WikiLeaks: Libia e kërcënoi Britaninë lidhur me al-Megrahin

Sipas dokumenteve diplomatike të publikuara nga faqja WikiLeaks në Internet, qeveria e Britanisë ishte e frikësuar se Libia do të ndërmerrte aksion të ashpër kundër saj, nëse sulmuesi me bombë në Lockerbie, Abdel Basset al-Megrahi, do të vdiste në burg.

Al-Megrahi ishte i burgosur për jetë, për shkak të sulmit me bombë ndaj aeroplanit amerikan mbi vendin Lockerbie, në Skoci, me ç’rast u vranë të 259 njerëzit në aeroplan.

Ai ishte liruar nga autoritetet e Skocisë në gusht të vitit 2009, në bazë të mëshirës, pasi ishte i sëmurë nga kanceri i prostatës dhe mendohej se kishte vetëm edhe disa muaj jetë.

Ky lirim kishte shkaktuar zemërim në Shtetet e Bashkuara, edhe për shkak të faktit se al-Megrahi është ende gjallë.

Në dokumentet e publikuara nga WikiLeaksi, ambasadori amerikan në Libi kishte shkruar se zyrtarët e Libisë kishin kërcënuar me shkëputjen e lidhjeve politike me Britaninë, nëse al-Megrahi nuk lirohej.

Obama arrin një marrëveshje me republikanët për çështjen e taksave

17:06 Bota

Arrestohet në Londër themeluesi i Wikileaks-it, Julian Assange

16:36 Bota

SHBA, rritet papunësia

18:32 Bota

Asange, mandat arresti ndërkombëtar për themeluesin e Wikileaks

18:03 Bota