Burgu i Spaçit përshihet në listën e monumenteve të rrezikuara në botë

Fondi Botëror i Monumenteve përfshin në listën e objekteve të rrezikuara burgun e Spaçit. Pas alarmit që vjen nga kjo organizatë ndërkombëtare, drejtori i Institutit për Krimet e Komunizmit Agron Tufa i bën thirrje qeverisë të marrë masat urgjente dhe të nisë punën për restaurimin e këtij burgu të periudhës së komunizmit.

Thirrjet e vazhdueshme për të restauruar burgun e Spaçit dhe për ta kthyer në muze duket se vazhdojnë të bien në vesh të shurdhër, pasi rrënimi i tij vazhdon nga dita në ditë.

Për këtë arsye Fondi Botëror i Monumenteve një organizatë e përkushtuar për ruajtjen e vendeve unike kulturore ka përfshirë në listë Burgun e Spaçit, duke cilësuar se pavarësisht se është në një gjendje të avancuar përkeqësimi, meriton të transformohet në një vend modern kujtese, raporton Ora News.
Pas përfshirjes së burgut të Spaçit në këtë listë instituti për krimet e komunizmit ka dy propozime për qeverinë shqiptare:

 “Rruga paralele është ndërhyrja menjëherë urgjente e shtetit ndëpërmjet pllakave memoriale që këto objekte të mos preken mundësisht duke caktuar edhe roje të paguara për këtë punë. E dyta e pandashme me të është vendosja e një ligji mbi memorien historike të specifikuar kryesisht për burgjet dhe kampet e përqëndrimit”, thotë Agron Tufa.

Sipas organizatës Trashëgimia Kulturore pa kufij, përfshirja në listën e Fondit Botëror të Monumenteve përfaqëson një mundësi unike për promovimin dhe ruajtjen e tij, veçanërisht duke e ekspozuar kampin dhe çështjet e ndërlidhura me të në vëmendjen kombëtare dhe ndërkombëtare të specialistëve, mbështetësve dhe donatorëve.

Ditën e premte në lidhje me këtë çështje do të organizohet një takim me shoqërinë civile dhe grupet e interesit .

FOTOT/ Gjendet në Athinë dyfeku i rrallë prej ari, i Ali Pashë Tepelenës

17:58 Kulturë

Tare: Reliket e Luftës së Parë Botërore, pjesë e pasurisë së trashëgimisë sonë

15:55 Kulturë

Tirana e vitit 1921, nga Rruga e “Këpucbamësve”, tek ajo e “Fiqve”

18:47 Kulturë

Burgu i Spaçit në Listën e Fondit Botëror të Monumenteve për Vitin 2016

12:53 Kulturë

REPORTAZHI/ Jeta si në epokën e gurit mes Tiranës, Elbasanit dhe Peqinit

20:18 Kulturë

Bota e panjohur tiranase e Nënë Terezës

17:03 Kulturë

Shqipëria në Expo Milano, Ahmetaj: Një mundësi e shkëlqyer për prezantimin e vlerave dhe kulturës

14:21 Kulturë

FOTOT SKANDALOZE/ Shtëpia e Gjergj Fishtës, magazinë për kallamishtet e misrit

10:46 Kulturë

Letrat e panjohura të Ernest Koliqit: Enveri po e shqyen kombin, ne bamë Shqipninë e madhe

17:26 Kulturë

"Big Ben" do tu kushtojë britanikëve, 29 milionë paund

17:00 Kulturë