Konstituohet këshilli bashkiak i Skraparit/Meta: Punoni së bashku për të ardhmen e qytetarëve

Kryetari i Kuvendit Ilir Meta mori pjesë në konstituimin e Bashkisë së re të Skraparit pas fitores së kandidatit të Aleancës për Shqipërinë Europiane, Nesim Spahiu në zgjedhjet vendore të 21 qershorit.

I pranishëm në këtë aktivitet që shënoi edhe mbledhjen e parë të këshillit bashkiak ishte edhe Ministri i Drejtësisë Nasip Naço si edhe Prefekti i Qarkut të Beratit, Çlirim Brisku.

Gjatë kësaj mbledhje të parë të këshillit bashkiak, kryetari i ri i Bashkisë së Skraparit, Nesim Spahiu bëri betimin e tij ashtu si edhe anëtarët rinj të këshillit.

Kryetari i ri i këshillit bashkiak u zgjodh me konsensus, Luan Çuedari, i propozuar nga Lëvizja Socialiste për Integrim.

Nënkryetare e këshillit bashkiak u zgjodh gjithashtu me konsensus pas votimit, Flora Çela, e propozuar nga Partia Socialiste.

Duke marrë fjalën gjatë mbledhjes, Meta tha se bashkia e re, pas reformës territoriale ka mundësi të reja për progres ekonomik dhe social, duke premtuar se Skrapari do të kthehet në një qendër turizmi dhe agro­turizmi.

“Besoj shumë edhe tek vullneti i kryetari të ri të Bashkisë Skrapar për të punuar ngushtë me këshillin e ri dhe me të gjithë anëtarët e tij në mënyrë që Bashkia e re e Skraparit të jetë një ndër modelet më të suksesshme në të gjithë vendin për të arritur atë objektiv kryesor që kishte dhe që ka reforma administrative-territoriale për ne, por sidomos për të gjithë komunitetin që është garantimi i shërbimeve të reja të një niveli të lartë dhe në mënyrë të veçantë, mundësitë në rritje për punësimin e të rinjve e të rejave në këto zona dhe gjithë banorëve të tjerë në mënyrë që gjithnjë e më shumë, fëmijët tuaj ta shohin të ardhmen në mundësitë jo të pakta që gjithnjë e më shumë Skrapari ofron për të ardhmen e tij”, tha Kryetari i Kuvendit.

Më tej, Meta u kërkoi anëtarëve të këshillit që të punojnë bashkë për projektet e nisura dhe ka kthejnë Bashkinë e Skraparit në një shembull dhe në një vend që ofron të ardhme.

“Ndaj unë besoj se duke punuar të gjithë së bashku, duke vazhduar në rrugën e përfundimit të shumë projekteve të nisura dhe duke ecur në rrugën e hartimit dhe realizimit të shumë projekteve të reja, ne do të bëjmë të mundur që në fund të katër viteve, Bashkia e Skraparit të jetë vërtet një shembull në të gjithë vendin se si, edhe një bashki e cila është larg qendrave kryesore të zhvillimit urban të vendit, ofron të ardhme, ofron mundësi, ofron besim dhe mbi të gjitha padyshim që ofron një model të bashkëpunimit dhe të bashkëjetesës midis të gjithë banorëve të saj, midis të gjithë forcave politike dhe unë besoj se kjo është shumë e rëndësishme sidomos kur bëhet fjala për të zgjidhur problemet e komunitetit”, theksoi Meta.

Ligji për Arsimin e Lartë/Rama: Shteti do të mbështesë fëmijët e familjeve të varfëra për të kryer studimet

13:29 Politika

FOTOT/ Ja kush janë dy të rinjtë shqiptarë që vranë 17-vjeçarin në Itali: E ftuam për t’u larë në lumë dhe e vramë

13:19 Politika

Ligji për Arsimin e Lartë/Basha: Presidenti dhe Gjykata Kushtetuese, rrugët për kthimin e ligjit

13:12 Politika

FOTOT/ Efekti Berisha te Rama

12:11 Politika

Braçe: PS, difektoze në bazë, duhet nisur atje korrigjimi. Kryetar i ri? Nuk kemi pse përsëritim pasojat e 2001-shit (VIDEO)

12:41 Politika

Alfred Lela replikon me Çim Pekën: Qimi që don të bëhet tra

10:37 Politika

Historia tronditëse e 14-vjeçares që u mbyt rrugës për në Greqi dhe ëndrra e saj e madhe

10:27 Politika

DËSHMIA/ Saimir Tahiri: “Çështja” Doshi mund të jetë shpikur për të mbuluar vrasjen e Artan Santos

10:02 Politika

Kuvendi miraton me 78 vota pro ligjin për arsimin e lartë, opozita ikën

06:58 Politika

Pse 'luanesha" Topalli bën thirrje për luftë?

08:57 Politika