Kontratat, LSI shpenzoi 250 mijë dollarë për të lobuar pranë zyrtarëve amerikanë

Një parti e vogël me portofol të madh. E tillë mund të cilësohet Lëvizja Socialiste për Integrim nëse flitet për shpenzimet e bëra në fushën e lobimit me kompanitë amerikane. Sipas dokumenteve që disponon agjencia “Lajmifundit” në marsin e vitit 2010, Lëvizja Socialiste për Integrim e përfaqësuar nga kryetari i saj Ilir Meta ka firmosur një kontratë lobimi me kompaninë amerikane “Blue Star Strategies” me qendër të Uashington për shërbim konsulence. Kontrata kishte një vlerë totale prej 94,298 dollarë amerikanë për një periudhë gjashtë mujore që përfundonte në 30 shtator 2010. Çdo muaj kontrata duhet të rinovohej dhe të firmosej gjatë kësaj periudhe. Në hapësirën e fushës së lobimit që kompania merrte përsipër bie në sy fakti se kompania merrte përsipër të trajnonte liderë jo qveritarë dhe sa i takon prioriteteve dhe qëllimeve të politikës së jashtme. Këtu përfshihej edhe puna me organizatat jo qeveritare sa i takon çështjeve të integrimit të Ballkanit, lëvizjes pa viza të Shqipërisë në Bashkimin Evropian, marrëdhënieve rajonale. Kompania duhet të kontaktonte me zyrtarë amerikanë, stafe të kongresmenëve për të forcuar marrëdhëniet dypalëshe.

“Lajmifundit” konstaton se një element shumë interesant është se në kontratën e firmosur në prill 2010 përcaktohen edhe aktivitete që do të organizohen nga kompania lobuese për llogari të Lëvizjes Socialiste për Integrim. Një nga çështjet që shkruhen në kontratë është trafikimi i femrave ku thuhet se “Ne do të punojmë me zyrtarët e Departamentit të Shtetit dhe institucioneve të politikës së jashtme në Shtetet e Bashkuara të Amerikës për të nënvizuar përpjekjet e LSI-së për të qenë një lider në fushën e luftës ndaj trafikimit të femrave në Ballkan”. Një tjetër fushë është përmendur ligji mbi shërbimin informativ ku thuhet se “ne do të punojmë me zyrtarët e sigurisë për të nënvizuar ndryshimet në ligjin mbi shërbimin inteligjent shqiptar”.

Kjo nuk është e vetmja kontratë lobimi për Lëvizjen Socialiste për Integrim pasi “Lajmifundit” konstaton se ajo për periudhën e tre mujorit të parë të vitit 2009 ka firmosur një kontratë me kompaninë “Dutko Ëorldëide” me vlerë 30 mijë dollarë. Çështja specifike e paraqitur për lobim është ajo e demokracisë dhe të drejtave të njeriut të lidhura me zgjedhjet e pritshme parlamentare.

Lëvizja Socialiste për Integrim me të njëjtën kompani ka një kontratë tjetër që mbulon kohën (1 prill 2009 deri në 30 qershor 2009) me vlerë 100 mijë dollarë. Si objekt i lobimit paraqitet sigurimi i mbështetjes për miratimin e një rezolute nga Senati i SHBA-ve ku të kërkonte zgjedhje të lira e të ndershme në Shqipëri. Gjithashtu duhet që kompania të garantonte edhe një seancë dëgjimore në Komisionin amerikan të Helsinkit për zgjedhjet e lira e të ndershme. Fusha e veprimit të kompanisë së lobimit janë edhe kontaktet me përfaqësues nga senati, këshilli për sigurinë kombëtare dhe Departamenti Amerikan i Shtetit. Për të njëjtin objektiv lobimi, Lëvizja Socialiste për Integrim firmos një kontratë tjetër me kompaninë amerikane për periudhën tjetër nga 1 korriku deri në 30 shtator 2009 me vlerën shtesë 30 mijë dollarë./lajmifundit

Rama takon aleatët. Kërkohet sistemi proporcional kombëtar

14:26 Politika

Asad gënjen mbarë botën, por ka një aleat të fortë (FOTO)

13:54 Politika

Homazhe për prokurorin Hana, prezent Topi e Rama, Berisha mungon

13:19 Politika

Deklarata shokuese e këshilltarit italian: Për emigrantët duhen furrat

13:00 Politika

Apeli, 1 vit burg për kreun e OMONIA-s

12:35 Politika

Ambasadori danez në zyrën e Topit: Do ishte shumë mirë sikur në 100 vjetorin e pavarësisë të merrej statusi i vendit kandidat

12:17 Politika 1 koment

Berisha punëson djalin e Meidanit drejtor të SHKB-së në burgje

11:58 Politika

Konfirmohet formimi i partisë së Bamir Topit

01:13 Politika

"Jam luan"

00:16 Politika

PROVAT: Pse e regjistroi Metën Prifti dhe pse video është origjinale dhe e patjetërsueshme

22:25 Politika