Te fundit
Arrestimi i Genci Sefës, tre javë më parë ishte pranë familjes në Lushnjë
12 Maj 2015, 13:36Kronika
TEMA
Familja e Genci Sefës, i arrestuar në Kumanovë si pjesëmarrës në luftime, jeton në Lushnje. Prindërit, vëllezërit dhe të afërmit e tij më të ngushtë janë në fshatin Delisufaj të komunës Allkaj.
Ata refuzojnë në mënyrë kategorike të komentojnë për mediat ngjarjen e ndodhur, ndërsa fqinjët në lagjen ku ai u rrit tregojnë historinë e tij.
Ish-emigrant në Greqi, Genci Sefa në vitin 1998 shkoi në Kosovë për të luftuar dhe mbeti atje duke krijuar edhe familje.
Tre javë para ngjarjes në Kumanovë, ai vizitoi familjen e tij në Lushnjë, raporton TCH.
“Banor i fshatit tonë, ka ikur në kohën e luftës në Kosovë për të luftuar, është martuar me një kosovare dhe ka një fëmijë. Vjen herë pas here këtu. Nuk di gjë për arrestimin e tij në Maqedoni”, thotë një prej fqinjëve.
“I bëjmë thirrje shtetit tonë që ta kërkojë. Qeveria jonë, bashkë me shtetin ku është ai duhet të bëjnë diçka që të mos e lënë në burg”, thotë një tjetër.
Sefa është i arrestuar nga policia maqedonase.
Ai mendohet të jetë pjesë e grupit që u dorëzua pas 16 orë luftimesh të ashpra, ku mbetën të vrarë 22 persona.
2 komente në “Arrestimi i Genci Sefës, tre javë më parë ishte pranë familjes në Lushnjë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ça te kerkoje qeveria o kar?! e ke ne fotografi majtas, djathtas, lart e poshte!
po deri tani gjume keni fjetur le te bredhe ku te doje dhe tani e ka detyre qeveria ta gjej haha