Te fundit
Korfuz, dështon tentativa për arratisje e 25 të dënuarve me burg të përjetshëm
16 Gusht 2015, 19:07Rajoni
TEMA
Autoritetet greke kanë shmangur një arratisje nga burgu i sigurisë së lartë në ishullin e Korfuzit.
Siç rrëfejnë ata vetë, plani për largimin e të paktën 25 të dënuarve me burgim të përjetshëm nga burgu më famëkeq në Greqi, është zbuluar fare rastësisht.
Sipas policisë së Korfuzit, ka qenë një kalimtar i rastit që po kalonte në rrugën jashtë burgut, i cili u tha gardianëve se qeni i tij kishte zbuluar një vrimë të vogël në rrugicën pranë dhe se nga nëntoka dëgjohej zhurmë gërmimi, raporton TCH.
Pak çaste më vonë, qindra forca policore bllokuan zonën, ndërsa brenda godinës rojet zbuluan galerinë e nëndheshme prej 15 metrash, që të nxirrte në një pyll të vogël jashtë burgut.
Nën krevatet e të gjitha qelive të zonës “Z” të burgut u gjetën sasi të mëdha dheu, që të burgosurit e kishin depozituar për të mos e parë rojet. Në këtë zonë të burgut mbahen disa nga të dënuarit më të rrezikshëm të sistemit penitenciar të Greqisë, kryesisht të dënuar me burgim të përjetshëm, ose mbi 25 vite burg për krime të rënda.
Koka e këtij plani dyshohet se është një i dënuar grek nga Larisa, ndërsa në listën e atyre që dyshohet se do të arratiseshin ndodhen grekë, disa shqiptarë, një turk dhe një sirian.
Policia thotë se, ata do të shfrytëzonin praninë e mijëra turistëve, që vizitojnë ishullin grek të Korfuzit për pushimet e verës, për t’u larguar nga ishulli pa u kapur prej policisë. Kjo është tentativa e dytë për arratisjen nga burgu i Korfuzit.
Edhe para 19 vitesh, 40 të dënuar shqiptarë ishin arratisur në të njëjtën mënyrë nga qelitë e tij, por që të gjithë u kapën brenda pak ditësh.
Burgu i Korfuzit konsiderohet si institucioni më famëkeq në Greqi. Ai është ndërtuar në vitet 1800 dhe shumica e qelive të tij ndodhen nën nivelin e detit, me lagështirë të lartë, mungesë ajrimi dhe kushte që konsiderohen çnjerëzore.
Ekspertë të organizmave ndërkombëtarë që e kanë vizituar atë, e krahasojnë me një ferr të vërtetë. Në këtë burg dërgohen kryesisht të dënuar për vepra të rënda penale. Midis tyre ndodhen edhe shumë shqiptarë.
2 komente në “Korfuz, dështon tentativa për arratisje e 25 të dënuarve me burg të përjetshëm”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Të lindësh.,dhe të vuash përjetsisht.,do të thot të mallkosh gjithësinë
Hahahaha. Vetem enveri kishte burgje