Rama: Reforma në sistemin energjitik do të vijojë, pavarësisht çmimit politik

Reforma në sistemin energjetik dhe operacioni për prerjet e lidhjeve të paligjshme dhe kapjen e hajdutëve të energjisë do të vazhdojë me çdo çmim politik.

Kështu deklaroi Kryeministri Edi Rama në fjalën e mbajtur gjatë nënshkrimit të marrëveshjes të Fondit prej 150 milionë dollarësh mes Qeverisë shqiptare dhe Bankës Botërore për rimëkëmbjen e sistemit energjitik.

“Sot jemi përpara detyrimit për të bërë jo vetëm zgjedhjen e duhur por gjithë atë punë këmbëngulëse për mos ja lënë qeverisë pasardhëse faturën e rritur të borxheve dhe mos i faturuar gjeneratës pasardhëse një kosto që cënon integritetin ekonomik dhe social të vendit tonë.

Një reformë e vonuar është një reformën e dhimbshme dhe sa më shumë vonohet aq më të mëdha janë dhimbjet.

Dhimbjet e reformës që kemi ndërmarrë sot janë asnjë gjë në krahasim me dhimbjet që do kishin kompanitë nëse kjo reformë do shtyhej qoftë edhe një vit më tutje”, u shpreh Rama.

Kreu i Qeverisë theksoi se kolapsi në sektorin energjetik arriti të shmangej vetëm fal zgjidhjes së problemit me kompaninë CEZ.

“Falënderoj zonjën për fjalët e mira në adresë të qeverisë besoj janë të merituara. E falënderoj për specifikimin mprehtë të problematikës që ka ky sektor dhe faktin ë vuri thekson tek ajo që kemi arritur të shmangim.

Krizën e thellë me rrezik kolapsin sektorit dhe të një zinxhiri të tërë që është i lidhur me të. Ky kolaps u shmang fal zgjidhjes së konfliktit ligjor të trashëguar nga qeveria paraardhëse me kompaninë private të shpërndarjes e cila rrezikonte që përmes konfliktit ligjor të na kthente në peng të një krize të tillë dhe me dhimbje të tmerrshme sociale në sektorin energjetik.

Ende jemi larg asaj që duhet të arrijmë. Ndërkohë që koha nuk pret dhe ne do bëjmë çmos të arrijmë një orë më parë. Një sektor eklektro- energjetik ku vjedhja e vetvetes do i përkasë së shkuarës dhe çdo kush do paguajë atë që konsumon. Njerëzit do kuptojnë që këtu bëhet fjalë për të ardhmen dhe jo një të ardhme abstrakte të shtrirë në dekada”, u shpreh Rama.

Më tej ai theksoi se duke zgjidhur problemin e vjedhjes së energjisë i zgjidh këmbët vendit në rrugën drejt progresit.

“Nuk është përgjegjësia jonë nëse gjerat u lanë të degjenerojnë deri në këtë pikë. Përgjegjësia jonë është që e kundërta të mos lejojmë degjenerimin e më tejshëm të gjërave.

Duke ndjekur me vëmendje reagimet ndaj operacionit të nisur së fundi kur u krijuan kushtet për këtë betejë me hajdutët e energjisë elektrike kam vënë re nga njëra anë një mbështetje të konsiderueshme të opinionit publik. Atyre që janë mësuar të paguajnë u ka ardhur shpirti në maj të hundës nga kjo padrejtësi e madhe e kthyer në sistem. kam vënë re edhe reagimet negative. 

Nuk dua të merrem me to kur vijë për arsye politike por kur vijë për arsye të natyrshme të kuptueshme që lidhen me vështirësinë e njerëzve. kam ndjekur me vëmendje që thonë hapni një herë vende pune pastaj ndërtoni shtetin ligjor, pastaj prishni nderimet apo detyroni njerëzit të paguajnë faturat.

Si mund të kemi një Shqipëri që krijon besim dhe të hapin vende punë nga sipërmarrësit e huaj kur ndeshen që në muajt e parë me dy probleme ligjshmëria dhe energjia. E kundërta është e vërtetë.

Duke zgjidhur këtë problem të mbartur i zgjidhim vendit këmbët dhe bëjmë shoqërinë tonë të eci shumë më shpejt dhe hapësirat shumë më të gatshme për të thithur investime të huaja për të gjeneruar punësim mirëqenie progres”, u shpreh Rama.

Ai theksoi se reformat do të zhvillohen pavarësisht kostove politike.

“800 milionë dollarë janë humbje dhe detyrime që po ti shtosh edhe kreditë e bankave shkojnë në 1,1 miliardë. 150 milionë euro që ne i humbasim çdo vit se preferojmë ta shtyjmë problemin më tutje. kemi preferuar ti lenë në gjumë shqiptarët tua bëjmë të lehtë edhe kur s’paguajnë dhe të ecim vetëm me një qëllim të zgjasim sa më shumë pushtetin pavarësisht kostos që krijojmë për vendin dhe njerëzit.

Nuk jemi këtu për të zgjatur jetën e pushtetit ekzekutiv që buron nga vota e 23 qershorit duke stërzgjatur litarin problemeve në fytin e popullit shqiptar. Jemi këtu për të bërë zgjedhjet e duhura me çdo çmim politik. jam i bindur që jo vetëm opinioni publik e kupton por e dëshiron që të vendoset shteti ligjor. shteti që shërben dhe paguhet për shërbimet që bën. Ku të gjithë janë të barabartë përballë detyrimeve”, u shpreh Kryeministri.

Sa i përket rritjes së çmimit të energjisë Kreu i Qeverisë sqaroi se ishte përpara dy zgjidhjeve: të rriste çmimin për të gjithë ose të hiqte fashën 300 kë dhe sipas tij zgjidhja më e mirë ishte kjo e dyta.

“Kemi pasur dy alternativa të rrisim çmimin për të gjithë dhe të heqim fashën 300 kilovat. Debati ka qenë intensiv edhe konsultat kanë qenë intensive. Me BB kemi dialoguar për të kuptuar efektet dhe kemi zgjedhur alternativën e heqjes së fashës dhe jo atë të rritjes së çmimit për të gjithë, por me një kusht që heqja e fashës do na mjaftojë nëse do i japim fund vjedhjes dhe nëse do ecim me shpejt për implementimin paketës financiare që firmosim sot. 

Thirrja ime nëse duam që mos kemi përpara më nevojë për të bërë zgjidhje shumë më të dhimbshme duhet sot ti dalim për zot vetes vendit ligjit dhe sensit të barazisë para ligjit në pagesën e çdo fature të energjisë elektrike. BB nuk do të financonte për të përmirësuar infrastrukturën e sektorit energjetik nëse qeveria nuk do kishte marrë përsipër të zgjidhje konfliktin ligjor me CEZ dhe të hynte në rrugën e një reforme reale dhe tregonte vendosmërinë që po tregon.

Shoh me habi që ngrihen zëra nga një institucion kaq i rëndësishëm siç është opozita se përse njerëzit po ndëshkohen me burg. Po mirë e kemi sjellë ne masën që kush vjedh shkon në burg apo është një masë që shoqëritë njerëzore kanë rënë dakord qysh kur nuk mbahet mend për të rregulluar bashkëjetesën”, theksoi Rama.

Kryeministri Edi Rama bëri të ditur se qëllimi i qeverisë që ai drejton nuk është të mbretërojë duke qëndruar në pushtet, apo të ketë frikë të kryejë reforma që do kenë kosto elektorale.

“Ajo cfarë po bëjmë sot është të mbjellim më në fund që të arrijmë të korrim dicka tjetër nga pasojat që kemi korrur në 20 vjet.

Jo si qeveritarët dje, shty ta shtyjmë çna duhet ne, jo kjo do na krijojë kosto elektorale, nuk do rrimë dot në pushtet. Në rast se zgjidhja është të rrimë në pushtet duke zgjatur zinxhirin e problemeve, apo duke e këputur zinxhirin e problemeve, ne nuk kemi asnjë dilemë që nuk u përkasim atyre.

Nuk kemi ardhur këtu të mbretërojmë, as deri në fund të jetës, por kemi ardhur për një detyrë të justifikojmë votën në 23 qershor, të udhëheqim dhe jo të udhëhiqemi nga fryma populiste apo nga frika se vendimet e drejta mund të na kushtojnë vota. Jam i bindur se shqiptarët janë gati për të bashkuar energjinë e tyre në funksion të zbatimit të ligjeve të drejta.

Nuk kam pikën e dyshimit se shqiptarët e zakonshëm të dyshojmë se kjo rrumpallë të marrë njëherë e përgjithmonë fund. Ky tranzicion që na është shitur si sukses të marrë fund, që gjithë lëngata të marrë fund. Jo për ta bërë Shqipërinë të dytën pas Gjermanisë se nuk e kemi këtë ambicie, por për ta bërë Shqipërinë të aftë që shfrytëzon pasuritë e veta dhe t’i kthejë në burim fitimi”, theksoi Rama.  /gj.k/

Fevziu shkruan për dashnoret e Ahmet Zogut

11:50 Politika

Anëtarët e rinj të Këshillit Drejtues të RTSH, Kuvendi hap procedurën e zgjedhjes/Peza: Opozita të bëhet pjesë e procesit

11:26 Politika

Marrëdhëniet diplomatike Tiranë-Beograd, “në fije të perit”- A do të ndodhë vërtet takimi Rama-Vuçiç?

10:34 Politika

Nishani: Guvernatorin se propozon kryeministri, por unë. Presidenca s’është butik, ku të negociohet për çmimin

09:57 Politika

Manjani: Nishani që ditën e parë u rreshtua kundër parlamentit për t’i shërbyer PD-së

09:32 Politika

Qeveria firmos sot me BB për 150 milionë dollarë financim për energjinë

09:13 Politika

Dokumenti/ Qeveria miraton projekt buxhetin dhe paketën fiskale për 2015

19:53 Politika

Rama për "Kathimerini”: Serbët kanë mbetur ballkanasit e vjetër. S'ka stanjacion me Greqinë, Samaras e pres në Tiranë

19:48 Politika

Rriten taksat për 200 mijë makina

17:02 Politika

Grupi i vrasjeve me porosi, 38 akuza për 7 të pandehurit

16:24 Politika