Te fundit
Ngërçi politik në Kosovë, sot seanca e 45-të për konstituimin e Kuvendit
11 Korrik 2025, 08:20Rajoni
TEMA
Për të 45-ën herë deputetët e Kuvendit të Kosovës do të mblidhen për të vazhduar seancën për konstituimin e përbërjes së nëntë parlamentare të dalë nga zgjedhjet e 9 shkurtit.
Në seancën e 44-të, sikurse edhe në seancat paraprake, deputetët refuzuan që të votonin për një komision që do të mbikëqyrte votimin e fshehtë për zgjedhjen e kreut të ri të Kuvendit.
Fituesja e zgjedhjeve të shkurtit, Lëvizja Vetëvendosje, ka të drejtë ekskluzive që të propozojë kandidatin për kryeparlamentar.
Subjekti, që udhëhiqet nga Albin Kurti, insiston se Haxhiu është personi i duhur për të udhëhequr Kuvendin.
Por, për PDK-në dhe AAK-në, Haxhiu konsiderohet figurë përçarëse, dhe ato kërkojnë që partia e Kurtit të ndryshojë kandidatin.
Më 26 qershor, Gjykata Kushtetuese e Kosovës kërkoi nga deputetët që ta konstituojnë Kuvendin brenda 30 ditësh, por nuk shpjegoi se çfarë mund të ndodhë në rast të mosrespektimit të këtij vendimi.
Presidentja e Kosovës, Vjosa Osmani, i ftoi në takim përfaqësuesit e partive politike për të diskutuar opsionet për dalje nga kriza. Ajo e përmendi edhe mundësinë që t’i drejtohet Gjykatës Kushtetuese për sqarime shtesë.
Deputetët duhet ta zgjedhin kryetarin dhe pesë nënkryetarët për ta konstituuar përfundimisht Kuvendin e ri. Vetëm pas konstituimit të Kuvendit mund të formohet Qeveria e re.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gërç - fjale serbisht. Kjo eshte vetperdhosje publike e gjuhes shqipe. STOP.
Ngerc vjen nga ngeci. Ngeci eshte folja dhe ngerci eshte emri. Stop nuk eshte shqip....
Merrni Saliun we tu pjerdhe mu ne kuvend e ta zgjidhe problemin.
Nuk eshte "gerq" o shqiptar kjo eshte bllokade dhe shkerdhyerje e shtetit te kosoves,mision qe e kishte serbia qe nga qershori 99 dhe qe po e zbaton me perpikeri vetvendosja ne koalicion le listen serbe dhe ku mender presednike osmanka po i jep jetè.