Kunati reflekton ndaj vërejtjeve të Doktorit

Pas përpjekeve të Kunatit për të promovuar një model ndryshe të Lulit si lider i ri, më në fund erdhi dështimi. Doktori e humbi qetësinë dhe më në fund lëshoi rrufetë mbi regjinë e Kunatit.

Luli, i cili kishte ngrënë gjithë të sharrat, thirri i trembur Kunatin në zyrë.

-Më bëri për një lek Doktori, tha. Më tha mos të të shikoj më vetëm në tribunë. Unë kam qenë burrë shteti, tha, kam qenë president, kryeministër 23 vjet dhe kurrë nuk i kam ndarë njerëzit nga tribuna. Kë nuk kam pasur në krah, por s’kam pas kurrë turp. Nga na dole ti si Mesia, që të mos qasësh njeri në krah.

-Po kush është ankuar Doktor, i thashë?

– Të gjithë janë ankuar, tha. Pse mor, si të duket Flamuri ty, që të vjen turp ta mbash në krah. E kam pasur unë në krah tetë vjet e nuk jam turpëruar, të ardhka turp ty!

Po pse mor, Aldo Bumçi si të duket ty? Po ç’të prish punë një njeri që nuk flet kurrë pa leje, këtë se kam kuptuar kurrë!

Po Ed Halimi ç’punë të prish të rri dy vende më tutje, se është i shkurtër? E kam mbajt unë në krah, nuk e mbake më ti!

Po Grida ç’punë të prish të jetë në tribunë, apo ke hall se është më e bukur se ti? Çi ke mor këto komplekse, më tha. Mos të të shoh më vetëm në tribunë!

-Aha, e kuptova tha Kunati. Do jenë ankuar ata që i zbuam nga tribuna herën e fundit. A ta përmendi Jozefinën?

– Jo, Jozin nuk ma përmendi, por kuptohej. Derisa thotë merr Flamurin në krah, më mirë marr Jozin.

-Po tjetër çfarë të tha?

-Më bërtiti për fjalimet. Çi ke ato hartime që lexon, më tha? Po pse, me poezitë e Preçit do përmbysësh rregjimin e drogës ti? Po pse, nuk e di unë që mund ta gjeja një njeri të shkruaja fjalimet? Por ti duhet të flasësh me shpirt mor, jo me letër. Po nuk të panë njerëzit që flet me shpirt, nuk të vijnë pas.

-Po si flitet me shpirt, tha Kunati?

-Nuk e di, ndoshta duhet bërtitur fort, të dalë zëri nga gjoksi, por kam frikë se më ikën, tha Luli.

-Ndaj të thotë fol me shpirt, i tha Kunati, se do që të të turpërojë.

-Bo ç’me gjeti, tha Luli! Pastaj më bërtiti për reformën në arsim. Më tha nuk po e sulmon, na e kaloi shoqëria civile.

-Po ti çfarë i the?

-Unë i thashë që po e studioj, po aty më ulëriti. Çfarë do studiosh mo, tha, reformën e armikut do studiosh. Bjeri mor aty, se të la populli vetëm.

-E paska me Çilin, tha Kunati. Nuk i paska dalë inati. Po tjetër ç’të tha?

-Më tha që dhe të shtunën e të dielën të dua këtu, mos më ik në Hollandë. Se ne shajmë Edi Ramën, tha, që ikën në panaire, por ti ikën në shtëpi. Akoma më keq.

I dhashë fjalën që s’do iki.

-Po tani, çdo bëjmë, tha Kunati, se ai ka paralajmëruar mitingje?

-S’di ç’të them, tha Luli. Unë e ti duhet të mendojmë si të mbushim tribunën, ai le të mendojë si të mbushë sheshin. Nuk kemi çi bëjmë.

Grevistët e urisë revoltohen me Kunatin

20:55 Antena

Kunati fiton garën me Doktorin për deklaratën e sotme

21:00 Antena

Kunati qetëson Grigjën për shkëlqimin e Majlindës

20:19 Antena

Grevistët e përndjekur, letër Kunatit

21:13 Antena

Kunati, i mahnitur nga gjesti i Mbretit Huan Karlos

20:28 Antena

Kunati, i mërzitur me Xhuvelin për Aleancën kundër Drogës

21:17 Antena

Kunati i shqetësuar nga thashethemet e Jozit

20:57 Antena

Policia rrethon fshatin e Kunatit në Kurvelesh

20:54 Antena

Kunati analizon deklaratën e Doktorit kundër Lulit

21:49 Antena

Kunati, dyshime për skenar kundër Lulit në rastin “Strazo”

20:23 Antena