Ilir Meta në Bulqizë: Ndëshkoni PD-në, nuk i keni asnjë borxh

Kryetari i Lëvizjes Socialiste për Integrim, Ilir Meta, deklaroi në një miting elektoral në Bulqizë se ata duhet të ndëshkojnë me votë Partinë Demokratike, pasi nuk i kanë asnjë borxh.

“Bulqiza është një qendër shumë e rëndësishme për të gjithë vendin dhe është njëkohësisht pjesë e qarkut të Dibrës i cili bashkë me Bulqizën janë më të harruarit dhe të më neglizhuarit nga qeveria aktuale. Prandaj më 23 qershor, me votën tuaj ju do të ndëshkoni këtë harresë, këtë neglizhencë. Ju nuk i keni asnjë borxh Partisë Demokratike. Përkundrazi, është ajo që ka detyrime pa fund ndaj popullit tuaj. Ju bë kaq kohë që çdo dy vjet sa herë ka zgjedhje lokale apo zgjedhje parlamentare. Premtohet rruga e Arbrit dhe hidhet një grusht asfalt elektoral. Po ju e dini shumë mirë se po të vazhdohet me këto ritme do të duhet nja 80 vjet për të përfunduar rrugën e Arbrit. Pranvera vjen çdo vit, por rinia vjen vetëm një herë. Jam i bindur se populli i Bulqizës e sidomos të rinjtë dhe të rejat e Bulqizës, Peshkopisë, Maqellarës, Matit, Klosit, nuk do të pranojnë më të mashtrohen nga premtimet boshe të Berishës. Por të gjithë së bashku do të votojmë që Bulqiza dhe i gjithë qarku i Dibrës më 23 qershor të bashkohen me rrotacionin e sigurt, me ndryshimin e sigurt në mënyrë që të ecim më shpejt drejt Shqipërisë evropiane. Jam i bindur se ju do të bashkoheni me programin tonë për punësimin,” tha Meta.

“Sot edhe Berisha premton se do të hapë 250 mijë vende të reja pune për 8 vitet që vijnë. Por, gjatë këtyre 8 viteve më shumë vende pune u mbyllën sesa u hapën sepse mungoi vizioni, mungoi politika e mençur dhe e përkushtuar për të hapur vende të reja pune, në Bulqizë dhe kudo në gjithë qarkun tuaj dhe në shumë zona të tilla në të gjithë Shqipërinë. Prandaj, duke votuar për Përparim Spahiun ju keni votuar për veten tuaj, për fëmijët tuaj, ju keni votuar për shkolla më të mira dhe jo që fëmijët tuaj ta bëjnë shkollën siç e bëjnë edhe sot për shkak se nuk investohen as 2 lekë për të rikonstruktuar shkollën e mesme. Ndërkohë që ne angazhohemi që një pjesë e rentës minerare t’i kalojë pushtetit vendor që të ketë mundësi të financojë në të mirë të komunitetit për projekte të ndryshme sociale dhe ekonomike. Ashtu sikurse angazhohemi për t’u dhënë të gjithë minatorëve statusin e minatorit sepse kanë kaluar një jetë me sakrifica, me vuajtje dhe e meritojnë këtë solidaritet nga e gjithë shoqëria,” vijoi kryetari i LSI./ep

FRD: PD po ndjen humbjen në Shkodër, ka bërë 4 mitingje në dy javë

12:20 Politika

Edhe Dash Sula përdor Policinë e Shtetit për fushatë

18:38 Politika

Rama premton legalizim në Kashar: Berisha na thotë bllokmenë, vetë bënte xhiro me varkën e Bllokut

13:00 Politika

Çudira shqiptare/ Kush tha që nuk është duke u zhvilluar bujqësia? (FOTO)

11:15 Politika

Veliaj: Do hapim konsullatë në çdo qytet ku jetojnë emigrantët shqiptarë

10:47 Politika

INTERVISTA/ Topi: FRD është për rotacion politik. Ky kryeministër duhet larguar me votë

10:41 Politika

Teza e re e Kaçit: Rama nuk e plotëson KQZ-në se ka frikë se Meta certifikon zgjedhjet

09:52 Politika

Braçe: Si ka mundësi që të gjithë të dehurit sulmojnë Berishën?

09:47 Politika

Ngjela: Kam marrëveshje me Ramën për të qenë pjesë e qeverisë

09:33 Politika

“Atentatori” i Berishës lë qelinë: Betohem që kam votuar dhe do të votoj për PD-në

09:23 Politika