Te fundit
Lezhë, surpriza e Këshillit bashkiak Partia “Ora e Shqipërisë” merr 5 mandate
26 Qershor 2015, 13:46Politika
TEMA
Eshtë mbyllur numërimi i votave për anetarët e Këshillit Bashkiak të Lezhës qe ka shpallur fitues kualicionin e majtë që ka marrë 22 mandate, ndërsa te djathtet kanë marrë 18 mandate dhe 1 mandat ka shkuar për socialdemokratet që garuan jashtë koalicionëve.
Surpriza e këtyre zgjedhjëve vendore mbetet Partia Ora e Shqipërisë e cila arriti të marre 5 mandate për Këshillin Bashkiak, aq sa në fakt është edhe numri i mandatëve që ka kryesuesja e koalicionit të majtë Partia Socialiste, ndërsa e ka detyruar Lëvizjen Socialiste për Integrim që të rënditet si force e katërt politike në Lezhë me vetëm 4 mandate.
Ky konfigurim duket se do të sjellë probleme në qeverisjen e demokratit Fran Frrokaj si kryetar i ri i Bashkisë Lezhë, por të djathtet janë optimiste për ndryshimin e balancave pas konstituimit të këtij këshilli, raporton Ora News.
Burime konfidenciale kanë bërë të ditur se të pakten 5 është numri i keshilltarëve të koalicionit të majtë që do ti bashkohen të djathtëve për tu dhënë atyre shumicen në këshill.
Sipas këtyre burimeve 2 keshilltarët e Partise për Drejtësi, Integrim dhe Unitet të Shpëtim Idrizit, 2 të Partisë Socialiste të Moderuar që drejtohet nga Gjergj Koja si dhe keshilltari i demokristianeve të Nard Ndokes do të jenë lëvizjet e para drejt koalicionit të djathtë, gjë e cila do të krijoje një balance të re në Këshillin Bashkiak të Lezhës.
Ndryshimi i konfigurimit të kualicioneve politike do ti krijoje më tepër hapsirë veprimi kreut të sapozgjedhur të bashkise Fran Frrokaj, i cili ne fakt ka deklaruar se do të kërkojnë unifikimin e qëndrimit të Këshillit Bashkiak të Lezhës për investimet e nevojshme që do ti duhen çdo zone, dhe që bashkarisht të mund te jenë zëri i zgjidhjes së problemeve që kanë banorët që i kane votëbesuar.
Në përbërjen e re të Këshillit Bashkiak të Lezhës prej 41 anetaresh, shumica prej tyre vinë për herë të parë si anëtarë këshilli, ndërsa shumë figura se nga e djathta ashtu edhe nga e majta në Lezhë kanë mbetur jashtë listes fituese.
2 komente në “Lezhë, surpriza e Këshillit bashkiak Partia “Ora e Shqipërisë” merr 5 mandate”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Haha ora e shqiperise vetem me fb mori 5 mandate ne lezhe.jane te djathte mbeshtetenb nga pd
S’ka rendesi partia, po emrat ne liste. Kane punuar shume mire keta ne c’do aspekt, nga lidhjet familjare, respekti ndaj votuesve deri tek leku e organizimi.