Tahiri kërkon ndihmë në SHBA për luftën kundër terrorizmit

Gjatë punimeve të Samitit kundër terrorizmit që po mbahet në Shtetet e Bashkuara të Amerikës, Ministri i Brendshëm Saimir Tahiri u takua me Kreun e Byrosë kundër Terrorizmit në Departamentin e Shtetit, znj. Tina Kaidanow.

Ministri Tahiri informoi Kaidanow lidhur me masat e marra nga Shqipëria në lidhje me ekstremizmin e dhunshëm, radikalizmin dhe terrorizmin.

Sipas zyrës së shtypit, Ambasadorja Kaidanow theksoi se Shqipëria ka bërë një punë të jashtëzakonshme duke filluar nga hetimet dhe procedimet penale, si dhe amendimet ligjore në këtë fushë. Ajo vlerësoi angazhimin e madh të Shqipërisë në luftën kundër terrorizmit, së bashku me partnerët ndërkombëtarë.

Ministri i Brendëshm kërkoi mbështetjen e Byrosë Kundër Terrorizmit, për Drejtorinë Antiterror të sapo-ngritur në Policinë e Shtetit në Shqipëri.

Znj. Kaidanow u shpreh e gatshme për të filluar menjëherë një program intensiv për mbështetjen paraprake, por edhe më gjerë për këtë njësi.

Gjithashtu ministri Tahiri i prezantoi Ambasadores Kaidanow propozimin e tij, bërë në samitin e mbajtur në Beograd, për nevojën e përpjekjeve të përbashkëta rajonale, si e vetmja rrugë për të luftuar terrorizmin.

Znj. Kaidanow mbështeti këtë ide dhe shkoi më tej duke shprehur nevojën për ngritjen e një Task-force rajonale, për hetime të përbashkëta. Ambasadorja i shprehu ministrit Tahiri interesin e Shteteve të Bashkuara për të mbështetur iniciativa të fokusuara dhe productive, për përpjekje të përbashkëta rajonale.

Kaidanow ka qenë më herët ambasadore e SHBA-ve në Kosovë dhe është një njohëse e mirë e zhvillimeve rajonale në Ballkanin Perëndimor.

Zoti ministër, këta po vjedhin...

09:34 Kronika

Njeriu që i vuri lakun monumentit të Enver Hoxhës, dorëzon medaljen “Pishtar i Demokracisë”: Kjo nuk është Shqipëria që ëndërruam

09:15 Kronika

Vjedhja e thesarit/ Gjykata jep vendimin për 10 nga të akuzuarit

12:47 Kronika

Krujë/ E qëllojnë me çifte në banesë dhe i lënë një mesazh: “Largohu kaur”

09:50 Kronika

Vlorë/ AKKP procedim penal 32 personave. Tjetërsuan pronat shtetërore me dokumenta fallco

16:59 Kronika

Gjykata e Lartë është akoma në 2013-n, 11 mijë dosje në pritje

16:21 Kronika

Mosdeklarimi i pasurisë/ ILDKPI gjobit 17 zyrtarë

16:19 Kronika

Fier/ 30-vjeçari tenton të vrasë bashkëfshatarin për kullotën e deleve, të qarat e fëmijës shpëtojnë të atin

15:33 Kronika

Zaganjori: Një shtet pa siguri, jo më i mirë se diktatura

12:51 Kronika

Pronari i “Ecuador” në Sarandë qëllohet me thikë nga 5 persona, iu ka shpëtuar disa atentateve më parë

10:18 Kronika