Te fundit
Veliaj shërben drekën e Pashkës për njerëzit në nevojë: Dashuria e mban botën në këmbë
5 Maj 2024, 17:30Sociale
TEMA
Kryetari i Bashkisë së Tiranës, Erion Veliaj shërbeu sot drekën e Pashkës për njerëzit në nevojë në qendrën komunitare në Shkozë.
Veliaj tha se sot është një ditë ku duhet të falim më shumë dashuri, duke bërë një paralelizëm edhe me sakrificat e Dëshmorëve që kanë rënë për atdheun. Ai u shpreh se sot nuk kërkohet kjo sakrificë, por mjaft të mos e pengojmë Tiranën, duke i vënë stërkëmbëshin çdo pune të mirë që bëhet në qytet.
“Sot është ditë jo vetëm e Pashkës, por sot është dita e Dëshmorëve. Kur kujtoj se ka pasur njerëz që e kanë dashur kaq shumë këtë vend sa kanë dhënë jetën e tyre, sot ne nuk na kërkohet kjo sakrificë. Sot na kërkohet vetëm mos ta pengojmë njëri-tjetrin, mos ta pengojmë Tiranën, mos t’i vëmë stërkëmbëshin çdo pune të mirë. Mos të shajmë çdo gjë të bukur që bëhet”, u shpreh Veliaj.
Kryebashkiaku shtoi se është shumë e rëndësishme të shtyjmë përpara projektet për Tiranën, ndërsa theksoi se vetëm duke punuar mund të bëhen punë të mrekullueshme.
“Tirana sot ishte mbushur me turistë, e mbushur me rini, mbushur me jetë. Qyteti ndrin kudo. Është shumë e rëndësishme që ne vetë për shtëpinë tonë të flasim mirë, projektet tona t’i shtyjmë përpara. Vetëm duke punuar mund të bëjmë gjëra të mrekullueshme. Tirana ka pasur nevojë edhe me përpara.m, siç ka pasur bashki përpara, siç ka pasur qeveri përpara. Por nuk i vajti mendja njeriu që të bënte qendra sociale dhe të siguroheshim që ne, mbi të gjitha, të kurojmë zemrën tonë më shumë se stomakun tonë. Ne na duhet të vijojmë të rrimë bashkë, jo vetëm sot që është Pashkë, jo vetëm që është 5 Maji. Ajo që na mëson edhe festa e Pashkës, nuk ka rëndësi besimi fetar që kemi, por parimet hyjnore janë të njëjta kudo: Dashuria e mban botën në këmbë”, deklaroi ai.
Veliaj tha se sot qyteti ka 1 milion e 1 mundësi, dhe ka vend për të gjithë. Ai u ndal edhe të banesat e reja të Rindërtimit pas tërmetit, duke theksuar se pas Vorës, po nis puna me ato të 5 Majit dhe më pas të zonës së Kombinatit.
“Që kur bëmë këto banesat sociale, që në kohën e Edi Ramës u nisën për njerëzit. Pastaj, ngelën pezull. U desh t’i zhbllokonte administrata jonë e re e bashkisë sepse qyteti vërtet ka 1 milion e 1 njerëz, por ka edhe 1 milion e 1 mundësi. Do të thotë që në një qytet që po zhvillohet, ka mundësi edhe për qendra sociale, ka mundësi edhe për banesa sociale. Po shpërndajmë edhe shtëpitë e tërmetit. U bënë ato të Vorës, po vazhdojmë me 5 Majin, do vazhdojmë me Kombinatin. Unë them që qyteti i mirë ka vend për të gjithë”, deklaroi kryebashkiaku.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
o myslyman ,,,,pashka eshte e orthodhokseve ,,,theksoje ,,,,gezuar orthodhokset ,,,krishti u ngjall ,kristos anesti ,kirie eleison ,amin ,,,
Po lani mu..n me shurre..??!! Ketij i vjen e ndyre sado t’a parfumosni….
Nuk e di se per cfare dashurie e ka fjalen, per PARATE besoj…ha…ha….
Nuk e kuptoj o Erion çfarë do të na tregosh me këtë foto.Po shpërndan ushqim vetë për njerzit në nevojë!Po nga dolën këta njerëz në nevojë?Dolën se nuk kanë punë,shtëpi,pension etj etj.Në vënd që të hapni vënde pune del dhe i shërben atyre.Mbete duke dalë fotografi për të na treguar se të vjen keq për këta njerëz.
Veliaj , si çdo kryebashkiak evropian , ndarjen e ushqimit për të varfrit në raste festash , e ka bërë çdo vit dhe do t'a bëjë edhe në të ardhmen . Sa për vënde pune , janë hapur sa të duash ti , madje edhe me rroga shumë të mira , deri një milion lek per një kamerier, bankier, guzhinjer , pastruese etj. Çdo ditë nëpër Tiranë gjen propozime për vende pune , kartela varur nëpër vitrina me oferta të ndryshme . Vetëm po të mos duash të punosh .