Te fundit
Faturat e energjisë/PD: OSHEE po gjobit qytetarët pë plotësimin e planit
15 Shkurt 2015, 12:31Politika
TEMA
Partia Demokratike i ka bërë thirrje OSHEE që të respektojë ligjin dhe të mos faturojë qytetarët në mënyrë ofrofe apo duke i detyruar të paguajnë edhe për energji të pakonsumuar.
Koordinatorja demokrate Reila Bozdo ka denoncuar 7 fatura identike për banorët e një pallati në Lac, të ngarkuar me 30 mijë lekë në muaj secili.
Sipas saj, kjo nuk është matje energjie mbi bazën e konsumit, por është urdhër për të gjobitur qytetarët, për të plotësuar planin.
“Çdo ditë zbulohen raste të reja të arbitraritetit të qeverisë ndaj qytetarëve në faturimin e energjisë.
Sa më shumë bën propagandë Edi Rama në salla me regji, aq më shumë bie poshtë ajo në realitet, atje ku OSHEE sillet si bandë keqbërëse ndaj konsumatorëve e familjarëve.
A mund të ndodhë që 7 familje të një lagjeje, madje të një pallati, të kenë shpenzuar për muajin dhjetor-janar, të njëjtën sasi energjie, prej 300 mijë lekë secili.
Po, kjo mund të ndodhë me OSHEE-në e Edi Ramës.
Ja ku kemi këtu 7 fatura identike, edhe me shifrat pas presjes për 7 familje në qytetin e Lacit.
Eshtë e qartë se kjo nuk është matje energjie mbi bazën e konsumit.
Eshtë urdhër për të gjobitur qytetarët, për të plotësuar planin.
Eshtë sjellja tipike e keqbërësve të OSHEE, të cilët po ndjekin direktivën për të rrjepur qytetarët deri në qindarkën e fundit, për të mbuluar keqmenaxhimin, dështimin, dhe vjedhjet e mëdha që po bëjnë qeveritarët me energjinë.
Janë me qindra e me mijëra fatura si këto në gjithë vendin. Ky është ndëshkim, asgjë tjetër.
Del e flet për falje e raporte me qytetarin, por ja cila është e vërteta.
Partia Demokratike i kërkon qytetarëve të ankimojnë e të kundërshtojnë me cdo mjet të ligjshëm deri në fund të tilla abuzime.
E paralajmërojmë OSHEE-në, e cila merret cdo ditë me propagandë dhe është kthyer në një zyrë sulmi ndaj opozitës, të zbatojë ligjin.
Cdo abuzim e keqtrajtim i qytetarëve sot, janë një provë mbi të cilën ata do të japin nesër llogari, secili, nga i pari tek i fundit”, tha Bozdo. /gj.k/
2 komente në “Faturat e energjisë/PD: OSHEE po gjobit qytetarët pë plotësimin e planit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te prononcohet OSSHE dhe te pranoje abuzimin nese ka vepruar me tarifim afrofe. Te sqarohet nese keto familje kane matesa funksionale te energjise, nese po, te shkarkohen lexuesit e matesve! Te flase shteti!
Kur shikon Ezelin..e flet nga maja plehut…ca eshte???