Rames. Neper nje spirale te tille me permasa dhe me te tmershme ka kaluar dhe Shqiperia nga 8 Nendori 1941 e deri ne 1990. Ai lehteson e çfajson Thaqin me shoke por lajmerone se dora e fshehte e 8 Nendorit 1941 diktohet ende. E per çudi, ajo asht dora serbe e Edi Rama shkone deri tek Donald Trump ta fshehe ate dore. Ajo qe duhet shkulur, te vazhdoi duke dirigjuar e qete pa ju futur asnje ferre ne kembe.Ne fund Diplomati, i lene te drejten Gjykates se Hages te provoj me fakte, egzistencen e DORES(!). Krisma ne Kosove e alarmi ne Shqiperi. Gjykata ketu merr force per t'i shkuar deri ne fund çeshtjes.
GJYKATA nuk merr asnjë forcë. Forca e gjykatave buron nga populli, ose po të jetë gjykatë ndërkombëtare, burimi i të drejtës buron nga aktet ndërkombëtare. Specialja nuk është institucion ndërkombëtar, por spekulativ ndërkombëtar që vendos-et pa legjimitet mbi sovranitetin e popullit të Kosovës. Një jurist me kompetenca të mirëfillta, me asistentë me intuitë juridike, e kanë lehtë formalisht ta bëjnë Specialen pa legjimitet burimor. Cdo tentim për t´i dhënë legjimitet popullor kësaj krijese fantasmë, kalon në sferat politike.
GJYKATË e vetëquajtur, e vetëshpallur, e Kosovës, pa asnjë gjykatës, pa snjë prokuror nga Kosova!! Është gjykatë monstruoze - spekulative e boshtit Rusi - Serbi - segmenti antishqiptar evro-amerikan.
Me sa kuptoj une, ketu nuk po mohohen krime te kryera ndaj popullsise serbe ne Kosove. Gjithe problemi vertitet, ne se i ka komanduar Thaçi apo jo. Njeri te me sqaroje...
Ah Gjergj i ri me mendime të vjetra të qelbura aromë Serbie ju ka borxh Edi Rama vazhdoni kështu luftë kundër Shqipërisë se herën tjetër do të mbeteni vetëm me Saliun.