Klosi: Shqipëria ka punë, në 2015 nxorëm nga puna e zezë 120 mijë persona dhe punësuan 30 mijë punëkërkues

“Shqipëria punon – Shqipëria ka punë. Nuk është vetëm një slogan, por edhe një realitet i prekshëm dhe i qëndrueshëm”. Kështu është shprehur ministri i Mirëqenies Sociale dhe Rinisë, Blendi Klosi gjatë konferencës së punësimit, ku merrnin pjesë edhe kreu i Dhomës së Tregtisë dhe Industrisë Tiranë, Nikolin Jaka, si dhe presidenti i Shoqatës së Agjencive Private të Punësimit dhe Formimit Profesional, Ermal Jauri. Fillimisht, duke bërë një përmbledhje të punës së kryer në vitin 2015, ai theksoi se falë punës së strukturave të ministrisë, por edhe të fushatës kundër informalitetit që ndërmori qeveria, u nxorën nga puna e zezë 120 mijë persona, ndërkohë që u bë e mundur njëkohësisht të punësohen dhe një numër i konsiderueshëm punonjësish.

“Njëkohësisht, fushata pa kompromis që bëri qeveria në tremujorin e fundit të vitit të shkuar kundër informalitetit, solli si rezultat nxjerrjen nga puna në të zezë të rreth 120 000 punonjësve, të cilët sot janë të siguruar dhe kanë një punë të denjë. Ndërkohë, gjatë vitit 2015 janë punësuar edhe rreth 30 000 punëkërkues”, – tha ministri Blendi Klosi. Ai gjithashtu duke iu referuar pikërisht të dhënave zyrtare të zyrave të Punës, ku rezultojnë rreth 30 mijë vende pune të ofruara nga biznesi privat, theksoi se ato janë tepër domethënëse për punën që duhet bërë për të kualifikuar krahun e punës dhe për t’iu përgjigjur kërkesave të tregut të punës.

“Ai që mund të konsiderohet një handikap në interpretimin e shifrave të mësipërme të kërkesë/ofertës në tregun e punës ka një shpjegim fare të thjeshtë. Ka një mospërputhje evidente midis zanateve që kërkohen nga biznesi me formimin e papërshtatshëm profesional të punëkërkuesve. Dhe ashtu siç është i thjeshtë shpjegimi, po aq racionale është edhe zgjidhja: Arsim dhe Formim Profesional”, – tha Klosi. Prandaj, theksoi ai, qeveria shqiptare i ka kushtuar rëndësi të posaçme reformimit të sistemit të Arsimit dhe Formimit Profesional për ta harmonizuar atë më mirë me kërkesat e tregut të punës. “Kjo do të thotë që krahas modernizimit të shkollave profesionale dhe qendrave të formimit profesional, ne duhet të garantojmë që çdo profil i tyre i shërben tregut të punës dhe i ndihmon nxënësit dhe kursantët të punësohen më pas”, – shtoi Klosi.

Por përveç përpjekjeve brenda sistemit të shërbimeve të punësimit, Klosi bëri të ditur se ministria ka një qasje të re ndaj të gjithë aktorëve që veprojnë në tregun e punës për lehtësimin e kërkesës me ofertën, siç janë agjencitë private të punësimit, për të bërë një ndërmjetësim të shpejtë e të saktë në tregun e punës, gjë që nxit dhe një mirëfunksionim të tij. Mandej, ai theksoi se me miratimet e ndryshimeve të Kodit të Punës, një formë e re agjencish punësimi do të funksionojë në tregun shqiptar të punës ashtu siç funksionojnë në të gjitha vendet e BE-së. “Këto janë agjencitë e punësimit të përkohshëm, ose siç thuhet ndryshe ‘leasing’. Shumë shpejt, ministria do të lançojë për konsultim me palët e interesuara dhe grupet e interesit draftin e parë të aktit nënligjor, që do të rregullojë kushtet dhe mënyrën e themelimit dhe funksionimit të agjencive për punësim të përkohshëm”, – tha Klosi. 

Veliaj dhe Kodheli përurojnë ndërtimin e urës në fshatin Qeha, në Petrelë, pas përmbytjeve

14:17 Sociale

Park rulotash për romët, ideja ‘e çuditshme’ e një aktivisti

12:03 Sociale

Beqaj: 5 milionë euro për fuqizimin e spitalit të Traumës

10:45 Sociale

Temperaturat do të ulen fort/ Ministria e Brendshme paralajmëron qytetarët

20:16 Sociale

Po vjen i ftohti ekstrem

18:08 Sociale

Edukim kundër terrorizmit

16:23 Sociale

Mjekët nuk i joshi as bonusi i qeverisë

16:11 Sociale

Veliaj: 350 mijë banorë të Tiranës përfitojnë nga impianti i përpunimit të ujërave të përdorura

14:13 Sociale

Rama: Plani i përgjithshëm urban, paralel me planet e bashkive

12:27 Sociale

REPORTAZHI/ Shqipëria e raskapitur mes korrupsionit dhe papunësisë ekstreme

12:22 Sociale