Te fundit
“Shqiptarët në RMV, shtetformues” - Begaj nga Shkupi: Zbatimi i ligjit të gjuhës shqipe, nuk është vetëm çështje teknike
27 Shkurt 2026, 12:50Rajoni
TEMA
Presidenti i Shqipërisë, Bajram Begaj, gjatë një konference për shtyp në Shkup me homologen e tij, Gordana Siljanovska-Davkova, vlerësoi rolin e shqiptarëve në Maqedoninë e Veriut si shtetformues dhe faktor kyç për stabilitetin politik.
Ai theksoi se shqiptarët dhe maqedonasit përbëjnë një urë të fortë bashkëpunimi mes dy vendeve, ndërsa nënvizoi rëndësinë e përfaqësimit të drejtë, zbatimit të ligjit për gjuhën shqipe dhe ruajtjes së mekanizmave të barazisë.
Begaj u ndal gjithashtu te integrimi europian si projekt i përbashkët strategjik, duke theksuar mbështetjen e Shqipërisë për anëtarësimin e Maqedonisë së Veriut në Bashkimin Europian brenda vitit 2030.
“Shqiptarët këtu janë shtetformues, janë bashkëpunues. Faktorët shqiptare dhe mbeten kyç për stabilitetin politik. Shqiptarët dhe maqedonasit një urë e fortë për bashkëpunimin mes dy vendeve tona. Përfaqësimi i drejtë dhe dinjitoz, dhe zbatimi i ligjit i gjuhës shqipe dhe ruajtja e mekanizmave të barazisë, nuk janë vetëm çështje teknike.
Ne në jetën tonë mësojmë nga mësimet e së shkuarës dhe koha na ka mësuar se çdo vendimmarrje e balancuar është shumë e domosdoshme për etnitë. Të nderuar pjesëmarrës, folëm gjithashtu për integrimin europian, i cili është një projekt i përbashkët dhe drejtim strategjik i gjithë rajonit tonë. Për ne është i rëndësishëm integrimi, të mbyllim kapitujt deri në vitin 2027 dhe të jemi anëtarë deri në vitin 2030. Ne duhet që të punojmë së bashku dhe Shqipëria mbështet Maqedoninë në këtë rrugë të integrimit”, tha Presidenti Begaj.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Zoti i madh kur do dali nje perfaqesues Shqiptar qe te shprehet ne menyre te drejte dhe te qarte mbi dy popujt shumice dhe shtet formues te Maqedonise Veriut. Sllavo/Maqedon per Slavet dhe Shqiptro/Maqedon per Shqiptaret dhe te ndalonje pergjithmon duke ju dhene pronesine e Maqedonise Sllaveve duke i quajtur ata thjeshte si Maqedon dhe jo sic duhet Sllavo/Maqedon, dhe Shqiptaret thjeshte si Shqiptar dhe jo si banore vendas mijra vite shume me te vjeter se Sllavet ne ato troje bashkepronar dhe Shtetformues te Maqedonis se Veriut qe duhet tju drejtohet si Shqiptaro/Maqedon , STOP o te poshter duke e shitur perkatesin teritoriale antike dhe historeke te Maqedonise tek Sllavet e ardhur ne teritorin Maqedone mbase viteve 400 duke ju drejtuar ne menyre te padrejte si zot Shtepie - Maqedon- dhe Shqiptarve qe kane qene aty qe ne antikitet tu hiqeni te drejten e perkatesis teritoriale/historike ,dhe Zot shtepije te Maqedonis duke i qujtur thjesh Shqipar baras si Ardhacak shume me te voneshem se Sllavet ne ate teritor te quahjur Maqedoni e Veriut