Te fundit
Igli Tare me ide të 'çmendur', Luka Modriç projektohet te Milani
3 Qershor 2025, 11:00Sport
TEMA
Igli Tare po kërkon të bëjë një tjetër goditje të madhe te Milani dhe pas afrimit të trajnerit Massimiliano Allegri, drejtori shqiptar ka një ide "të çmendur" për të afruar në Milano një emër si Luka Modric.
39-vjeçari i dha lamtumirën "Bernabeut" dhe pas Kupës së Botës për Klube do i japë lamtumirën edhe Real Madridit duke qenë një lojtar i lirë në treg. Me idenë për të qenë gati për Kupën e Botës 2026 me Kroacinë, mesfushori legjendar nuk e ka fshehur asnjëherë dashurinë për të veshur fanellën e Milanit, njëjtë si idhulli i tij Zvonimir Boban.
Për momentin është e qartë se nuk ka negociata në zhvillim e sipër, edhe sepse Modric nuk po nxitohet të vendosë dhe do ta flasë këtë me familjen e tij. Së pari është Kupa e Botës për Klube, angazhimi i fundit i një karriere legjendare me Real Madridin, pastaj do të mendojë për të ardhmen dhe për përvojën e fundit të karrierës së tij.
Modric, në prag të 40 viteve mbi shpinë, mund të vendosë me zemër duke shkuar të luajë për ekipin që e ka mbështetur që nga fëmijëria.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Qenka jo ide e çmendur, por ai që jep këtë ide, është i çmendur..... . Modriç 40 vjeç, apo këtë rrugë Milani ka vite që e ndjek dhe Tare nuk bën përjashtim.
Mer edhe Isa Tare të hedhi ndonjë Çekiç mbrapa porte, po Modriç është 39 - 40 vjeç.
Tamam ide e çmendur te marresh ne ekip nje 40 vjeçar
Modric do shkelqeje edhe per disa vite.