Kunati, qarkore kundër dorëzimit të librezave të dritave

Pas kërkesës dashamirëse të parlamentit, që deputetët të dorëzonin pranë Sekretarisë librezat e dritave për të vërtetuar që kishin paguar paratë, Kunati lëshoi një qarkore për gjithë deputetët, ku argumentonte se ku fshihej djallëzia e qeverisë këtu:

“Siç jeni njoftuar, Kuvendi i Shqipërisë, d.m.th dyshja Rama-Meta, kërkon t’iu poshtërojë duke iu kërkuar librezat e dritave.

Edhe pse në pamje të parë është poshtëruese, kjo është e keqja më e vogël.

E keqja më e madhe fshihet tek metodat e Gestapos që kjo qeveri kërkon të aplikojë ndaj nesh.

Duke dorëzuar librezat e energjisë elektrike, së pari ata duan të marrin vesh sa shtëpi kemi.

Me këtë rast, çifti Meta-Rama kërkon të bëjë zhurmë dhe të tërheqë vëmendjen nga hallet e popullit, duke treguar hallet tona.

Ne nuk do ta lejojmë kurrë këtë!

Një tjetër arsye madhore përse çifti Rama-Meta e bën këtë kërkesë, është të na fajësojë ne për mospagesë dritash dhe të fillojë gjuetinë e shtrigave.

Partia Demokratike do të kërkojë ngritjen e një Komisioni Hetimor Parlamentar për të hetuar se çfarë fshihet pas kësaj nisme dhe pse dyshja mafioze Rama-Meta e kanë marrë këtë inciativë.

Në krye të këtij komisioni do caktojmë Ben Ristanin, i vetmi që ua ka përplasur në fytyrë librezën e lokalit vet, që e kishte lidhur nga kabina pa i paguar lekët.

Po kanë këllqe, le të merren me atë.

Partia Demokratike udhëzon gjithë deputetët e saj, që prej ditës së sotme, të caktojnë roje 24 orë tek sahatet e shtëpive dhe të mos lejojnë asnjë elektriçist pa autorizim special të shikojë sahatin.

Si çdo gjë e deputetit, edhe sahati ka imunitet, ndaj askush nuk mund ta dhunojë sa herë i teket dyshes Rama-Meta.

Po ashtu, secili deputet i PD-së duhet të përgatisë një dosje të hollësishme me gjithë presionet që i janë bërë nga OSHEE për pagesat e dritave, me qëllim që t’ia pariaqesim Parlamentit Europian, përmes komisionit hetimor.

E gjithë kjo qëndresë, duhet të bëhet shembull i qëndresës se opozitës kundër pushtetit mafioz që po na qeveris.

Duke mos paguar dritat dhe duke mos treguar faturat, ne do të inkurajojmë miliona shqiptarë të marrin zemër dhe të na bashkohen.

Vetëm kështu ne do të bëjmë opozitë serioze, frymëzuese dhe të prekshme për hallet e popullit.

Shqipëria nuk ka njohur kurrë një qëndresë të tillë kolektive të të gjithë deputetëve të opozitës dhe kjo do jetë burim i madh frymëzimi për masat e gjera punonjëse.

Porosia jonë e vetme është “Mos dorëzoni librezat”.

Aty është kyçi i suksesit tonë dhe mbi të gjitha frymëzimi për qëndresën popullore.

Mbahuni!

Dita e madhe po vjen!

I juaji, Kunati”

Letër Dragoit nga gjyshi Enver

20:22 Antena

Kunati bën gati arsyetimet për milionat e Zenit

18:14 Antena

Pjesë nga seanca gjyqësore ndaj Ermalit

21:22 Antena

Kunati sqarohet për dekoratën e Doris Pack

20:29 Antena

Kunati vonon deklaratën për laboratorin e drogës

18:38 Antena

Telashet e Kunatit me pemët e rrugës së Dajtit

19:24 Antena

Telashet e ambasadorit amerikan në ditën e parë të prezantimit

19:58 Antena

Rama diskuton me Fevzon mbi Charlie në Shqipëri

19:51 Antena

Rrëfimi i Fevzos për ceremoninë e Unitetit në Paris

20:42 Antena

Kunati dhe kryeministri dëshmojnë persekutimin nga Shullazi

18:41 Antena