Te fundit
BE rekomandon konsultime me Euralius dhe Komisionin e Venecias për reformën në drejtësi
22 Korrik 2014, 19:44Politika
TEMA
Përfaqësuesi i zyrës së KE –së në Tiranë, Clive Roumbold, i ka kërkuar kryetarit të Komisionit të Ligjeve, Fatmir Xhafa të konsultohet gjerësisht për reformën në drejtesi me Komisionin e Venecias dhe EURALIUS.
Komisioni Europian kërkon sipas tij që reforma të përfshijë të gjithë aktorët kryesorë të sistemit gjyqësor, ashtu siç ka premtuar vetë kryeministri Rama në Dialogun e Nivelit të Lartë me komisionerin Fyle, me 4 qershor në Tiranë.
Letra e plotë:
Zoti Xhafaj,
Faleminderit për letrën tuaj, përmes së cilës ju kërkuat komentet tona për iniciativën ligjore në lidhje me Këshillin e Lartë të Drejtësisë dhe Shkollën e Magjistraturës.
Bashkimi Europian i kushton një rëndësi të veçantë çështjes së shtetit ligjor. Reforma në sistemin e drejtësisë është një prioritet kyç për procesin e anëtarësimit të Shqipërisë në Bashkimin Europian.
Kjo çështje u diskutua edhe në Dialogun e Nivelit të Lartë të mbajtur më 4 qershor në Tiranë, ku qeveria prezantoi vizionin e saj për një reformë gjithëpërfshirëse “të fokusuar në reformimin e institucioneve kryesore gjyqësore dhe në organizimin dhe funksionimin e sistemit gjyqësor përmes një procesi gjithëpërfshirës, duke bërë bjesë të gjithë aktorët kryesorë të sistemit, përfshirë Parlamentin dhe shoqërinë civile”, ashtu sikundër u nënvizua edhe në konkluzionet e përbashkëta të takimit mes kryeministrit Rama dhe komisionerit Fyle.
Në këtë kontekst, Bashkimi Europian mirëpret angazhimin e Shqipërisë me Komisionin e Venecias.
Ne mendojmë se këto drafte duhet të trajtohen në strukturën e një reforme gjithëpërfshirëse të sistemit të drejtësisë, të planifikuar nga qeveria, të cilën ne mendojmë se do të bazohet në udhëheqjen e Komisionit të Venecias, në ekspertizën e misionit të asistencës EURALIUS, i cili do të nisë në 1 shtator.
Ekspertiza e tij do të jetë gjithashtu e vlefshme për Komisioni Parlamentar të Ligjeve dhe përmes tij edhe për reformën e planifikuar në sistemin gjyqësor.
3 komente në “BE rekomandon konsultime me Euralius dhe Komisionin e Venecias për reformën në drejtësi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
YYY kapitalista revizionista neve e bejm vet drejtsin me shokun Spartak Braho dhe shokun Gramoz Ruci & halabak.
Po tani?
A ka mundesi te na thote hapur ky zoti Roumbold se sa milion euro kane marre ekspertet e Venecias dhe Euralius ne te pakten 10 vitet e fundit dhe cfare kane bere konkretisht. Se ska asnje dokument reforme!!!! Pas ketij bilanci ky zoteri mund te dergoje letra te tilla.