Dita e parë e Cocciante-s në Tiranë

Elhaida Dani dhe kantautori italian, Riccardo Cocciante, arritën në Tiranë. Të dy bashkë u pritën në Rinas nga gazetarët, pastaj shkuan në Ministri të Kulturës ku u pritën nga ministri Zhiti. Ky i fundit i uli në sallonin e pritjes dhe i kërkoi Cocciante-s të mos bezdisej nëse do të dëshironin të vinin ta takonin shumë personalitete që t’i flisnin për Elhaidën.

-Patjetër, me kënaqësi, i tha Cocciante.

I pari që mbërriti ishte Sandri.

-Ky është ky k… që ka ardhur nga Italia, i tha Visarit.

-Çfarë tha zotëria, pyeti Cocciante.

-Thotë që qenka simpatik, i dashur, d.m.th cari…, si me thënë, i tha Visari i vënë në siklet.

-Hajt o burrë ça vihesh në siklet nga ky. Ça t’i bëjmë se na duhet për fushatë, se as kisha humbë kohën me të.

-Nejse, thuaj dy fjalë, i tha Visari, se i bëhet qejfi.

-Kam ardhur të të falënderoj për Elhaidën, tha Sandri. E kam zbuluar unë si talent tek Akademia e fëmijëve, që bëmë në TV Klan dhjetë vjet më parë. Që atëherë e kam pikasur që ka pasur talent dhe do bëhej një ditë e madhe. Të falënderoj që bëre realitet ëndrrën tonë dhe që kjo ëndërr përkon me fitoren tonë të madhe…

-Fitore e madhe vërtet, tha Cocciante i entuziazmuar. Tani po e kuptoj që është fitore e madhe.

-Merre pak këtë sinkronin për lajme, i tha Sandri operatorit, i thuaj atij Bejtes të hap lajmet që Cocciante tha që e ndjej se do jetë një fitore e madhe e Doktorit.

-Sikur nuk e tha tamam ashtu, ndërhyri Visari…

-Në plasi k…, i tha. Pse, kot e kemi ftuar…?

-Ah cari, faleminderit shumë, tha Cocciante që nuk priti përkthyes.

Pas Sandrit mori në telefon Jozi.

-A mundem me ja thënë dy fjalë ati Koqiantes, i tha Visarit.

-Cocciante, me ç çekani shqiptohet.

-Hajt mor Visar se s’na prish kjo gja. Na duhet për fushatë me folë me të.

-Fol pak me kryetaren e parlamentit, i tha Visari Cocciante-s.

Cocciante nisi të flasë. Pasi shkëmbyen urimet, Jozi ia nisi.

-Elhaidën e maj mend si fëmijë. Ka kenë pranvera e parë e demokracisë në Shqipëri dhe e ama kish ardhë me të në miting e mbante në dorë. Ne thirrshim “E duam Shqipërinë si Evropa” dhe ajo tundte dorën dhe qeshte. Ma ka marrë mendja prej atëhere se ka me u ba e famshme në Evropë. Të falemners shumë dhe me një fitore të përbashkët.

-Patjetër zonjë, kjo është dhe fitorja jonë, dhe e juaja, i tha Cocciante, i cili e mbylli telefonin shumë i entuziazmuar.

Pak më vonë mori në telefon Sali Berisha.

-Visar, ma jep pak këtë këngëtarin, si e ka emrin, tha, se duhet me e uru.

-Kërkon të flasë me ju kryeministri i Shqipërisë, i tha Visari.

-Patjetër, i tha Cocciante dhe u ngrit në këmbë.

-Zoti Cocciante, të përshëndes, i tha Doktori. Deshta me të uru për këtë fitore të shkëlqyer që i hap rrugë fitores sonë të madhe…

-Patjetër, e vlerësoj shumë, tha Cocciante, sidomos faktin që ju jeni të bindur se pas kësaj do të keni fitore.

Doktori pati një pauzë.

(Shkruaj, i tha sekretares, që Cocciante tha se e vlerësoj shumë që fitorja e Elhaidës do t’i prijë fitores suaj të madhe)

-Unë të falënderoj shumë zoti Cocciante dhe jam i lumtur që do të takohemi në zyrën e presidentit të merrni dekoratën tonë më të lartë. Ajo vajzë e ka meritu këtë çmim, ka këndu që fëmijë për demokracinë, për fenë, për lirinë… Të përshëndes.

Cocciante u ul i emocionuar.

-Nuk e dija që do t’u sillja kaq fat, tha. Të gjithë ju më flisni për një fitore tjetër. Qenkeni popull me shumë bestytni.

-Dëshiron t’iu flasë dhe presidenti i Republikës, tha Visari.

Cocciante u ngrit me vërtik në këmbë.

-Urdhëroni zoti president, i tha.

-Siç ju ka thënë dhe zoti kryeministër, kjo është një fitore e madhe që do t’i bashkohet fitorja jonë e madhe, i tha. Mezi të pres nesër të takohemi.

Cocciante u ul në kolltuk i mbytur nga emocionet.

-Më tha presidenti mezi të pres nesër, i tha Visarit.

-Eh, është pak me siklet nga shëndeti, i tha Visari, nuk rri dot në këmbë, por po bën stërvitje.

Cocciante nuk po kuptonte më asgjë. Elhaida nuk fliste dhe rrinte mënjanë.

Kur u matën të dilnin, shumë njerëz e prisnin tek porta. Mes tyre dhe një djalë me kaçurrelë krejt si Cocciante.

-Unë jam Dashnori, i tha, adhurues juaj, kam lënë dhe flokët si ju, këndoj këngën e famshme “Banania”, po aq e famshme sa Margarita. Kam një propozim për ty.

-Çfarë, i tha Cocciante i suprizuar.

-A më jep leje të bëhem sozia jote dhe të këndoj tek mitingu i PD-së se u marrim nja 500 mijë euro. S’ka problem, e këndoj dhe unë “Margaritën” italisht.

-Çfarë është “Mitingu i PD-së”, pyeti Cocciante Visarin, diçka si Sanremo??

-Afërsisht, i tha Visari, vetëm që nuk konkurrohet, vetëm parapaguhesh.

-Çfarë budallai jam unë që jetoj në Itali, tha me vete Cocciante. Bëje patjetër, i tha Dashnorit, ke lejen time.

Imami keqkuptohet me një elbasanlli rreth fjalës b...

19:54 Antena

“Shoqata e Dylberëve” të Elbasanit, akuza Ben Imamit

21:26 Antena

Flamuri, hetime për Ben Isarajn si kamikaz kundër Cecës

20:30 Antena

Flamuri, optimist për nipat dhe mbesat e Doktorit

21:55 Antena

Jozi nis planet për Elhaidën në fushatë

20:09 Antena

Doktori fton Elhaidën për mitingun përmbyllës

21:58 Antena

Flamuri mbledh sugjerime për mandatin e Doktorit

22:30 Antena

Përgatitjet e Laurës për të lexuar deklaratën e Berishës

23:03 Antena

Ngatërresat e Flamurit me SMS-të e Doktorit

17:59 Antena

Fahro, karshillëk Doktorit për listën e Elbasanit

20:03 Antena