Shqiptari kërkon azil

Numri i qytetarëve shqiptarë që kanë bërë kërkesë për azil në Gjermani në vitin që u mbyll ishte 54 mijë e 762 persona.

Një shifër që e vendos Shqipërinë në vendin e dytë të azilkërkuesve.

Shqipëria renditet menjëherë pas Sirisë, e cila prej vitesh është në luftë.

Në vend të tretë janë shqiptarët e Kosovës me 37 mijë e 95 kërkesa.

Nga 10 vendet e para azilkërkuese dominon Ballkani, me 4 vende.

Veç Shqipërisë dhe Kosovës, në dhjetëshen e parë është e Lugina e Preshevës me 26 mijë e 945 kërkesa dhe Maqedonia me 12 mijë e 166 kërkesa.

Për të ulur numrin e kërkesave për azil nga Ballkani, autoritetet gjermane i cilësuan ato si vende të sigurta origjine duke shkurtuar kohën e shqyrtimit të kërkesave të tyre.

Numri i azilkërkuesve shqiptarë për vitin 2015 u rrit më shumë se 5 herë krahasuar me vitin 2014 ku ishin pak më shumë se 8 mijë persona azilkërkues.

E njëjta gjë ndodhi edhe me shqiptarët e Kosovës.

Të dhënat zyrtare për 2015-ën tregojnë se është rritur disa herë numri i azilkërkuesve nga Kosova.

Por në tremujorin e fundit të 2015 pati një rënie të azilkërkuesve shqiptarë në Gjermani.

Nga 4680 që ishin në tetor, në nëntor numri shkoi në 3044 ndërsa në dhjetor në 1801.

Qeveria shqiptare kërkoi të evitojë debatin mbi azilkërkuesit me sa mundi.

Përpara medieve, kryeministri Rama dhe ministri i Brendshëm Tahiri deklaruan se shqiptarët keqkuptuan informacionet lidhur me kërkesat e punës në Gjermani me atë të azilit.

Sipas tyre në këtë keqkuptim kontribuuan edhe trafikantët.

Por Gjermania u ka thënë jo shqiptarëve.

Aktualisht mijëra shqiptarë gjenden në Gjermani në shpresën se mund të marrin azil, por autoritetet gjermane janë të qarta: nuk ka azil për shqiptarët!/ Independent Balcan News Agency/a.l

Moratorium 10-vjeçar kundër prerjes së pyjeve

13:03 Sociale

Emigrantët shqiptarë, komuniteti i dytë më i madh i besimit mysliman në Itali

09:43 Sociale

Drejtoresha e DAP: Administrata në testim, kush nuk merr mbi 50 pikë humbet vendin e punës

18:19 Sociale

Bashkia e Tiranës dhe ambasadat zhvendoset në Bulevardin e Ri

11:55 Sociale

Matësit elektronikë, OSHEE hap tenderin

19:46 Sociale

Shelegur/ Anulohet tenderi, por sharra bëri kërdinë. Dade: Do të çoj në prokurori autorët e masakrës, duke nisur nga sekretari i ministrit

21:04 Sociale

FOTOT/ Sukthi nën pushtetin e ujit

19:30 Sociale

Shkumbini shemb rrugën kryesore në Xibrakë

18:07 Sociale

VIDEO/ Si sardele! Ja çfarë bëhet në urbanët e Tiranës

15:59 Sociale

Përmbytjet/ Rama në Sukth: Fatura e ndërtimeve dhe projekteve kuturu

15:22 Sociale