Te fundit
Diaspora, takim në DASH: Fryma e Ohrit në rrezik, shqiptarët përballen me tolerim në vend të barazisë
22 Prill 2026, 18:30Rajoni
TEMA
Në një takim në Departamentin e Shtetit të SHBA-së, udhëheqja e Këshillit Shqiptaro-Amerikan për Marrëdhënie (Albanian American Relations Council – AARC) ngriti shqetësime serioze për gjendjen kritike në Maqedoninë e Veriut gjatë bisedimeve me zyrtarin David M. Maher, përgjegjës për çështjet e këtij vendi në administratën amerikane.
Takimi u zhvillua në një moment tensioni të rritur, ndërsa protestat e studentëve të drejtësisë kanë nxjerrë në pah një krizë shumë më të thellë se sa duket në sipërfaqe: erozionin e vazhdueshëm të të drejtave gjuhësore të shqiptarëve dhe cenimin sistematik të frymës së Marrëveshjes së Ohrit.
AARC paralajmëroi se debati publik në Shkup po mbahet qëllimisht i burgosur në labirinte teknike dhe semantike – dispozitat e ligjit të gjuhëve, opinionet e Komisionit të Venecias, mekanizmi i Balancuesit, çështjet e zbatimit dhe propozimet për ndryshime legjislative – ndërkohë që çështja thelbësore po shmanget me vetëdije nga strukturat politike maqedonase.
“Marrëveshja e Ohrit nuk ishte thjesht një dokument juridik – ajo përfaqësoi një pajtim historik midis dy popujve që vendosën të ndërtonin një shtet të përbashkët si bashkëthemelues të barabartë,” nënvizoi AARC. “Sot, ajo frymë është nën sulm të drejtpërdrejtë”.
Këshilli ngriti me forcë pyetjen që, sipas tij, Shkupi po përpiqet ta fshehë pas mjegullës juridike:
A janë shqiptarët bashkëthemelues të barabartë në vendin e tyre, apo një popull që thjesht duhet toleruar?
Për AARC-në, përgjigjja ndaj kësaj pyetjeje nuk është çështje akademike – është testi përfundimtar për të ardhmen e Maqedonisë së Veriut. Tendencat e fundit, nga rezistenca institucionale ndaj zbatimit të ligjit të gjuhëve, e deri te retorika gjithnjë e më e ashpër antishqiptare, tregojnë se ky test po dështohet.
“Nëse fryma e Ohrit zëvendësohet nga logjika e tolerimit, atëherë vendi po largohet nga trajektorja e tij euroatlantike, jo drejt saj,” theksuan përfaqësuesit e AARC-së. “Gjithçka tjetër është semantikë.”
Takimi në Departamentin e Shtetit vjen në një kohë kur Uashingtoni pritet të rrisë vëmendjen ndaj Ballkanit Perëndimor, dhe kur shqiptarët e Maqedonisë së Veriut po kërkojnë garanci konkrete – jo premtime – se statusi i tyre si bashkëthemelues të shtetit nuk do të jetë më çështje negociatash politike në Shkup.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po vërtet është një shqetësim i madh për shqiptarët në Maqedoni.Shkijet sllavomaqedonase tëMuckovskit të cilat njihen për antishqipëtarizmin e tyre kanë projektuar heqjen e gjuhës shqipe si gjuhë zyrtare nga kushtetuta e tyre dhe për këtë po punojnë çdo ditë.Shqiptarët atë e përfituan me gjakun e djemve të UÇK-s në vitin 2001.U bë një marrveshje në Ohër nën drejtimin e ndërkombëtarëve që gjuha shqipe të ishte gjuha e dytë zyrtare në Kushtetutën e këtij vëndi dhe kjo të pasqyrohej në pasapirtat,në otganet e qeverisjes vendore dhe qëndrore,në parlament etj.Por çfarë po ndodh aktualisht pas 25 vjetësh nga marrveshja e vitit 2001 ?Shkijet të cilët u janë ngjitur si muti mbas këpuce shqiptarëve po kërkojnë ta zhbëjnë Marrveshjen e Ohrit,sepse nuk u konvenon që shqiptarët të jenë të barabart në një shtet të përbashkët ku ata janë komb shtetformues.Më vjen keq të them por Lëvizja VLEN që qeverisë me antishqiptarët e partisë së Gruevskit po mbanë qëndrime apatike e tolerante ndaj këtyre qëllimeve dashakeqe të kësaj qeverie që kërkin të zhbëj me kushtetutë edhe ato pak të drejta të fituara nga shqiptarët.Pra Vlen-it i intereson vetëm pushteti,pa të drejtave të shqiptarëve çu qi tëmën.Turp për ju që duke qënë të përçarë u shërbeni qëllimeve të errta të shkijeve sllavomaqedonase të cilët janë të ardhur në trojet tuaja,ndërsa ju jeni autokton qëkur ka lindur jeta në tokë.