Flamuri heton policin që i ka thënë Doktorit “kërriç”

Në një shkrimi të Auron Tares, botuar në Tema, për sjelljen e autoriteteve shqiptare ndaj trashëgimisë kulturore të vendit, përshkruhej një episod me një polic të 129-ës, të cilit Auroni i raportoi se kishte një denoncim për dikë që po prishte Pallatin e Brigadave. Polici kish pyetur kush është ky “kërriç” dhe Auroni ishte përgjigjur Sali Berisha.

Pas botimit të shkrimit, Flamuri është vënë në lëvizje të identifikojë policin që paska thënë “kërriç” për Doktorin.

Skanoi gjithë thirrjet telefonike të 129 dhe identifikoi se polici i përkiste Drejtorisë së Policisë së Gjirokastrës. Pastaj i identifikoi orën kur ka hyrë Auroni në Kakavijë dhe arriti të zbulojë policin që mendohej se i kishte thënë “kërriç” Doktorit.

Identiteti i parë i policit ishte shumë problematik. Ishte nga Lazarati. Këtu Flamuri u step pak. Sidoqoftë vendosi ta thërrasë vetë policin në zyrë për ta pyetur.

-Është e vërtetë se i ke thënë “kërriç” Doktorit, e pyeti drejtpërdrejt Flamuri.

-Jo shef, si të ma nxejë goja atë fjalë. Mos e beso atë, është mashtrues komunist. Pastaj unë s’e di fare ç’është Pallati i Brigadave. Mendova do jetë ndonjë gjë komuniste se ata kanë pasë brigada.

-Po ti mendon se ne mund ta prishim Pallatin e Brigadave?

-Po të jetë brenda ligjit, patjetër shef, i tha polici. Ne po shkulim arat me hashash që i kanë mbjellë njerëzit me djersë e gjak dhe jo një pallat komunistësh.

-Nejse, nuk është pallat komunistësh, por thjesht të pyeta se dua të bindem për fjalën “kërriç”, në çfarë kuptimi e përdorni këtej nga jugu.

-Zakonisht i thuhet djalit të gomarit, si të ta them unë, i tha polici. Ke një gomaricë ti në shtëpi për shembull, kur lind ajo, ai i vogli quhet kërriç. Dhe kërriçat janë shumë mendjelehtë…

-Qartë, e kuptova, tha Flamuri, dhe u kujtua që gjithë njerëzit i thërrisnin Zenit kërriç. Kjo e shqetësoi dhe më tepër.

“D.m.th ata që i flasin Zenit kërriç e paskan me atë Burrin, pasi e quajnë gomar,” tha me vete.

Pas kësaj Flamuri vendosi t’i vazhdojë pyetjet për të kuptuar a e përdor ky fjalën “kërriç” a jo.

-Çfarë punë bën ti jashtë orarit, i tha Flamuri, a shkon në Lazarat?

-Shkoj shef, patjetër, i tha polici. Mbaroj turnin, shkoj në shtëpi, zhvishem, lahem, ndërrohem dhe iki në Lazarat. Se me uniformë polici e kanë bezdi njerëzit aty.

-Po si është situata aty, a janë të kënaqur njerëzit?

-Me thënë të drejtën shef janë mërzitë pak. Ka rënë shumë leku dhe këta grekët që marrin hashashin paguajnë me vonesë dhe sivjet ata po paguajnë me mall. Shko puno ti një pasdite, nuk të japin më lek, po mall. Dhe ka shumë ngjarje që kapet hashashi i punëtorëve se s’kanë përvojë.

-Po si mendon ti, ia vlen të ndërhyjmë ne në Lazarat apo jo?

-Po tani gjynah shef se është piku i punës. Sa të mbarojë dhe nga shtatori mund të ndërhyni pa problem.

-Pse po të ndërhyj tani unë, çfarë do thonë njerëzit aty?

-Po ça të them unë shef, do thonë ç’është ky kërriç që do t’u prishë mallin njerëzve dhe do të qëllojnë.

-Të kapa, i tha Flamuri. Ti e paske thënë fjalën kërriç për Doktorin. Derisa e the për mua, do ta kesh thënë dhe për atë.

-Po jo a i vrarë, si e kam thënë për të, ai s’po na bie më qafë, e thashë për ty ngaqë the do ndërhyj, i tha polici.

Flamuri nis betejën kundër zhurmave në Tiranë

21:59 Antena

Dialogje dhe polemika në ceremoninë e Nishanit

22:17 Antena

Flamuri sqarohet për ftesat e iftarit

21:29 Antena

Flamuri zbulon sekretin pse nuk do ketë të shtëna topi tek ceremonia e Presidentit

19:32 Antena

Flamuri pranon dorëheqjen e Nishanliut nga PD-ja

20:03 Antena

Baba Mondi fiton bastin me Arvizunë

20:58 Antena

Ferdinand Xhaferi i shkruan Petrit Vasilit: Mos më vidh idetë!

19:40 Antena

Flamuri, në makth nga vlerësimet e Doktorit për gratë

20:03 Antena

Flamuri, i tronditur nga “Sindromi i heshtjes” së Doktorit

22:48 Antena

Baba Mondi i OSBE, i shqetësuar për deklaratën e Olldashit

21:55 Antena