Ja debati i plotë në grupin parlamentar: Berisha, Topalli dhe Basha bashkë kundër reformës

Për mbi tri orë, deputetët e PD-së kanë diskutuar mbi aksionin parlamentar dhe qëndrimet që do të mbajnë për Reformën në Drejtësi. Fillimisht ka qenë kryetari i opozitës, Lulzim Basha, ai që ka bërë një përmbledhje të takimeve dhe mbështetjes që ka marrë në Shtetet e Bashkuara të Amerikës.

Sa i takon aksionit të opozitës në Parlament, kreu i PD-së është treguar i kujdesshëm në vendimmarrje, pavarësisht kërkesës së Sekretarit të Përgjithshëm të PD-së, Arben Ristani, i cili ka propozuar variantin që demokratët të bojkotojnë Parlamentin. Qëndrimin më të fortë në mbledhjen e grupit Basha e ka pasur për marrëdhënien që PD-ja do të mbajë në raport me shumicën në Komisionin e Reformës në Drejtësi.

Duke e cilësuar një terrorizëm kushtetues atë që maxhoranca po u bën kërkesave të opozitës për dërgimin e deputetëve me konflikt interesi në Kushtetuese, Basha ka theksuar se PD-ja do të kushtëzojë pjesëmarrjen e saj në reformë. Sipas tij, për aq kohë sa shumica qeverisëse shkel Kushtetutën, përfaqësuesit e opozitës nuk mund të marrin pjesë në një tryezë ku diskutohen ndryshimet kushtetuese.

Ish-kryetarja e Parlamentit, Jozefina Topalli, e cila jo në pak raste ka shprehur kundërshti për aksionet politike të Lulzim Bashës, ka mbështetur plotësisht vendimin e tij për të kushtëzuar pjesëmarrjen në Reformën në Drejtësi.

Ish-kryeministri Berisha ka kërkuar që opozita të jetë e kujdesshme në vendimin që do të marrë për marrëdhëniet me Parlamentin, ndërkohë që ka kërkuar nga përfaqësuesit e opozitës në tryezën e reformës të jenë të kujdesshëm për çdo nen që Rama ka propozuar për kapjen e Drejtësisë.

DEBATI NE GRUPIN E PD

Lulzim Basha: Të nderuar deputetë, fillimisht dua t’ju falënderoj për aksionin opozitar që keni zhvilluar në këto ditë që unë dhe tre deputetë të grupit kemi qenë në SHBA. Dua t’ju informoj se ka qenë një vizitë e jashtëzakonshme në të gjithë kuptimin e saj. Si drejtues i Partisë Demokratike, e kam ndjerë veten të privilegjuar përballë mirënjohjes dhe vlerësimit që zyrtarët amerikanë kanë shprehur për forcën tonë politike. Kemi zhvilluar takime me ndihmëssekretaren amerikane të Shtetit, Victoria Nuland, nga e cila kemi marrë mbështetje të plotë për aksionin opozitar, por edhe për qasjen që kemi për dekriminalizimin dhe Reformën në Drejtësi. Gjithashtu me mjaft rëndësi ka qenë takimi me drejtorin për Ballkanin në Departamentin Amerikan të Shtetit, Thomas Yazdgerdi. Në këtë takim kemi shprehur gjithë shqetësimin e opozitës lidhur me personat e inkriminuar që kanë depërtuar në Parlament, si dhe kërkesën që kemi për largimin nga Parlamenti dhe mbarimin e mandatit të Armando Prengës. Përfaqësuesit e DASH na kanë siguruar se kanë informacione për të tillë individë dhe na kanë siguruar se për këto shqetësime të ngritura do të komunikojnë edhe me përfaqësuesin më të lartë të qeverisë shqiptare. Tani sa i takon Reformës në Drejtësi, unë jam informuar nga anëtarët e komisionit mbi zhvillimet që kanë ndodhur. Mirëpo ne nuk mund të jemi me dy standarde, në reformë japim dakordësi, ndërkohë që ata në Parlament injorojnë kërkesat tona për dërgimin e deputetëve të tyre në Kushtetuese. Pjesëmarrja jonë në tryezën e Reformës në Drejtësi do të kushtëzohet nga qëndrimi që ata do të mbajnë me kërkesat tona. Ne eksperimente me Reformën në Drejtësi se kështu duan ata nuk bëjmë. Si mundet ne të jemi në një tryezë, kur flitet për ndryshime kushtetuese në një kohë që ata e injorojnë Kushtetutën dhe nuk e respektojnë atë? Për këtë u kërkoj deputetëve të opozitës të jenë të qartë në komision dhe të deklarojnë se për aq kohë sa nuk do të ketë reflektim nga shumica për dërgimin e deputetëve të tyre në Kushtetuese, nuk mund të diskutojmë për reformë.

Jozefina Topalli: Kjo është diçka për të cilën bie edhe unë dakord. Se jemi duke mbajt një qëndrim në Parlament, ndërkohë që ata janë duke injoru çdo kërkesë dhe duke u sjellë në mënyrë arrogante. Nuk mund të ketë ndryshime kushtetuese nga ata që nuk kanë respekt dhe janë shkelësit kryesorë të Kushtetutës.

Lulzim Basha: Ajo që ata janë duke bërë është terrorizëm kushtetues. Kemi tri javë që u kërkojmë që të dërgojnë në Kushtetuese Valentinën dhe Rakipin, të dy të kapur në konflikt interesi. Dhe për çfarë duhet të flasim për Reformë në Drejtësi? Kur këta nuk kanë respekt për Kushtetutën? Ky është qëndrimi që do të kemi, edhe sa i takon marrëdhënies me Parlamentin, do të ashpërsojmë qëndrimet tona.

Arben Ristani: Unë mendoj se kjo lloj sjelljeje që kemi me Parlamentin nuk është efektive. Për aq kohë sa ata nuk kanë asnjë reagim përballë aksionit politik, unë jam i idesë që duhet të ndërpresim fare marrëdhëniet me Parlamentin. Personalisht gjykoj se bojkoti do të ishte rruga e duhur përballë një maxhorance të tillë. Ata kërkojnë konsensus për Reformën në Drejtësi, ndërkohë që injorojnë në mënyrë flagrante kërkesa bazike që ne kemi paraqitur.

Sali Berisha: Unë mendoj se duhet të jemi më të kujdesshëm në lidhje me qëndrimet që vendosim të mbajmë. Sidomos mbi ato që do të mbajmë për Reformën në Drejtësi. Përfaqësuesit tanë duhet të kundërshtojnë çdo nen që ka për synim kapjen e sistemit të Drejtësisë. Rama kërkon ta kontrollojë Drejtësinë, sepse ndryshe nuk e jep dot votën pro reformës, kjo është e qartë.

Arben Imami: Ajo që unë dua të theksoj për Reformën në Drejtësi është fakti që ne duhet të qëndrojmë solidë në parimet mbi mënyrën e ndërtimit të institucioneve. Nuk duhet që të ketë interferim të kompetencave mes institucioneve të Drejtësisë, të ruhen mandatet dhe jo të rrëzohen në varësi të oreksit të maxhorancës, të legjitimohet llogaridhënia institucionale. Me këtë dua të them që të mos ketë institucione që veprojnë tërësisht mbi institucionet e tjera, duke mos dhënë llogari askund. Gjithashtu jam kundër ekzistencës së dy institucioneve paralele. Të mos ketë dy prokurori, njësoj siç nuk mund të kemi dy parlamente, dy kryeministra, dy presidentë. Institucioni është institucion, ka tagrin e tij. Ata që janë përfaqësuesit tanë në komision të qëndrojnë fort te mbrojtja e parimeve bazë mbi të cilën ndërtohen institucionet e Drejtësisë.

Panorama

E PLOTE/ Edi Rama në TemA TV: Shqipëria nuk është e përjashtuar nga rreziku i terrorizmit

11:32 Politika

Agron Duka ikën nga Partia Republikane, do emërohet kryetari i Partisë Agrare

11:23 Politika

“Berisha është i trembur nga reforma në drejtësi, pas mesazhit që i dha Donald Lu”

10:35 Politika

Aleksandër Meksi: 26 vjet nga revolta në stadiumin e Kavajës

09:31 Politika

Lulzim Basha ndryshon qendrimin pas kthimit nga SHBA: Urdhër PD-së të bojkotojë reformën në drejtësi

20:11 Politika

TemATV/Rama ne Zululand me Much Nanon, kritikon Trump

19:02 Politika

Parlamenti duhej shpërndarë kur Berisha e Basha vranë shqiptarët!

18:48 Politika

FOTOT/ Opozita proteston, deputetja më “seksi” e PD fotografon mazhorancën

18:12 Politika

FOTO LAJM/ Ruçi “spiunon” Berishën në Kuvend

18:03 Politika

VIDEO/ Të gjithë godasin tavolinat në Kuvend, ja si proteston Jozefina

17:58 Politika