Flamuri thellon hetimet për atentatet e mundshme ndaj qeverisë

Pas sulmit mbi makinën e Doktorit, dhe sidomos poshtërimin që i bënë duke e qëlluar me miell, Flamuri nxori një udhëzim për hetime të hollësishme mbi gjithë mundësitë për atentate mbi zyrtarët e qeverisë, kryesisht ministra. Pas një kontrolli të rreptë në vendin ku flinin atentatorët e Berishës, u zbulua një bllok shënimesh ku ishin hedhur gjithë  planet për sulme mbi ministrat. Blloku ishte autentik, pasi kishte të përfshirë dhe sulmin me miell mbi Doktorin. Ja përmbajtja.

Sulmet mbi ministrat

Vendi: Para Kuvendit.

Mjetet: Të ndryshme.
Sali Berisha. Do të sulmohet me qese mielli të bardhë. Në objektiv do të jetë xhami ku rri ai, dhe pasi të qëllohet, atentatori do bëjë sikur fut dorën në xhep për të nxjerr një  vezë. Ky veprim do të kryhet derisa të shikojë Berishën të shtrirë në sedilje nga frika, me duar sipër kokës. Aty atentati quhet i mbaruar.

(Pasonte një shënim në forme aprovimi që tregonte se gjithçka ka shkuar në rregull sipas
planit).
Edmond Haxhinasto. Kur të jetë duke zbritur nga makina, do qëllohet me mbeturina nafte, përzier me vajra mazuti. Mundësisht në fytyre. Nëse nuk mbrohet me duar në kokë, i dyti do t’i hedhë një shishe naftë virgine në kurriz.

Edmond Panariti. Do qëllohet më një shishe kos të prishur, pasi nuk ka faj si ministër, por vetëm si ish- nënkryetar bashkie për cilësinë e ushqimit. Kur ta qëllojnë, t’i thonë ‘ke të fala nga Altin Goxhaj’.
Ridvan Bode. Do qëllohet me një qese gjizë, dhe kur të ulë kokën, t’i derdhin në qafë një shishe raki nga Devolli. Atentatori do t’i thotë ‘ke të fala nga xhaxhesha, që ke tatuar për raki’.
Sokol Olldashi. Do qëllohet me një copë sere, d.m.th asfalt i butë, gati në formë të lëngshme. Atentatori do t’i bëjë të fala nga Salillari.
Eduard Halimi. Do qëllohet me supë kineze me afat skadencë të kaluar. Do t’i derdhet mundësisht në kokë. Atentatori do t’i bëjë të fala nga burgu i Peqinit.
Genc Ruli. Do të qëllohet me kastravecë të gjatë. Mundësisht të qëllohet në kokë dhe një tjetër t’ia fus pas tek rripi i pantallonave.
Atentatori do t’i bëj të fala nga ‘preshi i Tritanit në Lushnjë’.
Genc Pollo. Do të qëllohet me shalë biçiklete dhe do t’i thuhet të fala Klodiana Shalës.
Majlinda Bregu. …Do gjejmë një herë një grua, pastaj do vendosim me se do ta qëllojë.
Spiro Ksera. Do sulmohet me bukë thatë dhe do t’i thuhet të fala nga azili e pleqve.
Vangjel Tavo. Do sulmohet me garza pambuku dhe do t’;i bëhen të fala nga urgjenca e Ushtarakut.

Arben Imami. Do qëllohet me barut fisheku dhe me ndonjë gëzhojë dhe do t’i bëhet të fala nga pronari i Blur-it.

Fatmir Mediu. Ky njeri do qëllohet me disa mjete. Në fillim do t’i hidhet qymyr druri meqë ka djegur gjithë pyjet e Shqipërisë, pastaj një leckë të përgjakur meqë ka vrarë 26 vetë, dhe në fund do t’i bëhen të fala nga Zeni.
Myqerem Tafaj. Ky do sulmohet me bojë shkrimi, mundësisht blu dhe kur t’ia hedhin, t’i bëjnë të fala nga Universiteti Ndërplanetar.
Flamur Noka. Ky nuk do qëllohet se është idiot dhe nuk kupton. Vetëm do dalë njëri t’i bërtasë ‘ta rregulloj unë tek Qukapi’.

Flamuri e lexoi gjithë skenarin me një frymë dhe nuk dinte nga t’ia fillonte. I duhej të merrte masa urgjente të bllokonte miellin, vezët, kastravecin, shalë biçikeltesh, naftë, serë, garza pambuku, gjithfarë sendesh, të cilat nuk janë të ndaluara.

Me të vetmin që e kish më lehtë ishte kosi i prishur i Panaritit. Por më e keqja nga të gjitha i dukej sulmi mbi të, kur dikush do t’i bërtiste ‘ta ndreq unë tek Qukapi’.

Nëse merrej vesh kjo, autoriteti i tij merrte fund përgjithmonë. U shtri i këputur nga lodhja të kuptonte se si mund ta ndalte gjithë këtë plan atentatesh ndaj qeverisë dhe mbi të gjitha si të ndalte përmendjen e Qukapit si shef të tij. E vetmja mundësi ishte të hapte llaf që Qukap është pseudonim i Doktorit dhe të dukej sikur ishte sërish i dyti pas Doktorit. Dhe sepse i dukej sikur Doktorit i shkonte ky pseudonim dhe gjithë palët ishin në rregull.

Flamuri, letër proteste ambasadorit amerikan për “ACT NOW”

19:35 Antena

Flamuri bën analizën e pantallonave të Doktorit pas gjuajtjes me miell

20:58 Antena

Dialog makbethian në kafen për Azemin

20:53 Antena

Ikja para kohe e Doktorit nga vakia e Fevzos

18:45 Antena

Dialogje për Albpetrolin në vakinë e Fevzos

22:07 Antena

Sandri me Becin, luftë anekdotash

19:49 Antena

Faturë për djegien e fotove të Bamirit

21:41 Antena

Problemet me fotografin e presidentit Nishanliu

21:02 Antena

Intervistë e Zonjës së Parë: Pse dua t’i ngjaj Lirisë!

19:58 Antena

Flamuri urdhëron opozitën të shikojë betejën me zjarret

19:24 Antena