Dëme të rënda në Selenicë - Rrëshqitjet masive të tokës zhvendosin banesat me 20 metra. Banorët: Na shpëtoi Zoti!

Reshjet e dendura të shiut kanë shkaktuar problematika të mëdha edhe në Qarkun e Vlorës, ku në fshatin Vajzë, në Selenicë, janë regjistruar rrëshqitje të mëdha dherash.

Këto rrëshqitje kanë shkaktuar dëmtime të rënda në rrugë dhe banesa, ndërsa disa nga objektet janë shtyrë deri në 20 metra më poshtë pas rrëshqitjes masive të malit.

Në fshatin Vajzë, tre banesa janë dëmtuar rëndë nga rrëshqitja e dheut, ndërsa dëmet janë të mëdha.

Banorët e fshatit Vajzë, të cilët u preken nga rrëshqitjet masive të tokës, kanë treguar momentet dramatike ku banesat u shkëputën nga themelet me rrëshqitjen e tokës duke përfunduar disa metra poshtë faqes së malit.

Banorët thonë se iu shkatërruan investimi i të gjithë jetës.

“Në orën 14:30, dëgjova disa krisje. Dola jashtë dhe nuk pashë asgjë. Më pas, muri ra. Dolëm jashtë menjëherë dhe nuk dinim çfarë të bënim, çfarë të merrnim. E gjithë shtëpia u dëmtua. Sa dolëm, ra pak, u larguam më tej dhe po binte gjithçka nga pak. Banesa jonë është dëmtuar komplet, me gjithçka ka brenda. Nuk e dimë ku do shkojmë. Nuk kemi asnjë këtu. Jetoj me djalin dhe burrin. Djalin e kam të sëmurë, nuk mund të ikë dot”, tha një banore.

“Dëgjova një gjëmim dhe pastaj ra toka dhe shtëpia ra poshtë. Është tërësisht e shkatërruar, na shpëtoi Zoti”, tha një tjetër.

Autoritetet vendore janë në terren dhe po punojnë për të vlerësuar pasojat dhe për të ofruar ndihmën e nevojshme për banorët e prekur.

Rrëshqitje të tokës në fshatrat e Vlorës si pasojë e reshjeve, prefektja Allushi: Strukturat në shërbim të pandërprerë të komunitetit

14:22 Sociale

Rama poston pamjet alarmante nga Shkozeti: Sigurisht që kur i hedhim plehrat ngado, vjen ky shi e na përmbyt dynjanë

14:20 Sociale 49 komente

Kryebashkiaku i Gjirokastrës: Situata më e vështirë ka kaluar, vijon pastrimi i inerteve

13:05 Sociale 1 koment

VIDEO/ Dy avionë të nisur drejt Tiranës u ulën në Brindisi për shkak të motit të keq, protesta në aeroport nga pasagjerët shqiptarë

12:41 Sociale 5 komente

MSHMS: Strukturat shëndetësore në gatishmëri, aktivizim i plotë i shërbimit të urgjencës 24/7

11:05 Sociale

FOTOLAJM/ "Në gatishmëri kudo, pa ndërprerje 24 orë në terrenet e vështirësuara"

11:00 Sociale 3 komente

Uji nuk është armik i qytetit; armik është ideja se mund të mundim natyrën me pompa

10:52 Sociale 5 komente

Moti i keq, përmbyten pesë banesa në Elbasan, probleme edhe në Belsh

09:13 Sociale

Gjirokastra nën reshje intensive, kryebashkiaku Flamur Golemi apel qytetarëve

21:15 Sociale

VIDEO/ Përmbytje në Gjirokastër pas reshjeve të dendura të shiut

20:30 Sociale