Të gjithë FIGURAT në qendër të një skandali

Faqja e The Sun, ku hakersat kane nderhyre duke shpallur vdekjen e Murdoch

Nuk ka ditë që Britania nuk ngryset pa një lajm tronditës nga skandali i përgjimeve që çoi në mbyllje gazetën me tirazhin më të madh dhe po lëkund në themele perandorinë e Rupert Murdoch. Një gazetar u gjet i vdekur, kurse gazeta The Sun, u sulmua nga hakersat, që e shpallën Murdoch të vdekur. Por kush janë figurat kryesore në qendër të këtij skandali. CNN i sjell si më poshtë.

News of the World

Tabloidi 168 vjeçar ishte gazeta më e shitur në gjuhën angleze në të gjithë botën me rreth 2.5 milion kopje çdo javë.

U mbyll më 10 korrik mes akuzave se kishte punësuar detektivë privatë për të përgjuar në mënyrë ilegale në sekretaritë telefonike të mijëra njerëzve, që nga politikanë të lartë, personalitete të showbiz-it, viktima vrasjesh dhe familje të trupave të rënë.

Ka dyshime se gazetarët kanë korruptuar policinë për të siguruar detaje private për njerëzit, përfshi anëtarët e familjes mbretërore.

Rupert Murdoch

Është shefi ekzekutiv i News Corp., kompania nënë e pronares së News of the World – News International. Në SHBA kompania e tij përfshin Fox News, The Wall Street Journal, New York Post dhe shtëpinë botuese Harper Collins.

Clive Goodman

Ishte korrespondenti për çështjet mbretërore i News of the World. U vetëshpall fajtor për përgjime telefonike në vitin 2007 dhe shkoi në burg. Akuzat dolën në sipërfaqe pasi gazeta publikoi një histori se si princi William kishte vrarë gjurin, çka bëri që zyrtarët mbretërore të ankohen në polici me dyshimin se sekretaria e tyre telefonike ishte përgjuar.

Glenn Mulcaire

Është një hetues privat, i dënuar në vitin 2007 së bashku me Goodman për shkak se kishte përgjuar telefonat e familjes mbretërore.

Andy Coulson

Ishte redaktor i News of the World kur Goodman dhe Mulcaire shkuan në burg. Coulson gjithmonë këmbënguli se nuk e dinte për krimet përpara se Goodman dhe Mulcaire të pranonin fajin, por dha dorëheqjen për shkak se ishte përgjegjës kur ndodhi kjo gjë.

Më pas shkoi për të punuar si zëdhënës i kryeministrit David Cameron, por dha dorëheqjen kur policia nisi një hetim të ri për përgjimet telefonike në janar. Ai sërish thotë se është i pafajshëm, por deklaron se ka dhënë dorëheqjen për shkak se ishte kthyer në shqetësim për kryeministrin.

David Cameron

Është kryeministri britanik, që është kritikuar ashpër pse ka punësuar Coulson. Cameron ka këmbëngulur vazhdimisht se ai ndjente se Coulson meritonte “një shans të dytë”.

Sean Hoare

Ishte një nga gazetarët e parë të News of the World, që tha se përgjimi i telefonave ishte një praktikë e zakonshme në gazetë, e inkurajuar nga Coulson. Më 18 korrik ai u gjet i vdekur. Policia tha se vdekja e tij ishte e pashpjegueshme, por jo e dyshimtë.

Milly Dowler

Një adoleshente e vrarë, familja e se cilës deklaroi më 4 korrik se telefoni i saj ishte përgjuar kur ajo u zhduk në vitin 2002. Ata thanë se hakersat kishin fshirë mesazhet nga sekretaria e saj telefonike, për të krijuar hapësirë për më shumë, duke shpresuar se ajo ishte ende gjallë në një kohë që ajo kishte vdekur.

Rebekah Brooks

Ishte redaktore e News of the World kur dyshohet se ndodhi përgjimi i telefonit të adoleshentes Dowler. Ajo u bë shefe ekzekutive e kompanisë që publikonte gazetën.

Një e besuar e afërt e familjes Murdoch, ajo u vendos në qendër të zemërimit politik e publik kur skandali mori zjarr.

Ajo dha dorëheqjen më 15 korrik. Dy ditë më vonë, u arrestua, u mor në pyetje për rreth nëntë orë dhe më pas u lirua me kusht deri në tetor.

Paul Stephenson

Ishte kreu i Metropolitan Police (Policisë metropolitane), deri kur u zbulua se Scotland Yard (policia e Londrës) kishte punësuar një ish- gazetar kryesor të News of the World si këshilltar për komunikimin. Stephenson insiston se nuk ka bërë asgjë gabim.

John Yates

Ishte një nga zyrtarët e lartë të policisë së Londrës derisa dha dorëheqjen më 18 korrik. Ai ishte personi përgjegjës që vendosi në vitin 2009 se nuk ishte nevoja për të nisur një hetim për përgjimet telefonike, pavarësisht 11 mijë faqeve me prova në polici- më vonë ai pranoi në parlament se ky vendim kishte qenë një budallallëk.

Aleanca Kuq e Zi: Do t’i drejtohemi Kushtetueses për regjistrimin

11:36 Politika

PASURITE E MINISTRAVE/ Ruli e Bregu me aktivitetin më të lartë financiar vitin që shkoi

11:10 Politika

Edhe Bosnja bëhet me McDonald’s. Pse Shqipëria nuk ka një të tillë?

10:46 Politika

Debat në KLD për rolin e Kreshnik Spahiut si drejtues i Aleancës Kuq e Zi

10:25 Politika

Spahiu drejton mbledhjen e KLD, zv/ministrja e Drejtësisë hedh akuza ndaj Topit

10:02 Politika

DEKLARIMI ZYRTAR/ Ilir Meta, apartament 400 mijë euro në Bllok, vilë dykatëshe në Gji të Lalëzit

22:26 Politika

I hiqen truprojat Dritan Priftit përpara gjyqit me Metën

21:47 Politika

Shtohen frikshëm ZYRTARISHT pasuritë e fëmijëve të Sali Berishës

21:36 Politika

INTERVISTA PA DORASHKA/ Ambasadori danez: Kam qenë pranë vdekjes disa herë, militantët i jepnin makinës në mënyrë moskokëçarëse në Bllok

18:55 Politika

Drejtorët e bashkisë së Tiranës: Ky institucion nuk përfaqëson më qytetarët, tërhiqemi

17:08 Politika