Flamuri, i çuditur nga emri Enno

Flamuri nuk e kishte vënë re më parë këtë gjë. Dje duke parë lajmet pa se u shfaq në ekran një njeri që thotë gjithmonë gjëra që dihen, por që nuk mërzitet që i përsërit. Sapo u shfaq, Flamuri tentoi të ndërronte kanal kur i zunë sytë emrin Enno.

-Të jetë ky i Kuqos, tha me vete, apo paskemi emëruar ndonjë zëvendësministër tjetër ekonomie?

Në dilemë e sipër i ngriti zërin televizorit dhe filloi të dëgjojë fjalitë e tij.

-Ekonomia jonë rritet duke shtuar prodhimin… Hidrocentralet janë vepra energjike që prodhojnë energji elektrike përmes ujit.. Qeveria jonë synon ta bëjë Shqipërinë superfuqi energjetike, kur të tejkalojë planin e prodhimit të energjisë… Ministria e Ekonomisë është pjesë e qeverisë shqiptare dhe zbaton programin e saj… Shqipëria është vend anëtar i NATO-s dhe ajo ka detyrim të dërgojë misione paqeruajtëse… Dimri sivjet ishte shumë i egër dhe ra shumë dëborë… Kur ka dimër të egër bllokohen rrugët dhe popullsia ka nevojë për ndihma… Shqipëria është një vend që ka katër stinë, por shpeshherë dimri është i ashpër… Pas shkurtit gjithmonë vjen marsi dhe koha zbutet dhe pastaj opozita ka për të kërkuar ndjesë pse tha që dimri ishte i ashpër…

Flamurit i ikte truri nga këto fjali.

-Këta të Kuqos e mbajnë dhe veten për intelektualë, tha. Po të jetë për këto ne vëmë Bardh Kadillin të flasë, pse të fusim kot këtë hajvan në qeveri? I tërbuar siç ishte, sidomos dhe nga shtrembërimi në fytyrë i këtij tipit për tu dukur intelektual sikur mendohej, merr në telefon Pollon.

-Ore zotëri, tha, se dua të sqaroj disa gjëra me ty.

-Fol Abi, i tha Pollo.

-Kujt i thu Abi ti, i tha Flamuri. Me dhëndrin e atij Burrit tallesh?

-Jo mo burrë, Abi do të thotë në arabisht vëllai i madh. S’di si të ta them…

-Ore, se ju na jeni bërë bela me këto gjuhët e huaja. Dua të të pyes pse ky zëvendësministri jot e shkruan Enno me dy nn? A di gjë ti si e ka në gjendje civile?

-Me një n duhet ta ketë, i tha Pollo, por ai ka shumë takime më të huaj dhe do ta theksoj këtë. Për shembull Top Channel shkruhet me dy nn se ashtu e do anglishtja për të theksuar n.

-Ashtu ë, tha Flamuri. Epo mirë po i dërgoj një shkresë atij Burrit t’i themi verifikoni nëse zëvendësministri është Eno Bozdo apo Enno Bozdo dhe mund t’i heqim rrogën atij djalit.

-Po ç’ke me atë o burrë që e ka kapë, tha Genci. Ai më ka ngelë në qeveri dhe me atë do kapeni.

-Jo, për atë punë ke dhe Tritanin, por nuk e shkruan emrin Tritann.

-Po lere o burrë se ka qejf, djalë i ri. Është i vetmi që del e thotë ndonjë fjalë për qeverinë.

-Ça fjalësh thotë ai, tha Flamuri. Ato që thotë ai i dinë dhe kalamajtë e kopshtit. E dëgjon ti ça thotë ai apo jo?

-Jo, pse, çfarë ka thënë sot për shembull, tha Genci.

-Ça ka thënë sot. Ja ta them unë ça ka thënë sot. Sot ky Enno me dy n ka thënë: Ministria e Ekonomisë dhe Energjetikës quhet e tillë pasi merret edhe me ekonominë edhe me energjetikën… A ka më debil me dy bb se kaq?

-Pse, ç’të keqe ka? Mirë e ka thënë.

-Ou, tha Flamuri. Pse, me ça e kam qeverinë unë, që të fusni ju dy nn në mbiemër që të dukeni si perëndimorë dhe të ruani një post për 7 vjet. Po ministria jote pse quhet e Innovacionit?

-Po unë e mora më qafë dhe Ennon, tha Pollo. Që kur ia vura Ministrisë së Innovacionit me dy n emrin dhe ai ndërroi mbiemrin se mendoi se ishte direktivë partie. Pastaj unë e sqarova se nuk është e detyrueshme, por atij i pëlqeu dhe e mbajti.

-E kuptova, tha Flamuri. E paskeni si identitet. Po më mirë të dal e të shpjegoj këtë se thotë idiotësitë që thotë.

-Ia kam bërë gati për nesër prapë një dalje, tha Genci. Do thotë një gjë të fortë. Dëgjoje pak, dëgjoje Abi, është shumë e fortë: Kush sulmon qeverinë, kërkon të marrë pushtetin dhe sipas të dhënave tona këta janë opozitarët.

-Pu, pu, tha Flamuri. Ç’i paskam rënë kot më qafë Monda Bulkut.

Flamuri, prova gjithë paraditen për tekstin e Mondës

23:05 Antena

Incident në ceremoninë e Doktorit me Çilin në Muzeun Kombëtar

22:14 Antena

Doktori merr më qafë Prefektin e Korçës

22:12 Antena

Kunati i Lulit bëhet lëmsh me rrugën ‘Ibrahim Rugova’ në Tiranë

23:12 Antena

Flamuri sqaron Ed Ha Lim për idenë e Doktorit për gjuhën kineze

23:50 Antena

Shoqata e tregtarëve kinezë tek Medreseja, letër kryeministrit Berisha

19:44 Antena

Doktori duke ndjekur lajmet për dëborën në ABC

22:57 Antena

Doktori drejton shtabin e emergjencave me SMS

23:41 Antena

Doktori përgatit fjalimin për 92 vjetorin e Tiranës

23:57 Antena

Premtimet e Berishës në Azerbajxhan për stabilitet

22:59 Antena