E PLOTE/ Donald Lu për korrupsionin dhe reformën në drejtësi: Një grup deputetësh, kundër reformës

“Përshëndetje të gjithëve! Unë jam Don dhe unë jam i kënaqur që ne mund të kemi një bisedë në lidhje me korrupsionin. Ju mund të mos e besoni, por unë kam shumë shpresë se gjërat po ndryshojnë në lidhje me korrupsionin në Shqipëri”.

9 dhjetori ishte Dita Ndërkombëtare kundër Korrupsionit.  Ambasadori Donald Lu filloi të martën, 15 dhjetor, në orën 15:30, nje bashkbisedim mbi përpjekjet e vazhdueshme kundër korrupsionit dhe për të mësuar se çfarë mund të bëni ju këtu në Shqipëri.

“Unë jam Don dhe unë jam i kënaqur që ne mund të kemi një bisedë në lidhje me korrupsionin. Ju mund të mos e besoni, por unë kam shumë shpresë se gjërat po ndryshojnë në lidhje me korrupsionin në Shqipëri. Njerëzit në Shqipëri janë të lodhur dhe duan të shohin ndryshime – nga dekriminalizimi i parlamentit, deri tek reforma gjyqësore, tek transparenca financiare e partive politike për të parandaluar blerjen e votave.”

Me këtë koment, ambasadori Donald Lu nis bashkëbisedimin pyetje-përgjigje me shqiptarët përmes faqes zyrtare të Ambasadës Amerikane në Facebook me tematikë korrupsionin.

“Njerëzit në Shqipëri janë të lodhur dhe duan të shohin ndryshime – nga dekriminalizimi i parlamentit, deri tek reforma gjyqësore, tek transparenca financiare e partive politike për të parandaluar blerjen e votave”, vijon komentin e tij, Donald Lu.

Por si do të ndodhë ky ndryshim? Donald Lu ka përgjigjien edhe për këtë pyetje të adresuar nga njëri prej ndjekësve të Ambasadës Amerikane në rrjetet sociale.

“Ndryshimi i Shqipërinë do të fillojë me ligje te reja për dekriminalizimin, Zyren Kombëtare të Hetimeve, dhe reformën e gjyqësorit. Por vetëm ligjet nuk do të ndryshojnë Shqipërinë. Implementimi është puna e vështirë. Gjyqtarët dhe prokurorët e korruptuar duhet të pushohen nga puna dhe të ndiqen penalisht. Politikanët e inkriminuar duhet të hiqen nga liderët e partive politike, nga parlamenti dhe nga pozicionet lokale. Ministra të korruptuar, të mëparshëm dhe të tanishëm, duhet të mbahen përgjegjës për krimet e tyre. Populli shqiptar duhet të kërkojë që kjo të ndodhë”.

Një tjetër pyetje lidhej me dyshimet nëse klasa politike e vendit tonë është në gjendje që të shkulë fenomenin e korrupsionit. Donald Lu dha një përgjigjie të qartë për këtë.

“Mos i lejoni politikanët të kontrollojnë nismën antikorrupsion. Kjo nuk është një luftë për të huajt apo politikanët. Kjo duhet të jetë një luftë e qytetarëve të rregullt”, thotë ai.

Ambasadori Lu u pyet nëse Shtetet e Bashkuara kanë informacione të klasifikuara me emra politikanësh apo biznesmenësh të përfshirë në korrupsion apo krime të tjera dhe nëse po, a do të dalë Ambasada Amerikane me emra konkretë pas miratimit të reformës në drejtësi?

“Unë e di se shqiptarët janë të zgjuar. Unë jam i sigurt se ata mund të kuptojnë se cilët janë zyrtarët e korruptuar dhe kriminalë. Ata janë ato ose ata që nuk e bëjnë punën e tyre. Ata nuk e mbështesin reformën dhe ata nuk kanë arritur asgjë në pozicionet e tyre. Ata janë ata ose ato te cilët kalojnë gjithë kohën e tyre duke vjedhur paratë tuaja”, ishte përgjigjia e ambasadorit.

Ambasadori e cilësoi si të patolerueshme gjendjen me gjykatësit dhe prokurorët shqiptarë.

“Unë shpresoj se ju do të punoni për të mbështetur reformat që piketojnë dhe largojnë gjykatësit dhe prokurorët e korruptuar. Kjo gjë është kritike për të ardhmen e këtij vendi”, thotë ai.

Gjykatësit dhe prokurorët duhet të japin llogari për krimet që mund të kryejnë apo për çdo lloj abuzimi me pushtetin e tyre, vijon Lu.

“Zgjidhja që është përfshirë në reformën aktuale në drejtësi, është ngritja e këshillave gjyqësorë dhe të prokurorisë, të përbërë nga anëtarë të shoqërisë civile dhe me shumicën gjykatës e prokurorë, të cilët do të propozojnë, promovojnë apo largojnë gjykatës dhe prokurorë. Ky është një ekuilibër shumë delikat”, thotë ai.

Duke iu përgjigjur rezervave të shprehura nga një komentues, edhe Donald Lu shprehu rezervat e veta në lidhje me gatishmërinë e një pjese të deputetëve në Kuvend për të miratuar reformën në drejtësi.

“Edhe unë kam dyshimet e mia për disa nga anëtarët e parlamentit dhe vullnetin e tyre për të mbështetur reformën, por unë besoj se me presion publik, ndryshimi është i mundur”, tha ai.

PYETJE PERGJIGJE

Pyetje: I nderuar Ambasador ju po flisni me emra konkret dhe po konstatoni realitetin e hidhur Shqiptar, por pyetja ime eshte se si mund te shkojm nga konstetimi te veprimi ? Sepse tiu kerkosh te korruptuarve te denojne veten e vet eshte problem i madh kush do jete ajo formul magjike qe ti japi goditjen e forte qe ta rrezoj kete struktur kriminale qe egziston ne Shqiperi !!

Përgjigje: Ardenal, pyetje shume e mire. Ndryshimi i Shqipërisë do të fillojë me ligje te reja – për dekriminalizimin, Zyren Kombëtare te Hetimeve, dhe reformën e gjyqësorit. Por vetëm ligjet nuk do të ndryshojnë Shqipërinë. Implementimi është puna e vështirë. Gjyqtarët dhe prokurorët e korruptuar duhet të pushohen nga puna dhe të ndiqen penalisht. Politikanët e inkriminuar duhet të hiqen nga liderët e partive politike, nga parlamenti dhe nga pozicionet lokale. Ministra të korruptuar, të mëparshëm dhe të tanishëm, duhet të mbahen përgjegjës për krimet e tyre. Populli shqiptar duhet të kërkojë që kjo të ndodhë.

Pyetje: Pershendetje Z .Lu. Ne Shqiptaret nuk duam korrupsion. Por jemi te detyruar te paguajme , I tille eshte sistemi qe ka ngritur politika hajdute per 25 vite ne Shqiperi. Korrupsioni te ne eshte si ajzbergu qe i duket vetem pjese siper. Por problemi eshte me i madh nga sa e mendojme ne. Pyetja ime eshte. A mund ta shkulin pemën e korrupsionit ata qe e mbollen. Kjo pemë per ta sjell pushtet fuqi pasuri ne kurriz te shqipetareve te ndershem.

Përgjigje: Korrupsioni nuk ka nevojë të luftohet nga ata që e krijuan atë. Korrupsioni duhet të luftohet nga njerëz normalë. Njerëz normalë që votojnë. Njerëz normalë që punojnë në biznes, në qeveri apo në shkolla. Njerëz normalë që punojnë në OJQ-ë, universitete dhe media. Mos i lejoni politikanët të kontrollojnë nismën anti-korrupsion.

Pyetje: Mire zotnia do pergjigjet po korrupsionin kush do ta luftoj ne kte vend?

Përgjigje: Ti do ta luftosh! Dhe tre milionë qytetarët e tjerë shqiptarë. Kjo nuk është një luftë për të huajt apo politikanët. Kjo duhet të jetë një luftë e qytetarëve të rregullt.

Pyetje: Zoti Ambasadador amerika ka sjelle demokracine ne shume vende te botes perse ketu ne Shqiperi amerika eshte indiferente per korrupsionin e larte nga vete deputetet e shqiperise dhe ju heshtni dhe populli shqiptare vuan nga skamja dhe varferia a eshte kjo demokracia qe ne shqiptaret kemi kerkuar faleminderit dhe prese pergjigje me respekt Ardian Elezi Gramsh Shqiperi.

Përgjigje: Shtetet e Bashkuara sigurisht promovojnë demokracinë duke zhvilluar OJQ-të, partitë politike dhe mediat. Ne gjithashtu inkurajojmë vendet për t’u marrë seriozisht me korrupsionin e nivelit të lartë. Në Shqipëri, ne kemi punuar me të dyja palet, qeverinë dhe opozitën për të hequr anëtarët e parlamentit dhe kandidatët për kryetarë të komunave apo bashkive me rekorde në arrestime dhe dënime penale. Miratimi i ligjit të dekriminalizimit do të rezultojë në largimin e shumë prej këtyre politikanëve me precedentë penalë.

Pyetje: Pershendetje Z. Ambasador Lu! Ju pergezoj pa mas per fjalimet pa dorashka dhe perplasjen ne fytyre te realitetit qe Ju i beni politikes dhe politikaneve shqiptar. Ne lidhje me korrupsionin une mendoj se nje nga menyrat per ta luftuar ate eshte rritja e rrogave per te gjitha ato pozicione qe jane me shume te ekspozuar ndaj korrupsionit. Pyetja ime konsiston: A mendoni se me keto politikane qe kemi ne, do arrjim ta luftojme korrupsionin dhe te anetaresohemi ne BE ne 5 vitet e ardhshme apo jo?

Përgjigje: Kjo është një pyetje e mirë. Shtetet e Bashkuara nuk janë anëtarë të BE-së kështu që unë nuk e di se sa e mundshme është që Shqipëria do të futet në BE së shpejti. Ajo që unë di është se BE-ja është serioze në lidhje me kërkesat që Shqipëria të bëjë progres kundër korrupsionit, krimit të organizuar dhe reformën gjyqësore përpara fillimit të negociatave. Dhe po, ju keni të drejtë se pagesa me rroga te arsyeshme është një pjesë e rëndësishme e luftës kundër korrupsionit.

Pyetje: Z. Ambasador!Korrupsioni eshte rrjedhoje e mungeses se demokracise. C’ mund te beje aleati yne i madh per te na ndihmuar per vendosjen e demokracise se vertete ne Shqiperi? Vecanerisht problematike eshte demokratizimi i partive politike si baza e demokracise se nje vendi.

Përgjigje: Unë pajtohem me ju se partive politike u duhet reformë për t’i bërë ato më demokratike. Udhëheqësi e partive sot mund të marrin të gjitha vendimet pa konsultim apo zgjedhje. Unë shpresoj se reforma zgjedhore mund t’i adresojë këto çështje. Ndoshta duke folur në lidhje me këtë çështje publikisht, ju mund të ndihmoni.

Pyetje: Z.ambassador ,25 vite demokraci kan kaluar mendoni qe shqipetaret sot Jan me mire se ne vitet e komunizmit , dhe doja te Dija qe politika shqipetare do ket edhe ajo gjykimin e saj ne gjykat per rastet e shumta qe ka , Doja te citoja qe Shqiperia me shqipetaret nuk behet …

Përgjigje: Mendoj që shumë njerëz e bëjnë këtë pyetje. Kam lexuar një studim së fundmi sipas të cilit Shqipëria dhe një nga vendet Balltike ishin të vetmet vende ish komuniste që kanë të ardhura më të larta tani krahasuar me vitin 1991, kur komunizmi u rrëzua në pjesën më të madhe të Europës. Unë nuk kam jetuar kurrë në një vend komunist, por nga historitë që më kanë treguar miqtë e mi shqiptarë të cilët kanë jetuar nën regjimin e diktatorit Enver Hoxha, nuk mund të ketë krahasim me kohën e komunizmit. Cilado qofshin sfidat dhe vështirësitë e kohëve të sotme, ju keni sigurinë se çdo shqiptar sot gëzon liritë dhe privilegjet themelore të cilat në kohën e komunizmit as nuk i kishin ëndërruar.

Pyetje: Zoti ambasador shqiptare kan shum besim tek ty por kur te shofim se me cin do ta beni dhe uleni ne tryezen per rreformen ne drejtesi te len shum per te deshiruar nuk mundet te behet rreform me trrajen rakipin dhe te tjer ato jan figura shum te korruptuara ne shqiperi nuk mundet te beni rreformen te hiqen ca te korruptuar dhe te vendosen disa me te korruptuara si traja e rakipi nuk eshte zgjillje kjo Po nuk ndryshuan kodin penal qe eshte si pacavure arrna arrna nuk ka zgjillje te beet nje kod i ri i nje shteti perendimor qe korupsjoni mos te denoet me muaj po te beet sic e keni ju ne amerik qe e denoni njezet vjet ater do shifni do guxoj njeri te bej korrupsjon, nje njeri i thjesht kapet duke vjellur njimi ose dhjet mi ljon lek ose duke ber nje pun tjetet kunder ligjit denoet dhjet vjet ose me shum kurse kur organet shteterore vjellin nje ose dhjet ose njeqint miljart lek ato jan shum te nderuar dhe te respektuar se edhe po u kapen nuk bejne me shum se nje vit burg se ne burg rrin te varferit dhe viktimat keshtu eshte ne shqiperi zoti ambasador Lu.

Përgjigje: Psikologu Ppv, është e vërtetë që dënimi për korrupsion në Shtetet e Bashkuara është shumë i ashpër. Unë mendoj që shqiptarët duhet të kenë shpresa që reforma në drejtësi është e mundur. Sot ka një dialog publik të vërtetë. Ju po merrni ndihmë nga miqtë tuaj në Shtetet e Bashkuara dhe Bashkimin Europian. Kini besim. Ndryshimi po vjen.

Pyetje: Z.Ambasador, problemi me i madh ne Shqiperi nuk jane 4 – 5 politikane qe pasi u bene te pasur me droge dhe prostituta me pas hyne ne politike, pasi kaq i gjejme dhe ne Amerike, por jane pothuajse e gjithe pjesa tjeter e tyre dhe Gjykates e Prokurore, qe sipas te madhit Gjergj Fishta, i hyne politikes “pa breke” dhe te nesermen u gdhine milardiere.Respekte!

Përgjigje: unë mbajta një fjalim të shkurtër dje, në konferencën kombëtare gjyqësore. U mundova ta ndaj fjalimin tim në dy mesazhe – një për pjesën më të vogël të gjykatësve, të cilët janë jashtëzakonisht të korruptuar, dhe një mesazh për pjesën më të madhe të tyre, të cilët e kryejnë punën e tyre me ndershmëri dhe nuk kërkojnë rryshfet. Jam dakord me ju, gjendja me gjykatësit dhe prokurorët shqiptarë është e patolerueshme. Unë shpresoj se ju do të punoni për të mbështetur reformat që piketojnë dhe largojnë gjykatësit dhe prokurorët e korruptuar. Kjo gjë është kritike për të ardhmen e këtij vendi.

Pyetje:  I nderuar Z.Ambasador! Le ta konsiderojme si te permbushur me sukses misionin e pastrimit te administrates nga te korruptuarit,,,,thelbi i ceshtjes qendron ketu: hoqem ata,por me ke do ti zevendesojme???!!!!,,,, pergjigja ime: me shqiptare,,,ketu po I referohem thenies se te madhit Faik Konica;”E keqja e Shqiperise jane vete shqiptaret”!!!!!!!!

Përgjigje: Gjergji, mos e humbni shpresën. Unë njoh shumë shqiptarë të cilët janë të ndershëm, dhe njerëz punëtorë. Për shembull, Shkolla e Magjistraturës prodhon të diplomuar të shkëlqyer që vazhdojnë për t’u bërë gjyqtarë dhe prokurorë. Unë jam i bindur se njerëz të ndershëm dhe të përgjegjshëm mund të gjenden për të udhëhequr Shqipërinë.

Pyetje: PYETJA IME ESHTE : KUR DO KEMI DREJTESINE REALE DHE TE PAVARUR NE SHQIPERI? Korrupsioni luftohet vetem me ndershkim dhe kete e bejne vetem prokuroret dhe gjykatat e pavarura. Faleminderit!

Përgjigje:  Institucionet e pavarura janë jetike për balancimin e pushtetit në çdo qeveri. Në të njëjtën kohë, gjykatësit dhe prokurorët duhet të japing llogari për krimet që mund të kryejnë apo për çdo lloj abuzimi me pushtetin e tyre. Zgjidhja që është përfshirë në reformën aktuale në drejtësi, është ngritja e këshillave gjyqësorë dhe të prokurorisë, të përbërë nga anëtarë të shoqërisë civile dhe me shumicën gjykatës e prokurorë, të cilët do të propozojnë, promovojnë apo largojnë gjykatës dhe prokurorë. Ky është një ekuilibër shumë delikat.

Pyetje: Zoti Ambasador,kur do kete drejtesi vendi yne,prokuroria,gjykata e koruptuar ,shendetesia nuk funksonon ,arsimi, i dobet administrata,jashte funksionit hipoteka,e koruptuar pronat, kur do te jene te pronari legjitim ,25 vjet zvaritje neper gjygje , cdo instutucion, shtetror,eshte i koruptuar,gangren, e shoqerise, shqiptar

Përgjigje: Aleksi, unë shpresoj që në vitin 2016, ju dhe çdo qytetar tjetër shqiptar, do të shihni zbatimin e reformës në drejtësi dhe nisje e ndryshimeve të vërteta. Do të duhet kohë për të larguar të gjithë gjykatësit, prokurorët dhe zyrtarët e korruptuar, por ndikimi shtrëngues i reformës kryesore do të nisë menjëherë. Menjëherë ju do të shihni gjykatës, prokurorë dhe zyrtarë që do të kenë frikë nga pasojat e marrjes së rryshfetit. Unë shpresoj që ky ndryshim të vijë shumë shpejt.

Ambasadorët paralajmërojnë PD-në: Jo dhunë, policia të reagojë. Bllokim i Kuvendit, vijë e kuqe

15:59 Politika

Balla: Letra e Ristanit, fabrikim i SHQUP-it

13:54 Politika

INTERVISTA/ Bujar Nishani: Ja cila është formula ime për sistemin e drejtësisë

13:04 Politika

PD: Ja si ndahen vendet e punës në burgje si plaçkë lufte

12:31 Politika

BE: Shqipëria, përparim të qëndrueshëm

12:03 Politika

Spartak Ngjela: Blushi synon të marrë PS-në, dhe duket se ka një grup të fortë prapa

10:43 Politika

“Siç e kanë nisur, Donald Lu e Vlahutin do na i lënë gjykatësit e prokurorët vetëm me të brendshme”

18:55 Politika

ZULULAND: Shpëtim Nazarko: Kjo Shqipëri që kemi, shumë herë më e keqe nga ajo e Enverit. Krijuam një ekonomi idiote, jo thjesht informale

20:45 Politika

“Persekutorit të Zef Pllumit Berisha i dha pension të veçantë”

18:34 Politika

Veliaj paralajmëron PD-në: Do gjobiteni prapë, nëse shkaktoni dëme gjatë protestës së radhës

18:27 Politika