Te fundit

Sulmi kibernetik në Mal të Zi, gazetari: Në hetime është angazhuar edhe FBI-ja

13 Shtator 2022, 10:15Rajoni TEMA

Sulmi kibernetik në Mal të Zi, gazetari: Në hetime

Gazetari Bekim Çoba thotë se ende nuk ka një informacion zyrtar në lidhje me sulmin kibernetik në Mal të Zi, përveç deklaratës së ministrit të Mbrojtjes dhe zëvendësit të tij, se pas sulmit qëndrojnë shërbime ruse.

Në një intervistë për “Euronews Albania”, Çoba u shpreh se në Mal të Zi janë angazhuar edhe ekspertë nga FBI-ja.

“Sa i përket informacioneve zyrtare lidhur me atë se kush mund të qëndrojë pas sulmeve, ende nuk ka asgjë konkrete. Mbetet ajo thënie e ministrit të Mbrojtjes dhe zëvendës ministrit, ku thanë se pas tyre qëndrojnë shërbime ruse. E vetmja gjë që dihet është se është idntifikuar një organizatë për sulme kibernetike, që nuk e ka marrë përgjegjësinë e sulmeve.

Në Mal të Zi janë të angazhuar edhe ekspertë nga vende aleate, edhe nga FBI-ja e SHBA-ve, që janë duke hetuar se kush janë pas sulmeve, ende nuk dihet dëmi i krijuar. Sa i përket shërbimeve të administratës, ende në një pjesë të shërbimeve nuk ka qasje”, theksoi ai.

Infrastruktura informative e Qeverisë së Malit të Zi ra pre e një sulmi kibernetik nga një vend i panjohur mbrëmjen e 23 gushtit, me qëllim që të kriptonin të dhënat e ruajtura në sistem.

Lini një Përgjigje

Më të lexuarat

Blog Tema

Powered by Tomorrow.io