Te fundit
Çako takohet me Miller: Mbështetja e ICITAP mjaft e rëndësishme për Policinë e Shtetit
11 Maj 2015, 14:42Kronika
TEMA
Drejtori i Përgjithshëm i Policisë së Shtetit, Haki Çako është takuar me drejtorin e Përgjithshëm të ICITAP në SHBA, Richard Miller. Ai falenderoi z. Miller për mbështetjen që ICITAP ka dhënë dhe po jep për policinë shqiptare në zhvillimin e teknologjisë dhe informacionit.
“Ne jemi te fokusuar dhe të orientuar në drejtim të luftës kundër krimit të organizuar, terrorizmit, krimit ekonomik, atij kibernetik, korrupsionit, trafiqeve të paligjshme të qenieve njerëzore e lëndëve narkotike”, tha Çako.
Gjithashtu ai ka vlerësuar si mjaft të rëndësishëm edhe mbështetjen e dhënë nga ICITAP për zhvillimin e teknologjisë dhe informacionit, në Policinë e Shtetit.
Aktualisht, bashkëpunimi me ICITAP-in konsiston në rritjen e aftësisë së shkëmbimit të informacionit, trajnimit të policisë në luftën kundër krimit të organizuar, menaxhimit të integruar të kufijve, ngritjen e Byrosë Kombëtare të Hetimit dhe atë të Drejtorisë Antiterror.
Miller, nga ana e tij, vlerësoi punën e policisë shqiptare dhe shprehu mbështetjen e tij për bashkëpunimin e mëtejshëm mes ICITAP-it dhe Policisë së Shtetit.
Lini një Përgjigje
Më të lexuarat
24 oret e fundit
Javen e fundit
Blog Tema
