Para heqjes së imunitetit gjykatësit bëjnë “nderet” e fundit, pafajësi në shumë çështje

Heqja e mburojës ligjore për gjyqtarët ka sjellë një pështjellim në sistemin e drejtësisë. Dhjetëra të akuzuar për korrupsion aktiv e pasiv, shpërdorim detyre e pastrim parash kanë fituar pafajësinë. Alarmi për këto vendime jepet nga prokuroria, e cila nga ana e saj ka pushuar dhe pezulluar dhjetëra vendime të diskutuara, ku të akuzuar kanë qenë zyrtarë të lartë të qeverisjes qendrore. Frika për “pafajësi” në gjykata ka sjellë këtë situatë, ku krimi i korrupsionit nuk po ndëshkohet. Situata po bëhet alarmante në disa gjykata në Shqipëri, të cilat kanë gjykuar dhjetëra të pandehur. Burime nga Prokuroria e Përgjithshme pohojnë për gazetën “Shqip” se arsyeja e këtyre pafajësive ka lidhje me heqjen e imunitetit të gjyqtarëve. Aktualisht, gjyqtarët gëzojnë mburojë ligjore dhe ata nuk mund të hetohen. Policia dhe prokuroria nuk mund të ndërmarrë asnjë veprim ndaj gjyqtarëve, pasi këto prova nuk konsiderohen të ligjshme. Madje, edhe gjatë hetimeve të personave të tjerë (sekserëve), nëse rezulton i implikuar ndonjë gjyqtar, hetimet ndërpriten dhe duhet një leje nga Këshilli i Lartë i Drejtësisë për vazhdimin e tyre. Akuza pohon se në rast se kapet një bisedë telefonike, ku i përfshirë është një gjyqtar, me kushtet aktuale, prova nuk mund të përdoret, pasi nuk është marrë leje më parë në KLD. Pikërisht kjo “mburojë” ka sjellë që korrupsioni në gjyqësor të mos ndëshkohet dhe në çastin kur po diskutohet heqja e imunitetit ndaj gjyqtarëve, vijnë dhjetëra raste me pafajësi. Akuza e ka të pamundur që të hetojë sekserët që veprojnë në dyert e gjykatave dhe në momentin që e ka kryer, procesi është dekonspiruar apo ka dështuar. Gjyqtari i hetuar është informuar për këtë hetim. Në kushtet aktuale, sekserët veprojnë të “lirë” dhe me mburojë. Madje ata mund të flasin lirisht edhe në telefon, mjafton që thirrësi të jetë gjyqtari. Në këtë rast, policia e ka të pamundur të kapë këtë bisedë, pasi “po heton për një gjyqtar”. Gazeta “Shqip” ka kryer një vëzhgim në disa gjykata në Shqipëri, të cilat kohët e fundit kanë shtuar vendimet e pafajësisë, por edhe uljet drastike të dënimeve të të akuzuarve për korrupsion, shpërdorim detyre dhe pastrim parash. Vendimet që po botojmë janë konsideruar nga prokuroria si problematike dhe janë diskutuar në akuzën qendrore. Një nga vendimet më të diskutuara ka qenë pafajësia për skandalin e pronave në “Plazhin e Gjeneralit”. Megjithëse është pranuar se ka një falsifikim dokumentesh, gjykata vendosi pafajësi për të gjithë të akuzuarit. Një tjetër dosje ishte edhe tenderi i uniformave për Policinë e Shtetit. Akuza kreu të gjitha veprimet hetimore, madje vëzhgoi dhe përgjoi të akuzuarit. Në fund, gjykata dha sërish pafajësi. “Frika” për pafajësi në gjykatë solli që prokuroria të pushojë hetimet ndaj ministrit aktual të Bujqësisë, Genc Ruli, i akuzuar për shpërdorim detyre gjatë kohës që drejtonte Ministrinë e Ekonomisë për minierën e kromit në Bulqizë. “Shfryrje” ka pasur edhe kontrabanda e naftës, e denoncuar nga Dritan Prifti, madje edhe procesi “Meta-Prifti”, ku gjykata dha pafajësi për ish-zv.kryeministrin. Një tjetër pafajësi është regjistruar për një të akuzuar për pastrim parash. Akuzohej në Greqi për shfrytëzim prostitucioni dhe paratë i kishte sjellë në vendin tonë, duke ndërtuar biznese. Edhe “mjekët” kanë përfituar nga kjo situatë. Pothuajse të gjithë të akuzuarit kanë fituar pafajësi, megjithëse në xhep u është kapur zarfi me ryshfetin.

PD: Rama të dëgjojë zërin e qytetarëve dhe të papunëve që të heqim imunitetin

14:23 Politika

Revoltohen intelektualët shkodranë: Berisha po shmang Gurakuqin, viktimën e Ahmet Zogut

22:31 Politika

Braçe i përgjigjet Majkos: Largimi i Berishës nuk është bast, është interes kombëtar

21:37 Politika

Politika, hipokrizia me drejtësinë

20:56 Politika

Si mund të kthehet njeriu në një bishë të tillë?

20:23 Politika

Korrupsionin nuk e mbron imuniteti parlamentar

22:00 Politika

Krimi nuk di të ndalur, vritet një person te Sanatoriumi në Tiranë

19:06 Politika

A i jep fund miratimi i kodit të ri elektoral kontestimit të zgjedhjeve?

18:59 Politika

Mediu të dorëhiqet nga posti i Ministrit

17:55 Politika

FRD çel degën e saj në Shkodër

15:34 Politika