Ata janë bërë të njohur vite më parë dhe përsëri vazhdojnë të ruajnë popullaritetin e dikurshëm. Si të gjithë VIP-at, qendrën e vëmendjes nuk e fitojnë vetëm me një këngë të bukur dhe albume të suksesshme, por edhe me romancat me persona të tjerë të botës së televizionit.
Nick u pa i shoqëruar nga 21-vjeçarja Oliva Culpo, që është dhe fituesja e Miss Universit. Çifti është përfolur dhe më parë për romancën e tyre, por e kanë mohuar duke u shprehur se mes tyre ekziston vetëm një miqësi e bukur.
Duket se 20-vjeçari më në fund ka vendosur që të bëjë publike lidhjen e tij me Olivian, pasi përveçse ka postuar disa foto në Instagram, ka ndarë me të një puthje të gjatë pak përpara se të fillonte ndeshja. P.K