Rama: E vërteta e sajesës së Bashës. Kur pa se reforma kishte 94 votat, opozita e votoi

Kryeministri Edi Rama reagon menjëherë pas deklaratave të kreut të PD Lulzim Basha që shprehet kundër miratimit të shtatë ligjeve të reformës në drejtësi me argumentin se nuk e kanë lexuar ekspertët sepse nuk kanë pasur kohë.
Kryeministri deklaron njëherësh se demokratët e votuan reformën në drejtësi të zënë ngushtë dhe prej zorit, vetëm atëherë kur kuptuan se kjo reformë i kishte 94 vota deputetësh të sigurta.
Në një reagim të gjatë në rrjetin social Facebook Rama shkruan se opozita ka bojkotuar mbledhjet e komisionit të reformës në drejtësi prej muajsh, duke nxjerrë tanimë justifikimin sipas tij, se nuk kanë lexuar projektligjin e Vetingut të gjykatësve e të prokurorëve, as 6 ligjet e tjera bazë për fillimin e zbatimit të reformës!
Rama ka shpërndarë një deklaratë të BE-së dhe SHBA-ve për të treguar se demokratët kanë pasur kohë nga gjysma e dytë e muajit gusht për tu njohur me draftin.
Në të thuhet se drafti u është shpërndarë të gjithë anëtarëve të Komisionit të Posaçëm për Reformën në Drejtësi gjysmën e dytë të muajit qershor.

Reagimi i plotë i Ramës në Facebook:
E bojkotuan me muaj të tërë Komisionin e Reformës në Drejtësi dhe tani thonë s’kemi lexuar as projektligjin e Vetingut të gjykatësve e të prokurorëve, as 6 ligjet e tjera bazë për fillimin e zbatimit të reformës!
Ankohen se një dorë e zezë po prish konsesusin, sepse u kërkohet thjesht të bëjnë detyrën dhe të vijnë në komision për të mbyllur sa më parë ligjin kyç, pa të cilin Brukseli nuk i hap dot rrugë rekomandimit për hapjen e negociatave të Bashkimit Europian me Shqipërinë!
Dhe vazhdojnë akuzat qesharake direkte apo të nënkuptuara, kundër një komploti që e paskan shpartalluar me fuqinë imagjinare të një konsensusi, të cilin në fakt e dhanë (kur u ça muri shurdh i Shqupit e ishin bërë 94 votat e nevojshme) mu në zgripin e humnerës së pasojave të rënda, politike e personale, që i prisnin në raport me SHBA e BE, pas 21 korrikut, të gjithë ata që do votonin kundër reformës.
Po ja e vërteta rreth kësaj sajese të re, shprehur nga aleatët strategjikë përmes mediave, pak çaste më parë:
BE së bashku me SHBA-të kanë kërkuar miratimin e shpejtë të shtatë ligjeve, dhe të parin ligjit e vlerësimit (vetting), në mënyrë që të përshpejtohet zbatimi i paketës së Reformës në Drejtësi.
Kjo gjë i është bërë e ditur të gjithë udhëheqësve politikë, dhe Kryetari i Kuvendit Meta ka konfirmuar se si Kryetar i Kuvendit është i gatshëm të thërrasë mbledhjen e një seance të jashtëzakonshme të Kuvendit me të hyrë në fuqi Ndryshimet Kushtetuese (më 11 gusht), meqenëse krerët e grupeve parlamentare kanë rënë dakort për këtë.
Miratimi i shpejtë i ligjeve zbatuese është parakusht për nisjen e zbatimit të Reformës në Drejtësi, dhe i një rëndësie themelore për rrugën evropiane të Shqipërisë.
Drafti u është shpërndarë të gjithë anëtarëve të Komisionit të Posaçëm për Reformën në Drejtësi gjysmën e dytë të muajit qershor.

Vlahutin tregon prapaskenat e negociatave për reformën dhe kur largohet nga Shqipëria

21:28 Politika

SHBA dhe BE kërkojnë miratimin sa më shpejt të 7 ligjeve, Meta thërret parlamentin në 11 gusht

21:03 Politika

Mashtrimi i Bashës me afatet kushtetuese

20:52 Politika

Zbardhen formularët e vetëdeklarimit për “Vetingu-n”, ja si realizohet

20:33 Politika

Qendrimi pro reformës, PD nis sulmet ndaj Majlinda Bregut

19:41 Politika

“Vettingu”, Braçe: Basha s’ka turp, me dy standarde. Po humbin pushtetin mbi drejtësinë

19:05 Politika

“Vettingu”, Basha: Jemi kundër kalimit të ligjit nesër, absurde! (dhe qan hallin e pushimeve)

18:35 Politika

Ku janë aleatë Rama dhe Berisha

18:11 Politika

Miratimi i vetting-ut, 10 gusht seanca parlamentare

17:13 Politika

Zbulohet identiteti i ministrit që bënte xhiro me motor rrugëve të Tiranës

14:16 Politika