Me temp të shpejtë: Politika e azilit në Gjermani ndryshon

Më pak se një javë pas samitit të Berlinit për refugjatët, kabineti qeveritar gjerman vendosi të martën në Berlin shpalljen e tre vendeve të tjera të Ballkanit si “vende të sigurta origjine”, pra Shqipërisë, Kosovës e Malit të Zi, në kuadrin e një pakete ligjore që parasheh ndryshime në politikën e azilit dhe të refugjatëve. Me këtë hap derdhet në ligj ujdia e arritur në samitin e para pak ditëve për refugjatët mes federatës dhe landeve, ku ndër të tjera u ra dakord për shpërndarjen e shpenzimeve për sfidën e refugjatëve, si edhe akomodimin dhe kujdesin shëndetësor për ta. Në këtë samit u ra në ujdi për shpalljen e Shqipërisë, Kosovës dhe Malit të Zi si vende të sigurta origjine, gjë që do të shkojë paralelisht me shkurtimin e asistencave për këto grupe refugjatësh.

Për qeverinë gjermane refugjatët që vijnë nga Shqipëria, Kosova dhe Mali i Zi nuk janë të përndjekur politikisht. Por për miratimin e paketës së re ligjore qeveria e Unionit CDU/CSU dhe socialdemokratëve duhet të marrë edhe miratimin e Të Gjelbërve në Këshillin Federal. Dy nga landet e bashkëqeverisura me Të Gjelbrit duhet të thonë së paku Po. Sinjalet janë që kësaj here qeveria do të marrën miratimin e Këshillit Federal për shpalljen e Shqipërisë, Kosovës dhe Malit të Zi si vende të sigurta origjine.

Ndër të tjera paketa e re ligjore parasheh rregulla më të ashpra për azilin, procedura të përshpejtuara azili, dhe rritje të fondeve të federatës për landet për përballimin e numrit të lartë të refugjatëve. Për shkak të valës pa ndalim të refugjatëve, qeveria gjermane po vepron me shpejtësi. Paketa ligjore e kabinetit do të diskutohet së shpejti në Bundestag, ndërsa në fillim të tetorit do të vuloset në parlamentet e landeve. Ligjet e reja pritet që të hyjnë në fuqi më 1 nëntor. Federata ka premtuar angazhimin financiar afatgjatë për refugjatët. Deri më tani barra financiare është përballuar nga landet dhe komunat. Nga viti 2016 federata do të paguajë për azilkërkuesit një shumë fikse prej 670 eurosh për refugjat tek landet. Edhe ngritja e qendrave të reja për azilkërkuesit parashihet të lehtësohet nga pengesat burokratike. Federata këtu pritet të angazhohet me 500 milionë euro.

Në bazë të rregulloreve të reja refugjatët në qendrat e pranimit në të ardhmen do të marrin vetëm “aq sa është e mundur” shërbime materiale. Në rast pagese me para në dorë, kërkohet paradhënia vetëm për një muaj. Nëse për disa grupe azilkërkuesish parashihen shkurtime të dukshme të asistencave, për azilkërkuesit me shanse pranimi të azilit do të synohet integrimi më i shpejtë përmes ndjekjes së kurseve të gjuhës.

Obama dhe Putin bien dakord të sulmojnë ISIS, por cila është strategjia e Rusisë?

16:33 Bota

E vërteta e vdekjes misterioze të kryespiunit britanik: U ekzekutua nga KGB pasi refuzoi të bëhej agjent i dyfishtë

13:09 Bota

Konflikte mes azilkërkuesve: Politikanët gjermanë kërkojnë ndarjen e myslimanëve dhe të krishterëve

20:58 Bota

NASA zbulon se në Mars "rrjedh" ujë

16:58 Bota

Trump mbështet Putin: Le të luftojë Rusia në Siri

16:28 Bota

VIDEO/ Deputeti i vjedh iPadin kolegut: E bëra pa dashje...

15:15 Bota

Vodhi prezervativë, babai mysliman mbyt të bijën 19-vjeçare dhe e hedh në rrugë

14:27 Bota

RREFIMI/ Të jetosh me litar në fyt! Historia e trishtë e Muhamedit

13:24 Bota

Një takim i sikletshëm Obama-Putin

11:14 Bota

Pse ndodhin tragjedi si ajo e Mekës?

18:17 Bota