Te fundit
Punëtorët aziatikë në listë të zezë! Iu refuzohen vizat, pasi përdornin Shqipërinë si trampolinë për të ikur në BE
21 Prill 2024, 20:00Sociale
TEMA
Edhe pse nuk ka një urdhër të publikuar zyrtarisht, të huajt nga Bangladeshi, Nepali, Sri Lanka apo India nuk janë më të mirëpritur ligjërisht për të punuar në vendin tonë. Precedentët e krijuar nga personat e rekrutuar më herët të cilët e përdornin Shqipërinë si trampolinë për t’u larguar drejt Europës dhe braktisnin befas vendin e punës, jo vetëm që nuk zgjidhën krizën e punësimit këtu për shkak të emigracionit, por ndikuan edhe në komente negative për vendin e shqiponjave duke u bërë faktor pengues për të gjithë këtë etnitet.
Më të dëmtuarit në këto rrethana veç sipërmarrësve shqiptarë që ende vuajnë për punonjës, të djegur janë agjencitë e punësimit, të cilët kanë shpenzuar shuma të konsiderueshme parash për të huajt nga vendet në zhvillim në lidhje me aplikimin për viza shqiptare. Ankesat drejtuar Drejtorisë së Çështjeve Konsullore pranë Ministrisë së Jashtme janë të shumta, duke kundërshtuar anulimin e vizave për qindra punonjës nga Bangladeshi apo Nepali, por në përgjigjet që kanë marr thuhet se vendimi i anulimit është i pakontestueshëm.
Në e-mailet e siguruara ekskluzivisht nga Top Channel, agjencitë e punësimit këmbëngulin për rishikimin e dokumentacioneve të punonjësve aziatikë që sipas tyre janë në përputhje me ligjin “për të huajt”, teksa rendisin edhe kostot e aplikimit që shkojnë me përafërsi 20 mijë lekë të reja për një person, teksa një kompani punësimi aplikon për dhjetëra punonjës. Tarifat në detaje janë 8.000 lek për lejen unike, 1.300 lek për përkthimin dhe noterizimin e certifikatës së zanatit, legalizimi i dokumentit certifikues 50 euro dhe kosto e postës për dërgimin e marrjen e kontratës së punës po 50 euro. Mirëpo Ministria e jashtme thekson se vlerëson negativisht kërkesën për riaplikim me argumentin se është kjo kategori punonjësish që ka njollosur Shqipërinë.
“Në vijim të ankimimit mbi refuzimin e vizave të shtetasve nga Bangladeshi dëshirojmë t’ju informojmë se këta shtetas janë kategori potenciale largimi nga territori shqiptar; shtetas problematikë duke ndikuar kështu negativisht në imazhin dhe përpjekjet e vendit tonë për anëtarësimin në Bashkimin Europian”, deklaron Ministria për Evropën dhe Punët e Jashtme.
Burime për Top Channel bëjnë me dije, se edhe Agjencia Kombëtare e Punësimit dhe policia kufitare nuk kanë lejuar gjithashtu edhe rinovimin e vizave të punonjësve aziatikë që kanë më shumë se një vit qëndrimi në Shqipëri dhe janë përfaqësuar serioz në punë. Si dhe janë anuluar vizat e punonjësve nga Nepali apo Bangladeshi që ishin pajisur me vizë për sezonin e ri turistik, por që nuk kishin ardhur akoma.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kjo ka qenë e ditur në momentin që Edi Rama i këshilloi bizneset që të marrin punëtorë nga Bangladeshi dhe Pakistani.
Kto agjensi jane bashkepunetore....keta drejtues duhet te mos hyjne me ne zonat Schengen...
Per kete pergjegjes i vetem qe duhet te gykohet nga SPAK eshte Kryeministri Rama, qe ne cdo dalje prane bizneseve u rekomandonte pronareve qe te mernnin punetore nga Banglandeshi, Nepali, Afganistani e cd llojo doci nga Azia se ata nuk dinin shqip e do te punonin dhe kur te mesonin shqip t'i debonin. Mirepo keta "punonjes" emigrante zhdukeshin ne vendet e BE pa mesuar asnje fjale shiq, Shqiperia ishte trampoline per te kaluar ne perendim dhe superfitimi i grupeve kriminale qe drejtonin kete trafik ishte dhe eshte marramendes, me bekimin e te droguarit Ed. Shqiperia per t'u bete anetare e BE me Edin ne krye i ka plotesuar kushtet e pranimit: - Furnizon BE me kanabis dhe droga te forta perfshi edhe ato sintetike me vdekjeprureset. - Ne vendet e BE shqiptaret dhe "cunat e Kukesit" kane hapur dhe punojne ne shtepite e barit ne vendet e BE. - Me qene se nuk ka me te rinj nga Shqiperia qe nuk duan te emigrojne ne vendet e BE, kete boshllek Edi e ka mbuluar me zhulsa nga Azia. - Ne vendet e BE dhe ne Angli prostitucioni dhe shperndarja e driges eshte ne duar e grupeve kriminale shqiptare. - Vrasjet per larje hesapesh ne BE jane ne rritje vertikale kjo fale "talentit" te krimineleve shqiptare. -Mafi ne Shqiperi ka aneks te saj Policine e Shtetit. - Krimi dhe mafia vendos per cdo ligj qe aprovohet djhe per cdo tender te bere me parate publike nga Qeveria e Ed Droges. - A doni me me per Edi Ramen qe brenda nje dite nxjerr 17 vendime Qeverie ku favorizon vetem keto grupe kriminale nga inceneratoret qe nuk ekzistojne, per te shtuar pronat e "Investitoreve strategjig" ne Parqe Kombetare dhe ne shkaterrimin e perles qe quhet ish "Riviera Shqiptare"