Te fundit
Shteti Islamik pushton qytetin antik Palmira
21 Maj 2015, 17:10Bota
TEMA
Militantët e Shtetit Islamik kanë marrë nën kontroll qytetin antik të Sirisë, Palmira – një fitore kjo e madhe për grupin vetëm pak ditë pasi i njëjti ka pushtuar qytetin strategjik Ramadi, në Irak.
Rrënojat në Palmira janë ndër lokacionet më të famshme historke në botë dhe ekziston frika se ekstremistët do t’i shkatërrojnë ato, ashtu siç kanë bërë me shumë vende arkeologjike në Irak.
Palmira, qytet nën mbrojtjen e UNESCO-s, është e njohur për galeritë 2,000-vjeçare të epokës romake dhe për artefakte të vlefshme. Para luftës, mijëra turistë në vit e vizitonin atë.
Rënia e qytetit në duart e militantëve të Shtetit Islamik, pas një javë luftimesh, është një humbje e madhe për qeverinë, jo vetëm për shkak të rëndësisë së tij kulturore, por edhe për faktin se ai u hap rrugën ekstremistëve që të avancojnë në zonat që kontrollohen nga qeveria, përfshirë Damakun dhe bregdetin sirian në jug.
Pranë Palmirës ka po ashtu fusha të rëndësishme të gazit dhe naftës.
Me rënien e Palmirës, Shteti Islamik kontrollon rreth 40 për qind të Sirisë dhe pothuajse të gjitha fushat e naftës, të cilat janë një burim i madh i të ardhurave për grupin militant.
“Jam i tmerruar”, ka thënë drejtor i përgjithshëm i muzeve në Siri, Maamoun Abdulkarim, për të shtuar se Shteti Islamik do që të shënojë fitore kundër qytetërimit, duke shkatërruar rrënojat e lashta.
Rënia e Palmirës vetëm disa ditë pasi militantët e Shtetit Islamik kanë marrë nën kontroll Ramadin e Irakut tregon aftësitë e ekstremistëve për të përparuar në fronte të ndryshme.
Ajo po ashtu hedh poshtë pohimet se humbjet e fundit të Shtetit Islamik në Tikrit dhe gjetkë i kanë dhënë goditje të madhe grupit.
Vëzhguesi Sirian i të Drejtave të Njeriut ka raportiuar se forcat qeveritare kanë kolapsuar përballë sulmeve të Shtetit Islamik dhe janë tërhequr nga qyteti të mërkurën vonë. Beibares Tellawi, aktivist në provincën Homs, ka konfirmuar se ekstremistët kanë nën kontroll Palmirën.
Ai ka thënë se militantët kanë arritur në burgun famëkeq Tadmur, ku mijëra disidentë sirianë janë burgosur dhe torturuar për vite të tëra. Ditë më parë, qeveria ka evakuuar ata që i ka konsideruar si të burgosur të rëndësishëm, por fati i rreth 1,000 të burgosurve të tjerë mbetet ende i panjohur.
Televizioni shtetëror sirian ka raportuar se forcat pro-qeveritare janë tërhequr nga Palmira, ndërsa agjencia e lajmeve Aamaq, që është e lidhur me Shtetin Islamik, ka thënë se qyteti “është nën kontrollin e plotë të luftëtarëve të Shtetit Islamik”.
Militantët po ashtu kanë marrë kontrollin e fushës së naftës Jazl në Homs, ka raportuar Aamaq.
9 komente në “Shteti Islamik pushton qytetin antik Palmira”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ku shkel turku (sunitet) nuk mbin bari!
Ade se shpejti ne Kosovo dhe Shqiperi……………virgjereshat sunite po ju presin,mes tyre edhe Zike bithcpuari!
Krimi fazhdon kryen krime. Gjynah.
Sa ti kercenoje Rama do terhiqen menjehere ,keni per te pare !
Po shkatrojne kulturen arabe. Nuk e di kujt i intereson kjo. Popujt e vjeter po zhduken, kultura e tyre po prishet.
Kulture do ngelen celularet, interneti, prostitutat ne cdo fushe.
Stop shkaterimit te kultures arabe.
Nuk eshte kulture arabe por jane rrenoja romake. Ne ato kohe arabet as qe ishin formuar si gen. Gjynah te shkaterrohet gjithe ajo treashegimi boterore per faj te ca mjekercjapve qe vuajne nga impotenca mendore dhe fizike!
A thua te shkaterrojne edhe Palmiren, qyteti ku lindi dhe jetoj Eruditi? Nje barbari te ciles sa nuk eshte vone i duhet vene fre. Vetem nje intervencion i vete botes arabe do te sillte normalitetin e nevojshem dhe do te shfaroste pa meshire kete kuceder mesjetare.
Ate qe dhe koha nuk arriti te beje, e ben ligesia njerezore per nje cast. Dhe yjet rrijne e veshtrojne.
Po pse Albanistani me mijera xhami nuk eshte fatkeqesi e Madhe!