Çështja e detit me Greqinë/ Bushati: Do e zgjidhim sipas të drejtës ndërkombëtare

Ministri i Jashtëm i Shqipërisë, Ditmir Bushati, pas takimit me homologun grek theksoi se janë shqyrtuar të gjitha çështjet që konsiderohen pjesë e axhendës dypalëshe ose si pjesë të dosjes tonë diplomatike, “nga çështjet e vjetra e deri të problematikat e përditshmërisë”.

Ministri Bushati theksoi se dy vendet tona duhet të investojnë të fryma e besimit në mënyrë që përmes dialogut të tejkalohen pengesat e së kaluarës.

Ministri i Jashtëm Bushati tha se biseda për çështjet e dosjes diplomatike mes dy vendeve është zhvilluar në një klimë të mirë, por vuri theksin se nëse nuk do të gjendet konsensus për çështjet që i ndajnë Shqipërinë dhe Greqinë, siç është çështja e detit, do të kërkohet adresimi i tyre brenda normave të së drejtës ndërkombëtare.

“Vlerësojmë se vetëm përmes dialogut dhe bisedimeve mund të tejkalojmë pengesat e të kaluarës. Është nevoja që të investojmë tek fryma e besimit, pasi për ne të qenurit fqinj do të thotë se marrëdhëniet tona janë më shumë se të nevojshme, janë të domosdoshme,. Edhe pse marrëdhëniet mund të kenë pasur dritë-hije, përpjekjet për të gjetur një klime më të mirë duhet të jenë të qëndrueshme. Vizita të tilla krijojnë pritshmëri të natyrshme për opinionin publike. Mund t’ju them se kemi biseduar me homologun Kotzias në një mënyrë të sinqertë të drejtpërdrejtë për të gjitha ato çështje që i konsiderojmë si pjesë të axhendës tonë dypalëshe ose si pjesë të dosjes tonë diplomatike, nga çështjet e vjetra e deri të problematikat e përditshmërisë.

Nuk jemi mjaftuar thjesht tek ballafaqimi i qëndrimeve tona, por jemi munduar të skicojmë edhe zgjidhje të mundshme. Ne do të adresojmë zgjidhjen e tyre brenda normave të se drejtës ndërkombëtare, pasi jemi dy vende anëtarë të NATO-s, dhe një vend që aspiron të jetë anëtar në BE. Inkurajojmë Greqinë të vijojë më qasjen e saj konstruktive në rajon. Kemi inkurajuar dhe mbështesim vizitën e ministrit të Jashtëm grek në Kosovë, dhe në këtë drejtim do të inkurajonim njohjen e realitetit të Kosovës në një të ardhme sa më të afërt nga ana e Greqisë”, tha Bushati.

Ministri i Jashtëm shqiptar u ndal edhe tek situata ekonomike në Greqi, duke u shprehur se “çështja ekonomike me të cilën përballet fqinji ynë, është një çështje që e shohim edhe ne me rëndësi për vetë pozicionim strategjik që ka Greqia. Urojmë që situata të tejkalohet sa më shpejt tashmë me arritjen e marrëveshjes, për qytetarët grekë, por edhe për qytetarët shqiptarë që jetojnë e punojnë atje. Greqia ka miratuar ligjin për nënshtetësinë e fëmijëve që kanë lindur atje. Do rishikojmë traktatin ekzistues të miqësisë, që do na ndihmojnë të zgjidhnim problematikat sipas frymës së re në rajon”.

Nga ana tjetër, Bushati pohoi se Greqia ashtu sikur dhe Shqipëria është një vend që zbaton të drejtën ndërkombëtare.

“Kemi një interes strategjik që është harmonia fetare. kemi konceptet dhe strategjitë e Bashkimit Europian për makro-rajonet. Greqia është një vend që respekton po ashtu si ne, parimet e të drejtës ndërkombëtare. Pikat tona të përbashkëta janë më të mëdha sesa ato që na ndajnë, kjo për të pasur një klimë pozitive në politikë. Më pas, secila mund të ishte kjo zgjidhje, mund t’ju them se edhe për shkak të profesioneve respektive dhe skuadrave që janë në Ministrinë e Jashtme greke apo dhe atë shqiptare, nuk është një periudhë që është në zbrazëti. Mund të shkohet drejt një gjuhe të përbashkët.”, tha Bushati

Kotzias: Nuk ekziston një ligj lufte për Shqipërinë. Çështja çame? Kush ka probleme me pronat t'i zgjidh në gjykatat greke

12:54 Rajoni

Ministri i Jashtëm grek e "pagëzon" Ditmir Bushatin me emrin grek, Dhimitër: S'ekziston një ligj lufte për Shqipërinë

12:41 Rajoni

VIDEO/ Një marrëveshje që ka edhe gjak brenda

10:29 Rajoni

Aeroporte, plazhe dhe hekurudha: Çfarë duhet të shesë tani Greqia?

10:02 Rajoni

As marrëveshja e fundit s’mund ta shpëtojë Greqinë, Tsipras kërkon “falje”

09:20 Rajoni

Kthesa 180 gradë e Aleksis Tsipras

20:09 Rajoni

Greqia, afër njohjes së Kosovës

19:30 Rajoni

Të shpëtosh Greqinë do të thotë të shpëtosh Europën

19:00 Rajoni

Ku është Jankullovska?

13:30 Rajoni

FOTO/ Flet personi që qëlloi Vuçiç me gurë: Më është bërë jeta ferr

12:42 Rajoni