Te fundit
Ish-bashkëshortja e viziton në burg: Dani është i pafajshëm, ka përdhunues që janë në rrugë
6 Mars 2023, 14:45Sport
TEMA
Dani Alves ndodhet ende në burgun Brians 2, në Barcelonë, i akuzuar për një përdhunimin e një gruaje 23-vjeçare më 30 dhjetor, në një klub nate të njohur.
Nëna e fëmijëve të tij dhe administratore e disa prej pronave të tij, Dinorah Santa Ana, e ka vizituar futbollistin brazilian dhe ka shpjeguar në një deklaratë për “El Periódico” se si po i përjeton lojtari këto momente delikate.
“Ai është mirë, i fortë. Mbahet mirë. Doja të flisja për fëmijët dhe edukimin e tyre. Është një situatë e ndërlikuar për ta,” komentoi ajo.
Dinorah Santa Ana ka shfrytëzuar rastin për t’u fokusuar tek fëmijët:
“Dani Alves ka një familje dhe shumë herë jo gjithçka që thuhet është e vërtetë. Kjo është diçka që rëndon shumë në jetën e fëmijëve.”
Ish-bashkëshortja e brazilianit ka theksuar se ajo dhe familja e saj vazhdojnë të besojnë në pafajësinë e futbollistit.
Biseda që të dy kanë pasur gjatë vizitës në burgun e Brians 2 nuk e ka ndryshuar perceptimin e Dinorah Santa Ana për ngjarjen:
“Nuk e kam pyetur për versionet sepse e dimë që është i pafajshëm. Nuk ka pyetje për këtë. Fëmijët dhe unë besojmë në pafajësinë e Danit. Ka përdhunues që janë në rrugë, kurse Dani është në burg.”
Nga ana tjetër, ish-bashkëshortja e tij ka rrëfyer se nuk po jeton aspak një moment të këndshëm.
“Unë jam nënë dhe kur fëmijët vuajnë, nëna vuan. Në jetë ka edhe momente të vështira. Ai është i pafajshëm, gjithçka do të jetë mirë, me siguri”, këmbënguli ajo.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
e perdhunuara ishte nje vajze shqiptare. turp qe publikoni mbrojtjen e gruas se tij baxhelle
Po pra. Ajo i shkoi mbrapa ne tualet per ....te lexuar nje poezi. Dhe pastaj..., ne 2 metra katror hapsire, ...ai arriti ta zhvishte me dhune ne kembe dhe pastaj ta perdhunonte pa dashjen e saje.....