Dy ditë pas atentateve të përgjakshme në Paris është gjetur një veturë e zezë e markës Seat. Këtë veturë atentatorët mendohet se e kanë përdorur në sulmet e tyre ndaj kafeneve dhe restoranteve. Automjeti u gjet në periferinë lindore të Parisit, Montreuil dhe në të ndodheshin disa kalashnikovë. Armë si këto i patën përdorur atentatorët në Paris.

Prokurori i Parisit, François Molins bëri të ditur se sipas dëshmitarëve sulmuesit patën përdorur një Seat të zi, kur hapën zjarr të premten në orën 21:32 në një bar në Rue de Fontaine au Roi dhe në orën 21:36 në një restorant në Rue de Charonne

Sipas vlerësimit të policisë, gjetja e veturës do të thotë se njëra nga të tri komandat terroriste ka arritur të largohet, siç bëri të ditur televizioni Europe 1. E paqartë mbetet nëse dorasit vazhdojnë të jenë në arrati apo nëse janë ata që u arrestuan të shtunën në Belgjikë. Atje, në një bastisje të policisë në lagjen e migrantëve të Brukselit Molenbeek u arrestuan disa vetë. Njëri prej tyre besohet se të premten në darkë ka qenë në Paris.

I pari që u identifikua nga atentatorët ishte 29 vjeçari Omar Ismail Mostefai. I riu i lindur në jug të Parisit ka qenë disa herë i dënuar për vepra të ndryshme penale dhe kishte rënë në sy për shkak të radikalizimit të tij, deklaroi prokuroria. Babai dhe vëllai i tij u morën në arrest të shtunën në mbrëmje. Veç babait dhe një vëllai u arrestua edhe gruaja e tij. Veç kësaj u bastisën banesat e tyre. Hetuesit bënë të ditur se është e zakonshme në rastë të tilla, që të afërmit të kalojnë në paraburgim, për t’u marrë në pyetje. Vëllai 34 vjeçar tha se nuk ka pasur prej kohësh kontakt me Mostafein.

2 komente në “A i kanë shpëtuar policisë atentatorët?”

loni says:

15 Nëntor, 2015 16:47 te 4:47 pm

filloj sistemi komunist edhe ne france,se komunizmi te denonte ne menyre koperative te gjithe fisin,faktet dhe akuzat i pergatiste vet ai sistem,edhe tani ne france marrin familjen e terroristit per paraburgim,akuza eshte e njejte mekomunizmin,duam tju pyesim,por qelia qeli aman,te drejtat e njeriut ne kapitalizem sic na thojne,eshte te denohet vetem autori i ngjarjes,jo i gjithe fisi kur nuk kan asnje pune me ngjarjen sic thote artikulli qe fakte nuk ka qe familja e ketij terroristi te ket gisht ne ngjarjen e premte,por paraburgimi eshte kusht per ligjet e frances,kapitalizmit kur i djeg bytha nuk njohin te drejtate njeriut,thjesht i kane si ligje formale,te keqen e komunizmit se te pakten me kallash ne dore nuk e mendonte kush dhe jo me te qellonte ne njerez te pafajshem.

Përgjigjjuni
Epiriíiiiiiii says:

16 Nëntor, 2015 00:36 te 12:36 am

O Loni prej Betoni….. Franca EU dhe usa duhet te keshillohen, te pyesin Izraelin si u bene ball terroristeve. E di cili Sistem ka rezultuar edikas…… Sistemi i Interrnimit i E.Hoxhes. Cilido qofte Kamikazi, Izraeli i rrenon Shtepine atij dhe te Afermëve dhe i debon ne ekzil. Çuditrisht qe kur ka vepruar keshtu Nr i kamikazve i terroristeve ra ndieshem. Keshtu duhet te veproj edhe gjith EU, dhe do shohesh terroristet si do te mendohen 2 here para se te nderrmarin aksione te tilla. Ok Loni, do me per sistemin komunist…..

Përgjigjjuni